ـ فاطمة دموعة نزلت من وصية امها ليها, وسرحت بعيد في كلام امها..
فاطمة: فهمتو يمة! لكن يمة لشنو تقولي لي انا ما عايشة ليك العمر كلو? تاني يمة ما تقولي كدا بزعل منك, ان شاء الله اموت انا يمة قبلك.
سامية: فاطمة بنتي دا كلام شنو ان شاء الله بعد خرف يا بنتي.
فاطمة: يمة انا ما دايرة اعرس عشان اقعد معاك.
سامية: هههههه والله يا بنتي ما على كيفك العرس دا قسمة من الله, يلا يا بنتي قومي اقري عشان الامتحانات قربت.
فاطمة: سمح يمة! ادعي لي معاك.
ـ مرت كم يوم وفاطمة نزلت الامتحانات.
سامية: اها بشريني يا بنتي الامتحان لعلو جاكم صعب?
فاطمة: لالا يمة جاء سمح زيك كدا.
سامية: هههههه الحمدلله يا بنتي, شدي حيلك يا بنتي لامتحان باكر.
فاطمة: سمح يمة! إمتحان بكره دا صعب عشان كدا عملو اخر إمتحان.
ـ سعيد جاء من الخلا..
سعيد: اها يا فاطمة بنتي حليتي كيف في الامتحان.
فاطمة: سمح يابا جانا ساهل.
سعيد: باكر عندك امتحان شنو يا بنتي?
فاطمة: رياضيات!
سعيد: الحساب ساهل بنتي ما صعب, الله ينجحك يا بنتي.
فاطمة: امين يابا.
ـ جاء الليل وفاطمة عايزة تقرأ, وهم اصلآ في قريتهم ما عندهم كهرباء.
فاطمة: يمة مافي جاز اولع بي اللمبة دي?
سامية: امس يا بنتي كان في جاز كتير في اللمبة كملتي كلو?
فاطمة: ايا كملتو يمة عشان ساهرتة وتاني قريت صلاة الصبح.
سامية: المشكلة يا بنتي ابوك ما عندو قروش عشان نشتري من الدكان.
فاطمة: لالا ما مشكلة يمة بولع حطب كتير وافرش المصلاية في الواطة جنب نار الحطب وبقعد بقرأ.
سامية: والله فكرتي يا بنتي! الله ينجحك, وانا بعمل ليك شاي يدفيك شوية.
فاطمة: سمح يمة!
ـ فاطمة ساهرت للساعة 2 وجات أمها قالت ليها خلاص نومي يا بنتي ما تساهري اكتر من كدا , وانا بصحيك صلاة الصبح.
ـ فاطمة نامت, والصبح آذن.
سامية: قوم يا سعيد الصلاة, النمشي اصحي فاطمة.
سامية: فاطمة بنتي قومي صلي الواطة صبحت عشان تقري.
فاطمة: سمح يمة!
ـ سعيد مشى الجامع وفاطمة وامها صلو , وسامية بعد ما صلت قعدت في المصلاية تدعي..
سامية: اللهم اسألك الجنة وأعوذ بك من النار, يا رب تفتحة علينا وترزقنة الرزق الطيب, وتدي سعيد الصحة والعافية, وتحفظ بنتي فاطمة وتمجحة وتكفيها شر العوارض.
ـ الشمس طلعت وفاطمة لبست عشان تمشي المدرسة وفرحانة على اساس اخر امتحان.
سامية: فاطمة بنتي قبل ما تمشي اقيفي اكلمك..
فاطمة: ايا يمة قولي.
سامية: قبل ما تبدي تحلي الامتحان قولي ( اللهم اسألك ما حفظت وقرأت فرده لي عند حاجته اليه) وقولي بسم الله وحلي الامتحان.
فاطمة: سمح يمة! يلا مشيت.
سامية: الله يسهل ليك يا بنتي.
ـ فاطمة وريان اتلاقو في الشارع , ريان سألت فاطمة من حاجة كانت ما فاهماها , فاطمو شرحته ليها وواصلو مشيهم , ويراجعو ويتسألو في بعضهم.
ـ دخلو الامتحان وامتحنو وجاء نصف الزمن فاطمو جمعت ورقتة وطلعت مبسوطة, وريان لسه ما طلعت , فاطمة قالت ما بتمشي الا بعد تطلع ريان تسألة اشتغلت كيف ويمشو مع بعض.
ـ بعد ربع ساعة ريان طلعت من الامتحان ..
فاطمة: اها يا ريان امتحنتي كيف طمنيني !
ريان: حليت سمح فاطمة والحاجة السألتك منها قبيل جابوها.
ـ فاطمة سلمت على ريان وقعدو يبكو على انو اخر امتحان وفرحانين.
فاطمة: يلاكي ريان تمشي تفطري معاي في بيتنا .
ريان: قبل ما تقولي لي انا اصلآ ماشة افطر معاكم.
فاطمة: هههههه يلاكي!
سامية: والله ما عارفة وجع الرأس دا من شنو بجيني طوالي.
فاطمة: يـمة يـمة!
ريان: خالتي سامية كيف تمام.
سامية: اهلن ببناتي ! امتحنتو كيف وحمدلله بالسلامة انتهيتو على خير.
فاطمة: الله يسلمك يمة ويديك العافية.
ريان: يديك العافية خالتي والله جعانيين ادينا نأكل.
يتبع..
