محاسن: تعالي يا فاطمة سلمي علي امــك حليمة!!
ـ فاطمة مشت مدنقرة ودموعة تتشتت وتقش فيهم عشان ما يعرفوها كانت بتبكي, سلمت علي حليمة.
ـ حليمة قالت لفاطمة..
حليمة: ماشاءالله عروسة, حكو لي بيك كتييير.
ـ حليمة عشان سعيد قاعد دايرة تتظارف مع فاطمة قدام سعيد, حليمة قالت..
حليمة: اصلو ما تشيلي هم ببقى ليك زي امك, ما بقصر منك نهائي.
ـ فاطمة فرحت وقالت الحمدلله ابوي عرس مراة طيبة تبقى لي زي امي.
سعيد: ايا ياها دي فاطمة بنتي الوحيدة ما عندي غيره دايرك تعتبريها زي بنتك, لو غلطتي فيها كانك غلطتي فيني انا, وفاطمة بنتي ماشاء الله عليها مطيعة وبتسمع الكلام ما اشكره ليك براك بتشوفيها.
محاسن: ايا والله يا حليمة فاطمة بنت سعيد اخوي ما فيها كلمة ادب واحترام.
حليمة: لالا ما بحوجة لحاجة ربنا يقدرني!
محاسن: تعالي يا حليمة جوا اكلمك.
محاسن: ياها دي فاطمة الحكيت ليك بيها وانتي عارفة بتعملي معاها شنو!
محاسن: وحاجة تانية نحنا ما عندنا بنت بتقرأ وفاطمة قالت الا تقرأ وابوها وافق علي قرايتة انا دايراك كل ما تجي تقرأ اشغليها بحاجة ما تخليها تقرأ نهائي عشان ما تنجح وتتخلى عن القراية.
حليمة: اصبري بس براك بتشوفي , بس الايام الاولى دي اخد فيها نفس شوية واديها حق الضيافة وتاني بعديل بقبل عليها.
ـ جاء الصباح سعيد مشى الجامع.
ـ حليمة جات صحت فاطمة ومحاسن عاملة فيها نايمة تسمع في كلام حليمة, حليمة قالت لفاطمة..
حليمة: قومي يا فاطمة اعملي لينا الشاي!!
فاطمة: سمح خالتي حليمة.
ـ فاطمة عملت الشاي وجابتو لحليمة .
حليمة: شكرآ يا فاطمة خلاص امشي نومي.
ـ فاطمة رجعت نامت وسعيد جاء من الجامع.
سعيد: ماشاءالله عملتي الشاي اتعودتي علي البيت.
حليمة: ايا والله صحيت مشيت المطبخ ولعته النار وعملته ليك الشاي قولته عشان بتمشي الخلا بدري .
سعيد: ايا والله بمشي الخلا دغش.
سعيد: وفاطمة ما صحت?
حليمة: فاطمة في سابع نومه ياها نومته المن امبارح.
ـ سعيد شرب الشاي ومشى الخلا .
ـ محاسن جات لحليمة تتكلم معاها براحة عشان فاطمة ما تسمعهم.
محاسن: ماشة كويس قولتي لي صحيتي فاطمة مع الاذآن الاول تعمل ليك الشاي!!
حليمة: دا كلامك انتي لسه ما شفتي حاجة ياداب دي البدايات.
محاسن: وقت خلاص شوفته بعيني انا بعد دا ماشة علي بيتي .
حليمة: امشي مطمئنة.
ـ محاسن مشت بيتا.
حليمة: تعالي يا فاطمة .
فاطمة: ايا!
حليمة: اعملي الفطور , واعملي لي شاي تقيل شاييك القبيل دا ما سمح وبارد كشحتو.
فاطمة: سمح خالتي.
ـ فاطمة قالت هي عشان ياداب عروس عشان كدا ما صاح انها تشتغل انا بشتغل ليها وبعد تتعود علي البيت براها بتساعدني.
ـ فاطمة جابت لحليمة الشاي وعملت الفطور وسعيد لسه ما جاء من الخلا.
ـ ملابس سامية لسه قاعدة في الدولاب ما وزعوها قالو يخلوها ذكرى منها.
ـ حليمة طلعت ملابس سامية كلها من الدولاب وجدعتهم في الواطة عشان تخت ملابسه هي.
حليمة: تعالي يا فاطمة.
ـ فاطمة جات لقت ملابس امها كلها في الواطة!!
يتبع..
