ـ ريان ما عجبة كلام محاسن لفاطمة.
ريان: انا بشيل حمود يا فاطمة انتي تعبانة اقعدي ارتاحي.
ـ سعيد الرجال جابو البيت جوا متكلنو..
فاطمة: أبــوي مالو سايقنو كدا? ومودنو وين?
ـ رد ابو ريان على فاطمة..
ابو ريان: مودنو الدكتور داخل في غيبوبة.
ـ فاطمة بكت على ابوها ..
فاطمة: خلوني النمشي معاهو.
ابو ريان: لالا ما بحتاج نحنا بنودي وبنجي, اطمئني مافي حاجة.
ـ سعيد شالو ودو الدكتور.
فاطمة: يا الله تدي ابوي الصحة والعافية واجيبو شديد اقولو ما عندو حاجة, ما باقيلي غيرو في الدنيا!!
محاسن: فاطمة قومي غسلي العدة دي عشان شغالين بيها مافي غيرة.
فاطمة: سمح عمتي! بس خليني اغسلة بعد ما يجيبو ابوي اطمئن علي.
محاسن: لالا نحنا محتاجين ليها اسي العدة دي.
ـ فاطمة بتغسل في العدة وبتتراجف عشان قلبه مع ابوها, اول كباية غسلتة وقعت من يدها انكسرت.
محاسن: كسرتي الكباية قاصدة صاح? عشان اقول ليك قومي ما تغسليها صاح?
فاطمة: لالا عمتي وقعت مني من غير ما احس بيها.
ـ سعيد جابو من الدكتور, وفاطمة جرت علي ابوها وسألت ابو ريان..
فاطمة: اها يا عمي ابوي قالو لي شنو ?
ابو ريان: قالولو عندو سكـري يا بنيتي!
فاطمة: لااااااا ما تقولة سكـري مره واحدة!!
ـ فاطمة بكت قدرته, بقو عليها اتنين في نفس اليوم وفاة امها ومرض ابوها الظهرو فجأة, فاطمة من البكاء الكتير عيونة اتورمو بقت ما قادرة تفتحهم لمن بحرقوها, وصوتة راح من البكاء الكتير.
ـ فاطمة حضنت ابوها وبتبكي معاهو , الاتنين بكو اتذكرو سامية.
ـ ابو ريان قال لي فاطمة تعالي دقيقة اكلمك..
فاطمة: ايا عمي ما يكون ابوي عندو حاجة تاني داسيها مننا?
ابو ريان: لالا ياهو السكري بس لكن كنت داير اقول ليك انو السكري دا جاهو من صدمة وفاة امك , وداير اقولك كمان ما تبكي قدامو نهائي, زول السكري يا بنتي لا بدور الفرح الشديد ولا الزعل عشان كدا خليك مهتمة بي اكتر ما تبكي قدامو.
فاطمة: سمح يا عمي ! يا وجعتي يا ابوي من الشي الجاك, يا حليلك يمة.
محاسن: اها شوفتي بسبب بكاكي الكتير عملتي لابوك سكري, امك بعد ما ماتت ما ريحتو بسبب بكاهو الكتير عليها جاهو السكري.
ـ فاطمة سكتت ما ردت لعمتة محاسن .
ـ مــــــــرت 3 اسابيع..
ـ فاطمة لسه فراق امها مؤثر عليها وصوته لسه فيهو بحة ما رجع ليها, ويوميآ بتبكي علي امها , ومرض ابوها برضو مؤثر فيها.
ـ ريان جات لفاطمة في بيتهم الصباح..
فاطمة: لشنو يا ريان لسه ما نزلتي المدرسة كدا غيبتي كتير 3 اسابيع, من امي ماتت تاني ما مشيتي المدرسة ?
ريان: لالا فاطمة بعد تمشي انتي المدرسة نمشو سوا , انتي عارفاني انا ما بعمل حاجة من غيرك , الحاجة البتحزنك بتحزني انا برضو والبفرحك بفرحني.
فاطمة: امشي ما تنتظريني انا ما تضيعي مستقبلك, انا طريقي طــــــويل لسه قدامي كتير , ما بقدر يا ريان امشي المدرسة بتذكر امـي هي الكانت بتصحيني للمدرسة وبتعمل لي الشاي وبتغسل لي لبسي ولمن اجي من المدرسة القاها منتظراني عشان تسألني ادوني شنو ما بقدر يا ريان, البيت مسخ لي عديل, بقيت كل ما اجي اعمل حاجة بجيب سيرتة طوالي واشوف صورتة في قدامي , وبقى حلمي كلو بيها ما بقدر انساها مهما عملته.
فاطمة: انا تاني ما دايرة اقرأ !!
يتبع..
