ـ محاسن عمتهم جات للبكاء وشغالة بتبكي بدموعة الوهمية.
محاسن: الليلة يا حليلك يا ام فاطمة الفتي وخليتي الديار فاضية وخلا, استغفر الله!
ـ محاسن ماسكة فاطمة وبتبكي معاها.
ـ ناس الحلة قالو بعد دا خلاص ادخلو جثة سامية جوا ويحمموها.
ـ الرجال نادو سعيد يحمم الجثمان عشان يمشو المقابر.
ـ سعيد بعد ما طلع من غسيل الجثمان قعد يبكي لمن ساقو الرجال طلعو برا البيت.
ام ريان: فاطمة بنتي بعد دا امك خلاص بشيلوها قومي شوفيها وادعي ليها قبل ما يشيلوها.
ـ فاطمة ما قادرة تمشي متكلنا ريان وامها لحدي ما دخلت لجثة امها, وقالت بصوت منخفض..
فاطمة: اعفي لي يمة لو حصل مرة ما سمعتة كلامك او قولته ليك كلمة تزعلك, وانا بوعدك ادعي ليك في كل صلاة, وبوعدك تاني اني اكمل قرايتي وامشي علي الوصية الكان وصيتيني ليها زمان متذكراها طوالي في بالي.
ـ فاطمة سلمت علي أمها في رأسة وطلعت دمعتة نازلة.
ـ جابو العنقريب وختو فيهو الجنازة .
ـ فاطمة لمن شافت خلاص امها شايلنها صرخت ومسكت في كراع العنقريب وبتقول..
فاطمة: لالا يمة ما تمشي وتخليني , ما بقدر يمة اقعد في البيت من غيرك, البيت ببقى لي خلا يمة, خلوها ما تسوقوها سوقوني معاها عليكم الله!!
الناس كلها بكت من كلام فاطمة.
ـ خلاص شالو الجنازة وطلعو, فاطمة ختت يديها في رأسة وبتصرخ يمــــة لاااااااااااا لمن وقعت في الواطة وهبطت.
ـ الناس بقت في فاطمة شالوها ختوها في السرير وبصحو فيها, ورشوها بالموية ما صحت.
ريان: فاطمة قومي! قومي فاطمة!
ـ فاطمة فتحت عيونة.
فاطمة: يمة يمة , وينا امــي??
ريان: خليك قوية يا فاطمة ما تضعفي , دا يومة كدا, امك كان عشمة فيك كبير.
ام ريان: في يدنا شنو يا فاطمة بنتي , ايا فاطمة انا برضو امك, عارفة ما بكون زي امك لكن ما بحوجك لحاجة, امك دا يومة كدا تم ادعي ليها بس تاني دمعتك دي بتعذبة عشان كدا ما تعزبيها بترضي انها تتعذب? وبعدين انتي واعية , الله يحفظك.
الرسول تحت التراب يا بنتي الحياة اصلها كدا فيها المــر وفيها الحلــو, استغفري يا بنتي, وصلي وادعي ليها.
ـ جـاء الليل..
فاطمة: يمـة الليلة نومتي وين! , يا حليلك يمة.
فاطمة: يا رب تدخل امي الجنة زي ما كانت معيشاني في جنة!!
فاطمة: يا ربي تديني صبر كبير, فراقة حار امي , الله يرحمك يمة.
ـ محاسن شغالة والضيوف داخلة ومارقة.
محاسن: فاطمة عندكم مصفة كبير?
ـ فاطمة ردت بكل عفوية من غير ما تشعر بكلامة القالتو ..
فاطمة: اسألــــي أمـــــي!!
ـ فاطمة بكت من كلامة القالتو ونست انو امها ماتت.
محاسن: جنيتي يا فاطمة امك خلاص ماتت لازم تختي المعلومة دي في رأسك انو امك خلاص تاني ما بترجع, انسيها خلاص.
ـ محاسن بتتكلم مع فاطمة كلام حار وفاطمة بتبكي من كلامة .
ـ فاطمة بكت من كلام محاسن وقالت تاني خلاص عمتي بتقول فيني الدايرة تقولو وتنترني , زمان كانت بدافع لي امي.
محاسن: فاطمة خلاص قومي علي حيلك شوفي الضيوف دايرين شنو , واشتغلي مع الناس خلي البكاء حقك دا .
ريان: انا بشتغل وبقيف للضيوف فاطمة ما بتقدر .
محاسن: ماله ما بتقدر عندها شنو!
فاطمة: سمح عمتي بمشي!
ـ فاطمة كل ما عمتة محاسن تتكلم معاها بتبكي زيادة وبتذكر امها.
محاسن: يا فاطمة شيلي معاك حمود ولدي دا نومي جوا وصحي ادي اللبن!
ـ ريان ما عجبة كلام محاسن لفاطمة..
يتبع..
