Chapter 64 : ပန်းတိုင်အသစ်
ပွဲအပြီးအင်တာဗျူးတွင် တာဝန်ရှိသူများက ပြိုင်ပွဲ၏အကောင်းဆုံးကစားသမားဖြစ်သူ ယယ်ရွှီအန်ကို ဖိတ်ကြားခဲ့သည်။
အနီရောင်ဆိုးထားသောဆံပင်နှင့် လူငယ်လေးသည် တက်ကြွသောအပြုံးနှင့် ကင်မရာရှေ့တွင် လုံးဝကြောက်ပုံမပေါ်ပေ။ သတင်းထောက်သည်သူ့အား ပထမဆုံးချီးကျူးခဲ့သည်။ "ဒီနေ့ MVP ကို အနိုင်ရတဲ့ ရှောင်းယယ်အတွက် ဂုဏ်ယူပါတယ်။ ဒီပွဲက ပွဲဦးထွက်ပြီးကတည်းက ပထမဆုံးပွဲပဲ။ ဒီလိုရလဒ်ကောင်းတွေနဲ့ပတ်သက်ပြီး ဘာပြောချင်ပါသလဲ"
ယယ်ရွှီအန်ပြန်ဖြေလိုက်သည်။ "ကျွန်တော့်ကို အခွင့်အရေးပေးတဲ့ YY ကလပ်နဲ့ လေ့ကျင့်ပေးတဲ့ ဆရာ့ကို ကျေးဇူးတင်ပါတယ်"
သတင်းထောက်ကမေးလိုက်သည်။ "ဆရာက ဘယ်သူလဲ"
"သေချာပေါက် ကျွန်တော်တို့ရဲ့ ခေါင်းဆောင်ယယ်ပေါ့။ ကျွန်တော်က Little Yeဖြစ်ပြီး ဆရာက Big Ye ပါ။ ကျွန်တော်တို့ မျိုးရိုးနာမည်တူတယ်လေ။ အတော်ကံကောင်းတာပဲမလား"
သတင်းထောက်မှာ ရယ်ရမလား ငိုရမလားမသိပေ။ "ဒါကကိုယ့်ကိုယ်ကို Little Yellow Leafလို့ နာမည်ပေးခဲ့တဲ့ အကြောင်းအရင်းလား"
"ဟုတ်တယ်။ အဝါရောင်အရွက်တွေက ဆောင်းဦးရွက်တွေ မဟုတ်ဘူးလား။ ကျွန်တော့်မွေးနေ့က ဆောင်းဦးမှာလေ"
အားလုံး: "......"
ဤကောင်လေး၏ အတွေးမှာ အနည်းငယ်လွဲနေပုံလား။
သတင်းထောက်က အကြောင်းအရာပြောင်းလိုက်သည်။ "အဟမ်း၊ ဒီနေ့ပွဲအနိုင်ရသွားတဲ့ သော့ချက်က ဘာလို့ထင်လဲ"
သူသည် ယယ်ရွှီအန်မှာ YY အသင်းကစားပုံကောင်းကာ သူတို့အသင်းဖော်များ အလွန်စည်းလုံးသည် စသဖြင့် တစ်ခုခုပြောလိမ့်မည်ဟု ထင်ခဲ့သည်။ ရလဒ်အနေနှင့် ဤကောင်လေးမှာ မည်သို့ယဉ်ကျေးရမည်မှန်းမသိဘဲ ပြတ်ပြတ်သားသားပြောခဲ့သည်။ "ကျွန်တော်တို့အနိုင်ရရတဲ့အကြောင်းရင်းကတော့TNG က အရမ်းဖရိုဖရဲကစားခဲ့ပြီး အများကြီး ပူးပေါင်းဆောင်ရွက်မှု မရှိခဲ့လို့ပါ"
သတင်းထောက်များ အံ့သြသွားကြသည်။ ပွဲအပြီးအင်တာဗျူးများအတွက် ကစားသမားအများစုသည် ၎င်းတို့၏ပြိုင်ဘက်များအတွက် သိက္ခာဆယ်ပေးခဲ့ကြသည်။ ယယ်ရွှီအန်ကဲ့သို့ တစ်စုံတစ်ယောက်သည် သူတို့ပြိုင်ဘက်များ၏ အားနည်းချက်များကို တိုက်ရိုက်ထုတ်ဖော်ပြသသည်မှာ ပထမဆုံးအကြိမ်ဖြစ်သည်။ တိုက်ရိုက်ထုတ်လွှင့်မှုအား ကြည့်ရှုနေသည့် TNG ပရိသတ်များမှာ ဒေါသထွက်ခဲ့ကြသည်။
YOU ARE READING
ရွှေအဆင့်နည်းပြ
Romanceဘာသာပြန်သူ - စွဲညို့အသင်း Esport ဇာတ်လမ်းတစ်ပုဒ် ဖြစ်ပါတယ်။ "ဘက်စုံတော်တဲ့ အလယ်လမ်းကစားသမားလေး" ဆိုတဲ့ တစ်ပုဒ်နဲ့ World အတူတူ ဖြစ်ပါတယ်။ ABO World ဖြစ်ပြီး ဖယ်ရိုမုန်းနဲ့ ဆိုင်တဲ့ ကိစ္စဝိစ္စလေးတွေ ပါပါတယ်။ အိုမီဂါလေးက အယ်ဖာလ်တစ်အုပ်ကို ဘယ်လို လက်...