ريان: فاطمة وينك اجـري جاي تعالي سرييييع النتيجة قالو طلعت!!
ـ فاطمة نططت عيونة ودقات قلبه زادت, وقالت لريان..
فاطمة: انتي جادة??
ريان: ايا والله, كل الناس مشت المدرسة هناك, استاذ محمد طلعة بتلفونو النتيجة لكل الطلبة لانو عندو نسخة من ارقام جلوس كل الطلبة.
فاطمة: انا خايفة يا ريان متوترة وخايفة انو ما انجح!
ريان: قولي خير ما تتشاؤمي, النجاح قسمة من الله, ونحنا عملنا العلينا ما قصرنا.
ـ فاطمة قالت لريان..
فاطمة: اقيفي يا ريان قبل ما نمشي اصلي لي ركعتين عشان استقر شوية.
ريان: انا برضو اصلي لي ركعتين.
ـ فاطمة بعد ما صلت بقت مغمدة وبتدعي..
فاطمة: يا رب توفيقك انا وريان, دا حصاد السنين كلها! كم تمنيت يمـة تكوني معـاي في اليــوم دا!! وتغرقيني بدعواتك, ربنا يرحمك ويغفر ليك يمة ويجعل الجنة مسكنك.
ريان: كفاكي يا فاطمة, يلا نمشي المدرسة.
فاطمة: حاسة بنفسي ما قادرة امشي!
ـ فاطمة وريان مشو المدرسة ..
فاطمة: خشي انتي يا ريان شوفي لي نتيجتي انا ما بقدر اشوفه!
ـ ريان دخلت لاستاذ محمد, ريان قبل ما تشوف نتيجتة قالت تشوف نتيجة فاطمة اول, ريان قالت لاستاذ محمد..
ريان: اها يا استاذ محمد فاطمة نتيجتة كيف???
استاذ محمد: وفاطمة وين? ماله ما عايزة تشوف نتيجتة?
ريان: فاطمة قاعدة برا قالت خايفة!
استاذ محمد: يلا امشي معاي برا انا بوريها نتيجتة عشان ما تخاف.
ـ ريان قالت استاذ محمد دا مالو من سألتو من نتيجة فاطمة زعلان كدا ما مطمئن?
استاذ محمد: يا فاطمة!!
ـ فاطمة من سمعت استاذ محمد قال ليها يا فاطمة قلبه خلاص!
فاطمة: ايا استاذ ان شاءالله نجحتا??
استاذ محمد: لالا ما تخافي , نسبتك.. , كدي البس نظارتي ما شايف!
فاطمة: كم يا استاذ???
استاذ محمد: 8, 92% الف الف مبرووووك , كنت متوقع ليك اكتر من كدا! !
ـ ريان صرخت من الفرحة وفاطمة بكت لمن سجدت في الواطة وبتقول الف حمد وشكر ليك يا رب! , فاطمة قالت بصوت حنين..
فاطمة: يمــة انا نجحتا ! كان كل مناكي تشوفيني ناجحة.
ـ فاطمة لمن قالت يمة انا نجحتا لمن استاذ محمد دمعتو نزلت.
ـ ريان وفاطمة بقو يبكو مع بعض ما قادرين يسكتو.
فاطمة: وريان يا استاذ محمد نتيجتة..?
استاذ محمد: ريان 9, 89%
ماشاء الله عليكم يا بناتي رفعتو رأسي وإسم المدرسة, الف الف مبروووك بالجد فرحتوني من جوا قلبي.
استاذ محمد: كالعادة فاطمة اولى المركز وريان التانية, زي التومات ماشاء الله ربنا يحفظكم! اول مره في التاريخ مدرستنة تحرز نسبكم دى, رفعتو اسم المدرسة الله يعليكم يا بناتي! .
ـ فاطمة باركت لريان نجاحة وبتسالمو مع بعض وببكو, فاطمة قالت لريان..
فاطمة: مبرووووووك يا اغـلــى اخــت ولا يا استاذة?
ريان: هههههه الله يبارك فيك يا تلميذتي.
ـ فاطمة وريان فرحانين شديد وكل المدرسة فرحانة بيهم , والمدرسة مليانة بناس الحلة , والمدير يوزع في الحلاوة فرحان بنجاح مدرستو.
ـ فاطمة قالت لريان..
فاطمة: نمشي البيت عشان نفرح ناس البيت.
ريان: نمشي بيتنا اول , لانو امي قالتي لي انتي وفاطمة بعد تعرفو نتيجتكم تعالو لي انا اول .
فاطمة: سمح يلاكــي!
ـ فاطمة وريان جو بيت ناس ريان..
ام ريان: اها فرحني ازغرد??
ريان: ايا يمة زغرتي نجحنا!!
ـ ام ريان بقت تزغرد وبتبكي والناس جات تبارك وام ريان توزع في الحلاوة.
ام ريان: فرحتآ قلبي الله يفرحكآ.
فاطمة: انا بعد دا ماشة البيت اكلم خالتي حليمة بتكون منتظراني متشوقة تعرف نسبتي , وابوي برضو بكون جاء من الخلا.
ام ريان: خلاص امشي عافية ليك الناس بتكون منتظراكي تبارك ليك لو ما كدا ما كان بخليك تمشي .
ـ فاطمة جات بيتهم..يتبع..
#بعتذر عن التأخير ظروف بس