ထင်ရာစိုင်းတဲ့ကောင်းကင်
အပိုင်း(၂၂)
ဆောင်းသံစဉ်မောင် ဆေးရုံမှာပြန်သတိရလာခဲ့တယ် ဒါပေမဲ့ သူမကိုလာကြည့်မဲ့သူမရှိလေဘူး
သူမ မျက်ရည်တွေလဲမထိန်းနိုင်ဘူး တချိန်လုံးငိုနေမိတယ်
ဒါတွေအားလုံးက ဟိုကောင်မကြောင့်ပဲ အဲ့ကောင်မသာပေါ်မလာရင် သူမက ဒီအတိုင်းလေးဆက်အချစ်ခံရမှာ ဒါမှမဟုတ် အားလုံးက ဝိုင်းချစ်ကြမှာ
သူတို့သမီးမဟုတ်ဘူးဆိုတာသိလိုက်ထဲက သူမကိုအလိုလိုက်ကောင်းကင်ပေါ်တင်ထားတဲ့မိဘတွေရဲ့လုပ်ရပ်က ရပ်တန့်သွားပြီး ထူးဆန်းလာခဲ့တယ် တချိန်လုံး သမီးအရင်းဆိုတာကိုလိုက်ရှာနေပြီး သူမနဲ့စတင်ဝေးကွာလာခဲ့တယ်
သူမကိုချောင်ထိုးထားပြီး သွေးသားရင်းကိုပဲလိုက်ရှာနေတဲ့မိဘတွေကြောင့် ကောင်းကင်ဘုံကနေ ငရဲကို သတိပေးချက်မရှိပဲ တန်းရောက်သွားသလိုမျိုး သူမရင်တွေကွဲခဲ့ရဝာာ အဲ့တော့ သူမရပိုင်ခွင့်ရှိတဲ့အခွင့်အရေးကိုပြန်လိုချင်မိတာ သူမအပြစ်လား သူမနဲ့သက်ဆိုင်တဲ့သူတွေရဲ့အချစ်ကိုရနိုင်ဖို့ပြန်ကြိုးစားမိတာ သူမ အမှားလား
နောက်တခါထပ်ဆုံးဖြတ်ပိုင်ခွင့်ရှိရင်လဲ သူမ ဒီအတိုင်းပဲ ထပ်လုပ်ဦးမှာပဲ ဒီလုပ်ရပ်ကို သူမ ဘယ်တော့မှ နောင်တရမှာမဟုတ်ဘူး
"ကျွီ......."
"ဟင်? မင်းဧကရာဇ်"
"အဟက် ... မင်းကဒီမှာလာဇိမ်ကျနေတာပဲ "
"ဟင်....."
မင်းဧကရာဇ်က အေးစက်တည်တင်းလွန်းကာ ပုံမှန် စပ်ဖြဲဖြဲပုံစံနဲ့ကွဲထွက်နေလေတယ်
ဒေါသတွေထွက်နေတဲ့ဟန်နဲ့ အံကြိတ်ထားတဲ့ကြားက ထွက်လာတဲ့လေသံ
ဒါက မြတ်ပန်းဝေအတွက်ပဲလား
သူမ စကားပြောမလို့ ပါးစပ်ဟရုံရှိသေး အခန်းထဲကိုလူနှစ်ယောက်ထပ်ဝင်လာခဲ့တယ်
ဆောင်းသံစဉ်မောင် ရုတ်တရက်ကြောက်သွားပြီး စူးစူးဝါးဝါးအော်ဟစ်တော့တယ်
"နင်! နင် ! ဘာလုပ်ချင်တာလဲ "
"ဘာမှမလုပ်ချင်ပါဘူး မင်းလုပ်တဲ့အတိုင်းပဲပြန်လုပ်မှာပါ စိတ်မပူနဲ့"
YOU ARE READING
(Og)ထင်ရာစိုင်းတဲ့ကောင်းကင် (Oc) ( MLvSty) uni&zgi
Fantasyကိုယ်ကြိတ် crush ခဲ့ရတဲ့ လူဆိုးဗိုလ်လေးက ကိုယ့်ကိုပြန်ကြိုက်လာခဲ့သတဲ့ အဲ့ဒီခံစားချက်ကကောင်းကင်တခုလုံးကကိုယ့်အပေါ်ပြိုကျလာခဲ့သလိုပဲ လေးလံလွနး်တယ် သူမက ဒီအတိုင်း ကြည့်နေရုံလေး မြင်နေရုံလေး ကြိတ်ကြွေကိုယ်ကြိတ် crush ခဲ့ရတဲ့ လူဆိုးဗိုလ်လေးက ကိုယ့်ကို...