Miss Astig

Fifty Three

A/N: Pers ever long Pre-Chapter Otter's Note. (Dami kasing tamad magbasa pag sa dulo eh. -__-)

May mga konting alituntunin lang po tayo bago simulan ang pagbasa ng Chapter na 'to.

1. Paki open ng inyong recorder at i-record ang live reaction while reading the story. I-save at i-upload sa fb. Paki-tag ako. cursingfaerilee@yahoo.com <--I so like this hahaha

2. Pagkatapos magvote, paki-lagay ang makabagbag damdaming comment sa chapter. <--I second like this bahaha

3. Ipagdasal si Diwata na nawa'y sipagin sa pagpasok sa review para sa nalalapit na exam dahil wala pa siyang napapasukang klase. <---super serious yan. Kelangan ni Diwata ng Divine Intervention dahil sa mapurol ng utak (naubos kaka-UD) hahaha

Sincerely,

Charoterang Otor na puro 'hahaha' O__O'

PS: Grabe, natuwa talaga ako sa mga comments niyo pati na dun sa mensahe nung mga nagsulputang silent readers. Kung kelan pa na papatapos na ang kwento eh noh? Hihi. Lalabs :*

____________________________________________________

Ano’ng gagawin ko?!

Pasimple kong nilingon-lingon ang paligid.

Teka nga muna. Saan na ang mga bobong bodyguards ni Hiro?!

Waaah! Kasalanan ko pa yata na pinaalis ko sila. Shit.

Ngayon ko lang napansin ang buong lugar. Wala gaanong tao ang nagagawi. Walang masyadong  gusali na nakatayo sa malapit. Tanging iyon pa lang yata ang naitayo sa lugar na iyon. Medyo papadilim na din dahil halos mag-a-alas sais na. Tapos dinagdagan pa ng shades na kasalukuyang suot ko.

Takte.

May tao ba sa loob ng coffee shop na yan? Hindi ko na halos makita ang nasa loob. Bakit parang kami na lang ang natitirang tao sa lugar na ‘to? Kainis naman kasi sa sobrang pagmamadali ko kanina na matapos ang usapan namin ni Hiro, hindi ko na inabalang tignan ang paligid.

Masama talaga ang kutob ko ngayon. Shit.

Padaskal kong kinuha ang shades sa mata at tinapon habang mabilis na naglakad patungo sa sasakyan ni Hiro bago pa siya tuluyang isakay ng mga tarantadong hindi napansin ang paglapit ko.

Kasalukuyan pa rin silang abala sa pagpipilit na ipasok si Hiro sa loob ng sasakyan kaya ng makita kong akmang papasok na ang dalawa sa loob ay hindi na ako nagdalawang isip na ibato ang cellphone na hawak.

"BITIWAN NIYO SIYA!"

Balak ko pa sanang tumawag sa—

“Aray, tangina! Sino’ng— Punyeta kang bata ka ah!" Sigaw ng lalaking may balbas na binato ko. Siya kasi ang nagpipilit na ipasok si Hiro pagkatapos nitong hampasin ng baril kanina.

Napalingon na lang ang tatlo pang kasama nito at napangisi habang tinignan ang nagkalas kong cellphone.