HIS HIDDEN IDENTITY (BOOK 1) (COMPLETED)

Chapter 21

Chapter 21: 'MISSION---?'

Ahli's POV

Pipikit na sana ako para hinatayin ang putok ng baril ng biglang lumiwanag ang paligid dahilan para mapatingin kami sa pinto.

*baaaaag*

Dun nanggaling ang liwanag kaya naman halos mapapikit ako dahil nakakasilaw. Lalong naging maliwanag sa pandinig ko ang mga putukan ng baril sa labas. Hindi ko alam ang mararamdaman ko dahil hindi na naman natuloy ang muntikan ng pagbaril sa akin ni mondriguez.

Para akong nakahinga ng maluwag pero mayron pading natirang kaba at takot.

"P*tangina! Anong problema mo?!"-pakinig kong bulyaw ni mondriguez sa kanyang tauhan na bakas sa mukha ang pagkabalisa.

Mabibigat ang kanyang paghinga na tila kanina pa hindi mapakali.

"Boss, hinahanap ng mga azazel ang babaeng yan. Kailangan nating tumakas dito."-nahihirapang sambit niya.

Nagulat naman ako sa balitang yun. Ibig sabihin, nandito sila khanz! Sila ba ang tinutukoy nilang azazel? Bakit naman azazel? Ano yun?

"Punyeta! Ihanda ang sasakyan sa likod! Tatakas tayo! Hulihin mo yan!"-mabilis naman akong hinila nung lalake at tuluyan na kaming lumabas.

Unang bumungad sa amin ay ang mga nagkakagulong tauhan ni mondriguez! May ilang duguan at patay na! Lalo akong napalunok sa mga nasasaksihan ko. Buong buhay ko, hindi ko pa naransan ang ganitong pangyayari. At kailanman hindi ko hihilinging madamay sa ganitong sitwasyon!

Mabuti sana kung nasa isang shooting lang ako ng pelikula at ako ang bida pero hindi! Totoong pangyayari to at kasalukuyan kaming nasa gitna ng labanan!

Nasa unahan namin ang tatlong men in black habang katabi ko naman si mondriguez at saka ang isang men in black, hawak-hawak ako. Hindi ko alam kung saan kami patungo pero ang sigurado ako ay tatakas siya at isasama pa ako!

Hindi pwede!

Kailangan kong manatili dito at makatakas!

Malalim akong napalunok habang damang-dama ko ang kaba sa aking dibdib. Pinagpapawisan ako ng malamig pero hindi ko na yun inalintana pa. Ang tanging paraan ko na lang para makatakas ay mahanap sila khanz!

Pero paano? Hindi ko sila kayang labanan lahat! Ano ako, si darna? Tanga na lang kapag kakalabanin ko ang mga to, baka hindi pa ako nakakatakas, nasa langit na ako.

Madiin kong pinilig ang aking ulo. Hindi ako mamamatay!

Eh kung tumakbo na lang ako? Pwede, pwede...

Huhuhu...kinakabahan ako.

Juskoh po. Gabayan niyo ako. Bahala na si darna!

"ANG MGA AZAZEL!!!"-sigaw ko at tinuro kunyari sa gilid namin kaya naman napunta lahat ng atensyon nila dun. Naging alerto silang lahat at linabas ang kanilang mga armas.

Hindi na ako nag aksaya ng oras dahil mabilis kong siniko sa sikmura ang men in black na nakahawak sa akin. Nabitawan naman niya ako kaya mabilis akong nakatakbo pabalik sa nanggalingan namin.

"Tangina! Habulin ang inutil na yun!"-umalingawngaw sa buong paligid ang sigaw ni mondriguez!

*baaaang!*

*baaaaang!*

"Huwaaaaaaaaaggg!!! Tuuuuullllooong!!!!"-di ko na napigilang mapasigaw dahil pinaulanan na nila ako ng mga bala!

Para na akong tanga habang tumatakbo dahil nakahawak na ako sa aking ulo! Ng hindi ko na makayanan ang sobrang kaba, napaluhod na ako sa sahig at saka mabilis na gumapang!