Miss Astig

Nineteen

____________________________________________________

Sa isang buwang pananatili ni Mama ay lubos kong na-enjoy.

Yun yung moments na alam kong na-miss ko bilang bata. Sulit na sulit ang stay niya kumbaga. Kasi finally, close na kami ulit. Kaya naman bukod sa inspirasyon kong si Aidan, mas lalo akong na-inspire dahil sa pagkakaayos namin ni Mama. Kaya mas pinagbuti ko pa ang pag-aaral.

Natapos din namin ang first year ng matiwasay. First honor ako at second honor naman si Chan-Chan. Si Charlie... ayun. Natuwa ako dahil naging section four siya ng magsecond year kami. Dati kasi section five. Hindi na masama di ba? Hehehe. Hindi ko din inakalang lubos na magpapasalamat ang Mommy niya sakin. Pinilit tuloy akong mag-overnight din sa kanila. At mas nagulat ako ng payagan ako agad ni Mama.

Simple lang ang bahay nila pero napakalinis. Hindi man iyon singlaki ng bahay ay napaka-homey naman itong tirhan lalong lalo at napakamasayahin ng mga taong nakatira doon. Natutuwa akong pagmasdan ang buong pamilya. Si Chan-Chan ay tila at home na at home na rin. Mabait ang mga kapatid ni Charlie at pati ang Daddy ng mga 'to. Ang Mommy nito... the best! Lagi niyang kinakamusta kung okay lang ako, oh baka nagugutom ako. Tuloy maya't maya ang pagkain ko. Masarap kasing magluto. Hehehe.

At dahil sa kanila ako natulog, obligado ding matulog doon si Chan-Chan. Hindi pwedeng kulang ang tropa dahil isa iyon sa deal namin ni Charlie. First time ko kasing magsleep over.

Sa kwarto ni Charlie kung saan kami matutulog ay may dalawang malaking kama na pinagdugtong. Bago matulog ay umiinom muna ako ng isang basong gatas at kalahating basong tubig pagkatapos. Kaso gatas lang ang nadala ng Mommy ni Charlie sa kwarto kaya nagboluntaryo na akong pumunta sa kusina para uminom ng tubig. Nakakahiya naman kasing iseserve niya na lang lahat sa amin. Sabi ni Charlie hindi naman daw ganun ang Mommy niya kaaligaga baka daw nahihiya lang sa akin. Eh bakit naman kasi? Di ba ako dapat ang mahiya kasi ako ang bisita?

"Sinabi ko kasi na ang laki-laki ng bahay niyo at parang prinsesa ka doon," sabi ni Charlie ng tanungin ko siya.

"Saan banda ang prinsesa dun? Sira ka talaga!"

"Ahh basta!" Sagot nito.

Nang marating ko ang kusina ay kumuha ako agad ng baso at nagsalin ng tubig na kinuha sa ref. Nasa ganoon akong akto ng makakita ako ng ipis. Pero ayos lang. Ipis lang naman eh di ba? Ano ba naman ang ipis? Ang alam ko life cycle nun ay maging egg muna...

Tapos mag-ging... mag-ging nymph...

Tapos... l-lumipad?

Lumipad!

Lumilipad ang ipis!

Lumipad ang ipis at tila hinahabol ako!

"MAMAAAAAAAAAAA KO!"

Mabilis akong naghanap ng pwedeng labasan kaso nasa pintuan siya banda lumilipad. Huhuhu. How am I suppose to go out?!