سامية: سمح بناتي اسي دا بجهز ليكم الفطور اشربن العصي دا اول.
فاطمة: ريان بعد الفطور نمشو البحر نجيبلنا موية عشان نريح أماتنا بعد انتهينا من الامتحانات.
ريان: ايا فاطمة نمشي لكن بعد امشي البيت اول.
ـ فاطمة وريان بعد فطرو مشو البحر..
ريان: فاطمة اختي عايني الليلة البحر دا سمح كيف.
فاطمة: ايا ريان البحر دائمآ ظاهر سمح, لكن غرييق وعميق ومخبيء للاسرار والتماسيح.
فاطمة: يا ريت لو كل الناس كانت زي البحر!
ريان: لشنو?
فاطمة: لانو البحر مافي زول بعرف الجواهو شنو, داسي حاجات كتيرة وظاهر للناس المنظر السمح, يعني اتمنيت الانسان إكون مخبيء لمشاكلو واسرارو وهمومو ما يظهر للغير الا الوجه البشوش والابتسامة الدائمة.
ريان: كلامك سمح فاطمة كلو حكم!
فاطمة: انتي السمحة! يلاكي نمشو عشان ما نتأخر.
ـ فاطمة وريان رجعو البيت تعبانين ونامو.
ــ بعد شهــر..
سعيد: فاطمة بنتي جيبي لي الرادي.
فاطمة: هاك يابا الرادي.
سعيد: فاطمة بنتي تعالي اسمعي قالو شنو في الرادي.
فاطمة: خير يابا قالو شنو?
سعيد: قالو نتيجتكم بكره!
فاطمة: لالا يابا خوفتني!
سعيد: ما تخافي يا بنتي النجاح دا قسمة من الله.
سامية: ايا فاطمة ابوكي كلامو صاح, لو ربنا قاسم ليك تنجحي بتنجحي.
سامية: ولو مل نجحتي برضو قسمة من الله وانتي لساك صفيرة تعيدي تاني مافي مشكلة.
ونصيحة ليك.. الزول لو في البداية ما نجح ما معناهو انو خلاص الابواب اتقفلت في وجهو! لا بالعكس كدا ياداب الابواب اتفتحت لي , زي ما بقولو العترة بتصلح المشية!
سعيد: امك كلامة صاح يا بنتي العافية درجات!
فاطمة: ايا متؤكلة على الله!
ـ فاطمة قرأت ليها قرآن وقالت لازم بعدين تقيم الليل وتدعي انو الله ينجحة.
ـ سامية الصداع ما مريحة..
سامية: فاطمة بنتي اديني المصلاية.
فاطمة: سمح يمة عندي ركعتين بعد اصليهم.
فاطمة: يا رب تنجحنا انا وريان عشان نفرح اهلنه, يا رب ما اعيد عشان اقرأ سريع واتخرج واشتغل عشان اساعد ناس بيتنا, كل املهم فيني , ما عندهم زول غيري.
سامية: يا رب فاطمة بنتي الوحيدة ما عندي غيره, لا عندها اخو لا اخت تتسند عليهم ما ليها غيرنا انا وابوها في الدنيا يا رب تنجحة وتوفقة.
ـ جاء الصباح وفاطمة متوترة من النتيجة ما نامت كل الليل ' وامها وابوها برضو ما قصرو من الدعوات ليها.
سامية: فاطمة بنتي تعالي افطري الشاي الليلة ما شربتي.
فاطمة: لالا يمة ما دايرة فطور الا بعد النتيجة.
سامية: يا بنتي انتي قولتي متؤكلة على الله تاني مالك? ربنا ما بخيب املك!!
فاطمة: ونعم بالله!
ــ ريان جات جارية لبيت ناس فاطمة..
ريان: فـاطمة فـاطمة!
فاطمة: ايا اها طمنيني ان شاءالله نجحنا?
ريان: ايا نجحنا فاطمة, فاطمة انتي جبتي 250 جيتي أولى المركز ! وانا جبته 220 مبرووووك لينا.
فاطمة: الحمدلله!
ــ فاطمة بكت قدرتة من الفرحة ما قادرة تسكت من البكاء.
فاطمة سلمت على ريان ويبكو مع بعض, واي واحدة فيهم بتبارك للتانية.
سامية: ايووووووي! مبروك عليكن النجاح يا بناتي, عقبال تتخرجن.
ــ سامية حضنت عليها فاطمة شديد وبتبكي بصوت عالي وباركت ليها تاني نجاحهم , وسامية سلمت على ريان برضو وباركت ليها نتيجتة وقالت ليها..
سامية: فرحتي قلبي يا ريان بخبرك السمح دا الله يفرح قلبك ويوفقك!
ريان: يديكي العافية خالتي , يلا انا ماشة.
سامية: اقعدي بنتي بعد تحلي بالحلاوة.
ريان: لالا منتظرني بجيكم.
ـ فاطمة من الفرحة صلت ليها ركعتين تحمد فيهم الله على النجاح.
سعيد: يا فاطمة يا فاطمة!
سعيد: تعالي ابارك ليك يا بنتي , سامية هاك حلاوة نجاح فاطمة قسميها لكل الناس ما تخلي شافع في الحلة.
سامية: اجري براحة يا بنتي لابوك عشان ما تقعي هههه!
فاطمة: يابا انا نجحتة !
سعيد ايا عارف بنتي كلموني ناس الحلة في الشارع, قولته اغشى الدكان اجيب ليك الحلاوة.
يتبع..
