ـ فاطمة جات لقت ملابس امها في الواطة!!
ـ فاطمة جرت مخلوعة علي ملابس امها وبتلم فيهم وبتبكي.
حليمة: كنت دايرة اختهم في السرير وقعو مني في الواطة!
حليمة: قولته اختهم ليك عشان تجي تدخليهم في شوال وتجدعيهم, لانو هدوم الميت بجدعوهم.
ـ فاطمة زعلت شديد لمن حاسة بنفسها ما قادرة تتكلم اتخنقت والعبرة وقفت ليها في حلقة ودموعة جارية.
فاطمة: لكن هدوم الميت ما بجدعوهم بدوهم لزول مسكين ولا يلبسوهم ناس البيت.
حليمة: بري انا ما بلبس هدوم الناس الميتة.
فاطمة: لالا ما قصدي ليك انتي تلبسيهم , انا بلبسهم هدوم امي.
حليمة: انتي برضو يا فاطمة طلعي هدومك شيليها من الدولاب, لانو الدولاب ضيق ما بشيل لينا انا وابوكي وانا هدومي كتار.
ـ فاطمة طلعت كل ملابسة من الدولاب وشالت ملابس امها برضو ختتهم في شنطة .
حليمة: شنطتك دي وديها المطبخ هنا مافي ليها محل.
ـ فاطمة شالت شنطتها ودتها المطبخ لانو عندهم غرفة واحدة ومطبخ وراكوبة.
ـ سعيد جاء من الخلا..
سعيد: اهل البيت كيف قيلتو, فاطمة بنتي تعالي اديني موية اشرب.
فاطمة: هاك يابا الموية, اجيب ليك الفطور يابا?
سعيد: بعد اقوم استحمة.
ـ سعيد مشى فتح الدولاب عشان يشيل ليهو غيار يلبسو, ملابس سعيد وسامية في ضلفة واحدة, وفاطمة في الضلفة التانية.
ـ سعيد لمن فتح الدولاب ما لقى ملابس سامية قال احتمال اكونو مع ملابس فاطمة, فتح دولاب فاطمة برضو لقى ملابس فاطمة مافي.
سعيد: فاطمة بنتي تعالي.
فاطمة: ايا يابا.
سعيد: وينهم هدوم امك وهدومك انتي مافي في الدولاب?
فاطمة: ختيتهم في الشنطة.
سعيد: لشنو? مافي شنطة هنا وين وديتيهم??
فاطمة: السنطة ختيتة في المطبخ, قولته عشان لو دايرة اغير في اي زمن ما اخش علي خالتي حليمة واعمل ليها ازعاج وتاني ختيت معاهم كتبي وكراساتي لو دايرة اذاكر بالليل او اقرأ صلاة الصبح اكونو جنبي وقريبات لي عشان ما كل مره امشي الاوضة.
ـ فاطمة ما دايرة ابوها يعرف انو حليمة طلعت ليهم ملابسهم من الدولاب وقالت ليهم وديهم المطبخ.
سعيد: عادي يا بنتي ما فيها حاجة تجي في اي زمن تخشي الاوضة وتشيلي الحاجة الدايراها.
سعيد: فاطمة بنتي رجعي الشنطة الاوضة.
ـ فاطمة بعد تعب اقنعت ابوها انو تخلي الشنطة في المطبخ.
سعيد: انتي عارفة يا فاطمة بنتي ما قاعد ارفض ليك طلب, عشان كدا البريحك اعملي.
ـ حليمة سمعت كلامهم كلو وتتبسم.
ـ حليمة قالت كدا كويس معاي انو اي حاجة بعمله لي فاطمة ما بتكلم بيها ابوها.
حليمة: والله حاسة لي بوجع رأس حار خلاص ودايرة اغسل هدومي وما قادرة.
ـ حليمة ما عندها صداع قالت كدا قدام سعيد عشان دايرة سعيد يقول لفاطمة تغسل ليها ملابسه.
سعيد: ابلعي ليك بندول, وفاطمة بتغسلهم ليك غياراتك.
ـ سعيد عشان عفوي وقلبو ابيض ما عارف انها بتكذب.
فاطمة: سمح يابا بغسلهم.
ـ فاطمة غسلت الملابس ونشفو وجابتهم لحليمة, حليمة قالت ليها..
حليمة: لالا يا فاطمة ما تختي لي الهدوم في الدولاب من غير مكوه , اكويهم لي وجيبيهم وجع الرأس ما ريحني كان كويتهم, اعفي لي الليلة اتعبتك.
فاطمة: لالا عادي بكويهم.
ـ فاطمة قالت تخت الغداء في النار وتقعد تكوي لانو قالت لو عملت الغداء بعد المكوه بكون الزمن مشى.
ـ حليمة شالت الجردل قالت تجيب ليها موية من المطبخ, ملت الجردل وجات طالعة وقفت جنب شنطة ملابس فاطمة.
ـ حليمة كبت موية الجردل كلو في شنطة ملابس فاطمة!!
يتبع..
