محاسن: سعيد اخوي فاطمة بنتك جاها عـريس!!
محاسن: اخو جارتي, زول ماشاءالله وضعو كويس.
ـ فاطمة اتخلعت بكلام عمتة وعيونة حمرو وقالت في سرها دايرة تقرأ ما دايرة تعرس.
حليمة: ماشاء الله تبارك الله اخو بدرية جارتك راجل تمام ولا كلمة.
سعيد: هههههه عرس شنو فاطمة بنتي صغيرة.
محاسن: ما صغيرة انا لمن عرسوني عمري 13 سنة!
حليمة: ايا! فاطمة ما صغيرة امتحنت الشهادة, الاصغر منها عرسوهم.
ـ محاسن وحليمة دايرات فاطمة تعرس باي طريقة عشان ما تقرأ.
سعيد: انا فاطمة بنتي دايرة تقرأ وتكمل جامعتة, وانا ما بجبرة علي حاجة ما دايراها ولو هي موافقة انا ما عندي مانع سعادتة اهم شي.
سعيد: فاطمة بنتي انتي موافقة??
فاطمة: لالا يابا انا دايرة اكمل قرأيتي!!
سعيد: ربنا يوفقك يا بنتي وانا برضو معاك في رأيك!
ـ محاسن وحليمة دايرات يطقن من الزعل.
محاسن: لكن العرس ما بحمي القراية.
سعيد: ايا ما بحمي القراية لكن بتكون مضغوطة شديد, العرس مسؤلية ما حاجة ساهلة.
سعيد: وحاجة تانية راجل غريب ما بنعرف عنو اي حاجة, بنعرف الجواهو? اكيد لا, عشان كدا انا بنتي واحدة الا تعرس برضاها هي.
محاسن: قولته كدا! !
ـ حليمة سرحت بعيد وبتتكلم في سرها قالت سعيد دا صعب ما برضى حاجة في بنتو فاطمة.
سعيد: جيبي الجبنة دي يا حليمة.
ـ فاطمة قاعدة في السرير جنب ابوها, حليمة جات شايلة الجبنة ..
ـ محاسن عاينت لحليمة اشررت ليها علي فاطمة عني تكب الجبنة في فاطمة.
فاطمة: واااااااي (صرخـت!)
ـ حليمة كبت الجبنة كلها حارة في فاطمة عملت فيها عترت ليها حاجة ووقعت في فاطمة كانت قاصدة تكب الجبنة فيها.
سعيد: فاطمة بنتي انتي كويسة ما تكون حرقتك في يدك.
ـ سعيد شال موية الجردل باردة جنبة كباها في فاطمة في محل الجبنة ( الجبنة اتكشحت ليها في يدها).
ـ فاطمة يدها حارقاها وبتبكي.
سعيد: انتي ما بتشوفي يا حليمة.
حليمة: في حاجة عترت لي ووقعتة .
ـ حليمة مثلت فيها بتبكي علي فاطمة قالت ليها..
حليمة: اعفي لي يا فاطمة بنتي اريتا لو انكشحت فيني انا!!
محاسن: ايا صاح عترت ليها في حجر, القدر!
ـ فاطمة يدها قامت حبوب شايلة موية محل الجبنة ولسه الألم ما راح منها.
سعيد: حليمة جيبي عجين من جوا إكون بارد حامض نعملو ليد فاطمة.
ـ حليمة العجين في قالت مافي جابت ليها دقيق من الشوال وكبت فيهو موية حار وفطير.
سعيد: العجين دا مالو حار كدا كان في الحر ولا شنو?
حليمة: مافي عجين دا عملتو ليك اسي .
محاسن: دي عين بس الناس كلها فاطمة فاطمة ! عشان كدا كلامي صاح كان قولته ليك ما تقرأ !!
ـ سعيد طلع المرتبة لفاطمة وقال ليها..
سعيد: نومي بيدك دي ارتاحي وما تقومي من السرير, انا بمشي اشوف ليك لو لقيت مرهم ولا حاجة.
ـ سعيد مشى..
ـ محاسن وحليمة مشو يتكلمو جوا..
حليمة: فكرتك سمحة لمن قولتي لي كبي الجبنة في فاطمة.
محاسن: انا ما بقول كلام ساي , شوفتي فاطمة وامها انا من زمان ما بريدهم.
ـ فاطمة سمعت كلامهم كلـو!!
يتبع..
