The Girl Grim Reaper (Completed)

Epilogue

EPILOGUE

"Yes, I have appointment for today." Sagot ko sa kabilang telepono. Mariin kong binasa ang natutuyo kong labi.

"Ano ba naman 'yan, magtatampo na 'ko sayo." Natawa ako sa sinabi ng kaibigan kong si Suezanna.

"Don't worry, hahabol ako. Kailangan ko lang talaga siputin 'tong taong magre-renovate sa shop ko." Paliwanag ko.

"Mas mahalaga pa ba 'yan sa birthday ko, Ryche? Puwede mo namang i-cancel 'yan at next time mo nalang siputin." Mas lalo akong natawa sa reaksyon ng kaibigan ko. Paniguradong umuusok na ang ilong nun. Alam na alam ko pa naman ang itsura niya kapag galit.

"I can't cancel this appointment, sis. Inaasahan ako nung tao."

"I'm also expecting you!" Sabi nito at pinatay ang tawag. Napabuntong hininga nalang ako at pinasok sa loob ng aking pouch ang cellphone. Tumayo na ako sa aking kinauupuan ko at lumabas sa aking flower shop.

"Maureen, ikaw muna ang bahala sa shop." Sabi ko at hinagis sakaniya ang susi ng shop. Napakunot ang noo niya.

"May date ka, girl?"

"Date?" Tumaas ang kilay ko. "Appointment ang pupuntahan ko hindi date."

"Ganon din 'yon, girl."

"Whatever." Sagot ko nalang at pumasok sa loob ng aking kotse. Nag-maneho na ako at dinala ang sarili sa meeting place namin ng kung sinong taong 'yon.

Pumasok ako sa loob ng restaurant at dinial ang number niya. Ilang ring ito bago sumagot. "Hello? Where are you?"

"I'm here." Kasabay ng pag-sabi niya nun ay may nakita akong nag-taas ng kamay. Mabilis kong pinatay ang tawag at lumapit sakaniya. Lumakas ang tibok ng puso ko ng maaninaw ko ang kaniyang itsura.

Tumayo siya at nginitian ako, "Hello. Nice to meet you. I'm Allan Celerio."

Naglahad siya sakin ng kamay. Natulala ako sakaniya. Malaki ang pasasalamat ko at hindi ko ininom ang potion na 'yon. Lahat ng mahalaga sa buhay ko noon ay naaalala ko parin hanggang ngayon.

"Al.." Tugon ko na ikinanunot ng kaniyang noo.

"Do you know me?"

Bigla akong nabalik sa reyalidad, "Ahm. Allan right? Kakasabi mo lang."

Ngumisi siya. "Ah oo nga pala. You are?"

Tinanggap ko ang kamay niya, "Ryche Del Ocampo."

Parehas kaming nag-ngitian bago umupo. Umorder muna kami ng aming pagkain bago pag-usapan ang gagawing renovation ng aking shop.

"I'm glad you came." Sabi niya habang naghihiwa ng beef. Hindi ko maiwasang titigan ang mukha niya. Wala parin itong pinagbago. Napakagwapo niya parin tulad ng dati. Medyo lumalim lang ang kaniyang pagsasalita pero bumagay rin naman sakaniyang itsura.

"Hey, are you listening?" Nabalik ako sa reyalidad dahil sa sinabi niya. Mabilis akong tumango. Masyado ko na yatang pinuri ang itsura ng lalaking 'to.

"Ahm, yes," Sagot ko.

"So, I'll just visit your shop para makita ko kung paano ko uumpisahan baguhin ang shop mo." Sabi niya. Wala akong nagawa kundi tumango.

Mukhang napansin niya na tulala ako sa mukha niya kaya tumikhim siya, "Is there something wrong, Ms. Del Ocampo?"

"Uh, wala.. may iniisip lang."

"Kung ganon dapat sa susunod nalang tayo mag-usap. Mukhang may iniisip ka, hindi tayo makakapag-plano ng maayos."

"No! I mean, I'm sorry." Sagot ko at napabuntong hininga.