وتيرة الاعرج

الوتيرة الرابعة والعشرون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

فتحتها وكلي فضول اعرف الي بيها ماجان مكتوب بيها غير كلمتين .. " الخير لكدام  "

انفتح الباب الداخلي مال البيت طلعت خالتي نزلت عيونها على الي بايدي اجتني وكفت تباوع للورقة ..

-وجدان: شنو هاي الورقه

-حنين: لكيتها بالباب شوفي شمكتوب بيها مافهمت شي

اخذتها مني قرت المكتوب بقت صافنه بيها طبكت ضمتها بايدها وهيه تأشرلي ندخل جوه دخلت وياها رغم گلبي مامرتاح للي مكتوب بس مافهمت القصد مرت ايام بلغت غياهب درغام خطبني فرحتها جانت اكثر منه والوضع جان مخربط لان جدي عياش وضعه الصحي ساء وصار عنده شلل ..

-وجدان: ماكو تحسن بوضع عمي

-سلطان: لا والله

راحت خالتي لغرفتها ورجعت بايدها الورقه حطتها كدام ابويه بقى يباوعلها مافاهم التفت الها ..

- شنو هاي

- بيوم الي رحتو بالليل حنين من سدت الباب وراكم لكت هل الورقه بالباب ومكتوب بيها الخير لكدام

سحبها فتحها يقرأ بيها مستغرب من الجملة فرك جبينه بخفه وهُوَ يفكر الى ان گال ..

-سلطان: الي جاي يسوي كل هذه عنده شي ويا ابوي وهدفه واحد واتوضح الي هُوَ ينتقم اكو عداوه بالموضوع

-حنين: بس بابا ليش واحنا شنو علاقتنا يحطولنا
هل الورقة بالباب مالتنه

- يمكن لان بيت ابنه

- ليش ماخلاها ببيوت واحد من عمامي ليش اله انتَ

- الله العالم بابا هذه مبين جاي يلعب بينه

- عزا معقوله الي صوبني برجلي هذيج المره يكون هُوَ

وكف ابويه وملامحه تغيرت أشر بأصبعه بتفكير ..

- ما استبعدها

اندك الباب طلع ابويه تفاجئنا من شفنه حبوبتي امه هيه ماداخله لبيتنا طول هل السنين رحبنا بيها بس جان التعب مبين عليها كعدت بصفها فرحانه بيها احنه ماحضينه بحنان الاجداد طول عمرنا ..

-حنين: ابقي عندنه عليج الله حبوبه

ابتسمت بملامحها التعبانه حطت ايدها على شعري تمسد عليه باوعت الابويه ..

-ام سلطان: بناتك كبرانات يايمه

زفر نفس ابويه متحسر يبقون اهله مهما صار ..

-سلطان: اي يمه كبرتهن بالتعب وحدي وزوجت وحدة والثانية راح تتزوج وانتم حالكم حال الغرب