ـ سعيد وصل بيت محاسن..
حمودي: سعيد جاء!
سعيد: سعيد حاف كدا من غير خالي.
محاسن: الجاء منو يا حمود?
سعيد: دا انا كيف عاملين.
محاسن: اهلن.
سعيد: لسه زعلانة.
محاسن: لالا ماني زعلانة.
سعيد: انا فكرته في كلامك القولتي لي خلاص موافق.
محاسن: ياتو كلام?
سعيد: وكمان عشان ما تزعلي مني انتي البتختاري لي المراة.
محاسن: ايووووووي اخيرآ وافقته.
ـ محاسن فرحانة عشان سعيد وافق يعرس, وتتكلم في سرها قالت انا اصلآ من زمان قبل سامية ما تموت كنت دايرة اعرس ليك وقالت يا ريت لو كنت عرسته قبل سامية ما تموت كان قلبي برد شوية.
محاسن: اشرب العصير سعيد اخوي قبل ما اعمل ليك الجبنة.
سعيد: الجبنة شربته عملته لي بنتي فاطمة.
محاسن: هي يعني فاطمة بتعرف تسوي حاجة!
سعيد: ايا ماشاء الله عليها بنتي اي حاجة بتعرف تعمله الجبنة, الشاي, الاكل, العواسة, ربنا يحفظة.
محاسن: ايا لو ما عرفت تشتغل تكون ما مننا, انا من عمر 8 سنة بعوس وبفرك وبغسل.
محاسن: لو ما خربتوها ساي بالقراية دي كان من زمان بتشتغل في البيت برا قراية برا كلام فاضي.
سعيد: كل شي ولا القراية, القراية دي اهم شي, انا للان ندمان عشان ما قريت, باكر قرايتة بتنفعة.
محاسن: خلاص انا عندي ليك عروس جاهزة.
محاسن اتكلمت براها في سرها قالت انا من زمان العروس دي كنت خاتاها ليك قبل سامية ما تموت.
سعيد: ما مشكلة المهم مراة البتختاريها انا معاك , بس تكون بنت ناس كويسة واهم حاجة فاطمة بنتي تعتبره زي بنتها اليوم البسمع فيهو غلطت في فاطمة بنتي بطلقة وبوديها بيت اهله طوالي , كل شي ولا فاطمة بنتي.
محاسن: ما غريبة بنت خالة موسى راجلي.
سعيد: بتقصدي حليمة?
محاسن: ايا ياها , ماشاء الله عليها ما فيها كلمة.
سعيد: لكن دي مطلقة امكن طليقة اجي يقول يرجعة.
محاسن: لالا اطمئن راجلة عرس واداها قسيمته.
ـ سعيد: ايوه!
ـ محاسن قالت انا قاصدة اعرس ليك حليمة دي عشان توري فاطمة دي الويل وتطير ليها كل دلعة دا.
ـ حليمة دي مراة كعبة وصعبة وبتاعت مشاكل , يعني مراة شيطان , راجلة الاول طلقة عشان كدا.
سعيد: اها يلا يا محاسن اختي انا ماشي فاطمة بنتي خليته براها.
محاسن: اقعد بييت معانا ماله فاطمة الجايها شنو.
سعيد: لالا ما بقدر ابيت , اها يلا ودعتك الله.
ـ سعيد مشى من بيت محاسن.
ـ محاسن مشت لحليمة تكلمه..
محاسن: حليمة كيف, الليلة جبته ليك عريس .
حليمة: ودا منو دا كمان??
محاسن: سعيد اخوي.
حليمة: المرتو ماتت?
محاسن: ايا ياهو , والله سعيد اخوي دا ما اشكرو ليك ما فيهو كلمة وقلبو ابيض, لكن عندو بنت واحدة اسمها فاطمة لميضة كدا دايراك تعلميها الادب, لكن اياكي ان تغلطي معاها قدام سعيد اخوي بطلقلك طوالي.
محاسن: فاطمة بنتو دي مارقة لامها سامية نسخة منها مسكن اخوي مننا , وانتي ماشاء الله عليك ما محتاجة لوصية.
ـ حليمة قالت لمحاسن..
يتبع..
