Miss Astig

Thirteen

_____________________________________________________

Nagpatuloy ang pageant.

Pagkakatapos magwalk-out ni Ally sa debate ay nagkaroon ako ng edge sa kompetisyon. Sumikat pa kasi ako lalo. Kasabay din nun ang pagdagsa ng mas madami pang tagahanga. Lalong lalo na sa mga kalalakihan. Mapa-Freshmen man hanggang Seniors. Kumalat na din ang pangalan ko sa buong College department at dinadayo pa talaga ako ng iba para makilala lang. Kasabay din niyon ang pagdagsa ng mas madaming chicks ng mga pinsan ko... na nakakatamad ng i-elaborate dahil puro pagpapacute lang naman at papadamihan sila. Maliban kay Kuya Kurt na may pagkasuplado sa babae. Tahimik kasi. Sumasakay lang talaga minsan pag inaasar nina Kuya Justin, Kuya J at Kuya K.

May nagkakalat din ng mga pictures namin sa internet. Bago ang presentation kasi nun ay may pictorials. Doon daw ibabase ang 30% na pagkapanalo mo sa Pageant. Ang 70% naman ay sa Challenges. Paramihan daw ng likes sa Facebook Page na ginawa ng mga moderators ng pageant. Hindi na ako pinagproblema nina Charlie at Chan-Chan. Sila na daw ang bahala basta galingan ko lang daw sa mga challenge. Bukod sa hindi naman ako mahilig sa social networks, wala din naman talaga akong alam sa mga facebook na yan.

Maswerte lang talaga siguro dahil nagkataong bukod sa ilang beses na din ako nagpalipat-lipat ng schools, sa connections na meron kami nina Charlie at sa mga kapatid niya at mga pinsan ko eh malamang makakahabol naman ako sa 30% na yan kung pagbabasehan lang ay likes. Mabuti na lang pala madaming tagahanga ang mga Kuya namin nina Charlie. May pakinabang din. Hahaha.

Para sa Physical Challenge, nagkaroon kami ng tila Amazing race. May tatlong tasks kami sa loob ng dalawang oras. Pinagsuot kami ng pambahay na damit at pinagmukhang taong grasa. Pininturahan talaga kami. Ayoko na tignan itsura ko sa salamin baka kahit sarili ko eh katakutan ko. Hahaha.

 Task in 2 hours

 

1. Maghanap ng matikas na lalaki, matangkad, gwapo pero OUTSIDER (hindi nag-aaral sa UST).

2. Makipagkaibigan. Therefore, alamin ang buong pangalan, edad at ilang personal na bagay tungkol dito.

3. Ayaing kumain or more likely mag 'Speed Dating' bago siguraduhing madadala sa stage, as proof.

 

First place will have an extra credits plus exemption in the Emotional Challenge.

 

 

Timer starts now!

 

Nagsitakbuhan na sina Ally, Clarisse at Ishy palabas ng gate.

Ako? Eto, naglalakad lang. Nakakapagod. Bahala sila mag-agawan. Sinong matinong tao ang lalapit samin at makikipag-speed dating sa itsura naming 'to? Bakit kasi dapat OUTSIDER?! Thrill na naman?! Nakakapagod na 'tong pageant na 'to ha, hindi na ako natutuwa.

Sayang ang extra credits, oo. Sayang ang exemption. Alam kong kung mapapanalo ko 'to, maliwanag pa sa sikat ng araw na panalo na kami. Kung nasasayangan sila, e di sila ang pumalit sa pwesto ko! Kakabigat kayo ng bangs ha. Kala niyo naman enjoy na enjoy ako dito sa ginagawa ko. Tse!