ـ فاطمة قالت لأبوها..
فاطمة: كلام عمتي محاسن صاح مالك ميابيهو.
سعيد: كلام شنو يا فاطمة بنتي?
فاطمة: انك تعرس!
سعيد: تاني عرس, انا مش قولته ليك ما داير كلام في الموضوع دا, الظاهر عليكم جنيتو كلكم.
فاطمة: لالا يابا ما جنينا دا الواقع, لازم يابا تشيك فكرة انو ما تعرس نهائي.
فاطمة: يابا انا مهما عملته ليك وخدمتك برضو ما بكون زي المراة البتعرسة, اها قول يا يابا لا قدر الله انا موته او مشيت الجامعة البخدمك والبشتغل ليك منو! , عشان كدا يابا ارضى بموضوع العرس دا.
سعيد: وانا رأي قولتو ما داير اعرس.
فاطمة: يابا لو انت ما وافقتة تعرس انا برضو ما بوافق اقرأ اقعد ساي في البيت.
ـ سعيد اتخلع بقرار فاطمة القالتو, وبقى يفكر قال لو رفض يتزوج فاطمة بترفض تكمل تعليمة, وقال ما عندو رغبة في الزواج تاني.
سعيد: لشنو يا فاطمة بنتي تفرضي علي قرار صعب زي دا?
فاطمة: ما صعب يابا قول خير.
سعيد: خير يا بنتي لو ما قولتي ما بتقري ما كان وافقته, ختيتيني في موقف حرج.
سعيد: لكن بوافق اعرس بشرط.
فاطمة: ايا يابا موافقة قبل ما تقول .
سعيد: تمشي المدرسة تخلي قراية البيت, وحاجة تاني انا اخلي العرس بعد ما امك سامية تتم ليها كم شهر.
ـ فاطمة اتذكرت امها ..
فاطمة: سمح يابا لكن بمشي المدرسة في تانية بعد ما اكمل اولى دي في البيت.
سعيد: كويس بنتي الله يوفقك.
ـ مـــــرت 3 شهـــــور..
ـ فاطمة مستمرة في قرايتة في البيت وكل يوم ريان بتجي تشرح ليها .
ـ وسعيد شغال في الخلا وحصد السمسم.
ـ فاطمة قالت لابوها ..
فاطمة: يابا امي تمت 4 شهور, وانت حصدته السمسم, يعني بعد دا تعرس.
سعيد: انتي اصلك ما بتنسي!!
فاطمة: لالا يابا ماني ناسية.
سعيد: خلاص بعد ما امشي لمحاسن عمتك واكلمه بموضوع العرس دا.
فاطمة: سمح سثيابا! لكن ما تقول ليها انا الجبرتك والقولته ليك الا تعرس عشان ما تزعل منك تقول هي لمن قالت ليك عرس ما سمعته لكلامه.
سعيد: سمح يا بنتي!
سعيد: خلاص يا فاطمة بنتي بمشيلة بكرة.
فاطمة: لالا يابا امشي ليها اسي عشان تجي طوالي ما اقعد براي, لكن امشي بعد اسوي ليك الجبنة.
ـ سعيد شرب الجبنة..
سعيد: اها يا فاطمة بنتي ودعتك لي الله, خلي بالك من نفسك وقولي لريان تقعد معاك لحدي انا اجي.
فاطمة: سمح يابا ! تصل بالسلامة, وسلم لي علي عمتي محاسن وحمود.
ـ سعيد طلع مشى..
ـ فاطمة لمن ابوها مشى شافت البيت فاضي وقعدت تبكي وقالت..
فاطمة: سبحان الله البيت من غير أم وأب زي الخلا البيت ببقى يابس وفاضي ما ليهو طعم, الله يرحمك يمة ويجعلك من اصحاب الجنة , اعفي لي يابا عشان جبرتك تعرس انا عارفة تاني ما بتجي مراة زي امي لكن قولته ليك الا تعرس عشان ما بقدر اشوفك وحيد وحزنان, وعشان بيتنا يكون مليان زي زمان لمن تعرس مراة تانية.
ـ ريان جات لفاطمة في بيتهم..
ريان: كيف قيلتي فاطمة .
فاطمة: كويسة الحمدلله, وانتي كيفك وكيف امك.
ريان: تمام كويسة, تعالي شوفي الحاجات الادونا ليها الليلة في المدسة, والليلة ادونا حصة رياضيات صعبة نص نص ما فهمتها سمح.
فاطمة: هههههه انا عارفاك, لو ركزتي في الحصة كان فهمتيها لكن انتي نصك في الحصة ونصك برا, وانا يا ريان بنتكل علي شرحك دا, انتي لو فهمتي غلط بتجي تشرحي لي انا بنفس الفهم الغلط الفهمتي عشان كدا خلي سرحانك الكتير الفي الحصة دا.
ريان: هههههههههه! علي كيفك, براك قولتي اشرح ليك انا , انا لو فهمته كويس خلي اشرح هههه, عشان كدا تتحملي يا تلميذتي!!
فاطمة: تلميذة!!
فاطمة: هههههههه لا كان كدا خلاص يا استاذة!!
ريان: ايا انا استاذتك عشان كدا تسمعي لي كلامي , فهمتي ?
فاطمة: والله انتي مجنونة.
ـ ريان انبسطت قالت كدا خليت فاطمة تضحك , قالت من امها ماتت ما شافته ضحكت.
ـ سعيد وصل بيت محاسن..
يتبع..
