ـ فاطمة الكـف حرقه لمن وشها بقى احمر, لكن عملت فيها انو ما حرقة عشان عمتة تسكت وما يتناقشو.
محاسن: كيف تدفري في الطوبة? اسي لو كان وقع في عينو كان عينو اتقدت, ما عندك ادب وإحترام.
فاطمة: شكرآ ليك عمتي, الله يسامحك.
محاسن: وكمان بتردي لي, اي صاح عشان لقوك بنت واحدة وإدلعو فيك, اخر زمن بنات شنو البدلعوها.
سامية: دا ما دلع قالت ليك ما وقعت حمود.
سعيد: خلاص يا جماعة حصل خير, فاطمة بنتي اديني موية اشرب.
ـ فاطمة مشت تجيب لأبوها الموية, وبكت جنب الزير من كلام عمتة ليها , وقشت دموعة عشان ما يعرفوها انها كانت بتبكي, وجابت لأبوها الموية..
فاطمة: هاك يابا الموية.
ـ سامية مشت تعمل الأكل ..
سامية: فاطمة بنتي تعالي ساعديني.
فاطمة: سمح يمة!
ـ سامية وفاطمة يتكلمو براهم من غير محاسن وسعيد يسمعوهم..
سامية: فاطمة بنتي عمتك دي اصلها كدا ما تكوني زعلتي من كلامه?
فاطمة: لالا يمة ماني زعلته منها, بس الحاجة الزعلتني حمود كذاب قال ليها انا وقعتو وانا ما وقعتو يمة.
سامية: عارفاك يا بنتي ما وقعتي, مصدقاك, عمتك دي ياهو طريقة كلامة معاي من زمان كدا لكن انا ما قاعدة ارد ليها لكلامة, لو كنت برد ليها يا بنتي كان زمان طلقوني وحرموني منك بحترمة يا بنتي عشان ابوكي من ما عرسني ما سمعني كلمة شينة.
سامية: وبعدين يا بنتي هي ضيفتنة نحترمة مهما قالت, ودا بيت اخوها تجيهو في اي زمن ما بنمنعة منو, بقولو يا بنتي عدوك لو جاك في بيتك اكرمو.
سامية: دايرة منك يا بنتي حاجة واحدة عمتك وولده لو قالو ليك اي كلام بزعل ما تردي ليهم احترميهم مهما عملو ليك في النهاية هي عمتك اختو لابوكي, ايام وبتعدي يا بنتي .
فاطمة: سمح يمة!
ـ سامية تتكلم في سرها وتقول ..لو سمعتي يا بنتي فاطمة كلام عمتك قبيل انو ما تقري كان مرضتي وجاتك لي نفسيات عشان كدا ما بكلمك بكلاك عمتك دا برضو عشان ما تكرهية وتفضلي محترماها.
سامية: فاطمة بنتي هاك دقي الشطة دي.
ـ وبالجانب الاخر سعيد ومحاسن يتونسو..
محاسن: انت يا سعيد اخوي تاني ما مشيتو الدكتور?
سعيد: لشنو??
محاسن: شان تجيب ليك ولد اشيل اسمك.
سعيد: هههه الحمدلله عندي فاطمة ربنا يخليها لي
محاسن: ونعم بالله, لكن برضو دايرلك الزيادة.
ـ محاسن عشان بتكره سامية وفاطمة, قالت ما بخلي اخوي دا كدا بي بنتو الواحدة دي قالت..
محاسن: سعيد اخوي انت لازم تعرس ليك مراة تانية!!
يتبع..
