ـ حليمة قالت لمحاسن..
حليمة: انا بعرف البعملو ما محتاجة لكلامك دا, قولتي لي مرتو ماتت ايا لو ما كانت ميتة كان بدقها ليكم ما بعيش معاها انا وهي في بيت واحد, وفاطمة دي اصلآ قدر شنو عاملة هوس?.
محاسن: بتقرأ في الثانوي, لكن المخ الفيها ما بتقولي بتقرأ في الثانوي بتقولي اتخرجت من الجامعة.
حليمة: صغيرة, دي قليلة ادب بس ما اكتر من كدا.
ـ سعيد جاء البيت..
سعيد: فاطمة بنتي كيف قيلتي.
ـ فاطمة جات جارية لابوها.
فاطمة: اهلن يابا مالك اتأخرته كدا? ومحاسن عمتي لقيته كيف هي وولده حمود.
سعيد: عارفة كلام عمتك الكتير داك عشان كدا اتأخرته, وقالت لي سلم لي علي فاطمة.
فاطمة: الله يسلمة, وقالت ليك شنو في موضوع العرس?
سعيد: قالت لقت لي المراة, حليمة بنت خالتو لموسى راجله.
فاطمة: ربنا يتم ليك علي خير يابا, وان شاء الله تسعدك.
فاطمة: وموسى راجله لسه ما جاء من الدهب?
سعيد: لسه ما جاء يا بنتي, طول.
ـ مــــرت الايام وفاطمة امتحنت امتحانات الصف الاول النهائية ونتيجتهم طلعت وفاطمة جات الاولى مع انها قرأت في البيت, ناس المدرسة مبسوطين منها علي احرازها الدرجة الاولى, وفاطمة بكت اتذكرت امها.
ـ ريان جات لفاطمة..
ريان: فاطمة مبروووك النتيجة, والله عجبني ليك, وكل المدرسة تتكلم بيك اشيلو واقولو قرأت من غير استاذ وجات الاولى .
ـ ريان بتهظر مع فاطمة قالت ليها..
ريان: قولته ليهم ما قرأت براها شرحته ليها انا استاذة ريان!
فاطمة: هههههههه ايا والله الفضل يرجع ليك انتي ما قصرتي معاي يا استاذة ربنا ما يحرمنا من بعض, اها وانتي يا ريان نتيجتك كيف?
ريان: انا جيت التانية عشان كنت بشرح ليك انتي عارفة لو ما كنت بشرح ليك ما كان لميت في التانية دي.
فاطمة: كيف يعني وقعيها لي.
ريان: كل ما احضر الحصة اركز فيها شديد عشان افهم كويس واقول عشان امشي اشرح لفاطمة لانها منتكلة علي عشان كدا كنت بركز , وياهو انا برضو استفدته بسببك انتي جيت التانية , يعني انا البشكرك!! .
فاطمة: ان شاءالله دائمآ موفقين, ولازم بعدين لو ربنا سهل لينا نقرأ في نفس الجامعة عشان نكون مع بعض.
ـ سعيد جاء..
سعيد: الف مبروووك يا بناتي النجاح ان شاءالله دائمآ موفقات.
سعيد: هاك يا ريان هاك يا فاطمة.
فاطمة: ديل شنو يابا?
سعيد: ديل قروش! هدية مني ليكم بمناسبة نجاحكآ اشترآ الحاجات الدايراتنا.
ـ مـــــره شهـــر..
ـ وسعيد عقدو لي علي حليمة.
فاطمة: ناس ابوي ديل مالهم اتأخرو كدا في العقد, متشوقة اشوفه للمراة البتكون لي زي امي , يا رب تقدرني احترمه واقيمة زي امـي.
ـ سعيد وحليمة جو البيت ومحاسن جات معاهم..
محاسن: ايووووووي!!
ـ محاسن تزغرد ساي, محاسن عاينت لفاطمة وقالت..
محاسن: ربنا يسعدكم ويكفيكم شـر العـوارض.
ـ فاطمو لمن شافت مراة ابوها اتذكرت امها وحست بنفسها مخنوقة وبكت.
محاسن: تعالي يا فاطمة سلمي علي امــك حليمة!!
يتبع..
