فاطمة: انا لازم اشتغل واقرأ!!
فاطمة: لكن ما بكلم ريان بموضوع الشغل دا لانو ما بتخليني اشتغل بتقول لي انا وانتي مصاريفنه واحدة, عشان كدا لازم القى لي شغل انو مافي زول يعرفني.
ـ فاطمة دخلت الغرفة قالت مصدعة عندها جنيهين في جزلانه تجيب بيهم حبوب, لمن فتحت جزلانه لقت قروش قالت لريان..
فاطمة: ريان القروش الفي جزلاني دا الختاهم لي منو??
ريان: ( احتارت تقول ليها شنو) ايا صاح نسيت ما كلمتك القروش ديل رسلتهم ليك امي قالت ليك اشتري بيهم اي حاجة هديه منها قالت لمن جينا ما ادتنا قروش انا برضو رسلت لي, رسلتهم لي رصيد في تلفوني ( ريان عندها تلفون ربيكة) .
فاطمة: شكرآ ليها والله ماقصرت معاي زي امي الله يرحمه ربنا يقدرني ارد ليها جمايلة دي, سلمي لي عليها لمن تضرب ليك.
ـ جاء الصباح وفاطمة وريان مشو الجامعة, فاطمة مشت لبتاع المكتبة داخل الجامعة قالت لي..
فاطمة: سلام عليكم, والله بسأل لو دايرين ليكم زول يشتغل معاكم طباعة.
سيد المكتبة: لا والله ما عندنا خانة فاضية .
ـ فاطمة احتارت قالت تعمل شنو مشت لصاحب الكافتريا..
فاطمة: سلام عليكم, ما دايرين ليكم زول يشتغل معاكم?
صاحب الكافتريا: تشتغلي شنو?
فاطمة: اي حاجة نظافة خضار , اكنس, غسيل عدة اكون شغل جوا المطبخ تبعكم بس ما في الكفتريا برا ( فاطمة قالت كدا عشان ريان ما تشوفه في الكفتريا وهي شغاله) لكن بشرط اشتغل نهاية اليوم وشغل اكون نص ساعة بس عشان ما اتأخر.
صاحب الكفتريا: انا موافق لو ما حسيت بيك محتاجة ما كان وافقته, تبدي من الاسبوع الجاي.
فاطمة: شكرآ ليك يا عمي ما قصرته معاي.
ـ فاطمة رجعت القاعة لريان..
ـ فاطمة جات ماشة في القاعة سحر قالت لبنت معاها..
سحر: شوفي البنت دي عبايته واحدة ما غيرتا كل يوم بتجي بيها قدتنا بيها, وقعدو يضحكو, فاطمة سمعتهم ما ردت ليهم قالت..
فاطمة: الله يسامحكم!!
ريان: فاطمة كنتي وين مالك اتأخرتي كدا?
فاطمة: مشيت الحمامات لقيتهم زحمة عشان كدا اتأخرته, والمحاضرة برضو تاني مافي كدا لينا شهر ما درسونا ادارة دي.
ـ جات استاذة القاعة وقالت..
الاستاذة: سلام عليكم, طبعآ استاذ الادارة اعتذر سافر برا السودان لكن ح يجيكم استاذ جديد ببدأ معاكم الاسبوع الجاي ان شاءالله.
ـ فاطمة وريان رجعو الداخلية , فاطمة غسلت عبايته وجات قالت لريان..
فاطمة: ريان تلفونك فيهو رصيد اضرب لابوي?
ريان: ايا فيهو!
ـ ريان اتصلت بتلفون امها قالت ليها ودي التلفون لعمي سعيد فاطمة دايرة تتكلم معاهو ( سعيد ما عندو تلفون ).
ـ ام ريان مشت بيت ناس فاطمة وقالت..
ام ريان: هاك يا سعيد دي فاطمة دايراك في التلفون.
سعيد: الووو! فاطمة بنتي كيفك لعلك طيبة , وان شاءالله ما عندك عوجة والقراية معاك كيف.
فاطمة: ( بكت لمن سمعت صوت ابوها ) تمام يابا الحمدلله الا فاقداك بس, وخالتي حليمة كيف?
سعيد: كويسة خالتك حليمة, اها عندك قروش?
حليمة: قول ليها انا كويسة حبيبتي يا حليلة خلت لي البيت مسيخ فاطمة بنتي ( دي وهمات قدام ام ريان وسعيد ) .
فاطمة: ايا يابا مستورة الحمدلله , قروشي للان ما كملت , ربنا يديك العافية ( فاطمة ما قدرت تتكلم مع ابوها كتير بكت والعبرة واقفة ليها في حلقة ) يلا يابا سلم علي عمتي محاسن وحمود.
ـ فاطمة قفلت التلفون وقعدت تبكي.
ريان: ( عشان تسكت فاطمة ) دي حالتك انتي القولتي لي الغربه دايرة صبر , وانا اقول شنو!!
ـ في الجامعة..
فاطمة: ريان انا ماشة الحمام..
ـ فاطمة مشت لصاحب الكفتريا بدأت الشغل , جابت ليها نقاب تلبسو في الشغل عشان ناس الكافتريا ما يعرفوها , انتهت من شغله ومشت للقاعة.
فاطمة: يا ربي البنات ديل ملمومات في البورد مالن!!
يتبع..
