ـ جات عربية صغيرة وقفت لفاطمة ( توسانة)!!
ـ فاطمة خافت لمن العربية وقفت ليها والقزاز مظلل.
ـ بتاع العربية لمن نزل القزاز طلع استاذ عادل.
ـ فاطمة لمن لقتو دا الاستاذ اطمئنت شوية انو طلع زول بتعرفو.
استاذ عادل: سلام عليكم, شايف الشارع فاضي مافي مواصلات ممكن اوصلك معاي لو ما عندك مانع!
ـ فاطمة مدنقرة في الواطة والاستاذ بتكلم معاها, في البداية اترددت انو تمشي مع الاستاذ لانها بتخجل منو, لكن قالت الزمن اتأخر ولو اتأخرت ما بخلوها تخش الداخلية.
فاطمة: لالا ما عندي مانع!!
ـ استاذ عادل نزل فتح باب العربية لفاطمة القدام فاطمة قالت لي لالا بركب ورا, استاذ عادل قال ليها اوكي ما عندك مشكلة!.
استاذ عادل: بتقري هنا انتي?
فاطمة: ايا بقرأ ادارة اعمال السمستر الاول.
استاذ عادل: تمام جديدة يعني!
ـ استاذ عادل قال علي حسب جدولهم اليوم انو محاضراتهم انتهت بدري, الأخرا شنو, قال اسأله احتمال كانت عيانة او حاصلة معاها مشكلة.
استاذ عادل: بعتذر علي سؤالي خصوصي شوية, انتو اولى ادارة اخر محاضرة كانت محاضرتي انا الاخرك شنو لحدي ما الجامعة كلها فاضية خير ان شاء الله??
فاطمة: لالا عادي ما عندك مشكلة , ايا صاح كانت اخر محاضرة محاضرتك لكن انا شغاله عشان كدا اتأخرتا!!
استاذ عادل: ( لمن فاطمة قالت لي شغاله لمن وقف العربية استغرب) شغالة وبتقري? كدا ما ح تقدري تركزي في قرايتك, ونتيجتك حقت السمستر الاول كيف كانت وانتي شغالة وبتقري??
فاطمة: الحمدلله منظمة وقتي, نتيجتي نضيفة الحمدلله.
استاذ عادل: ( احتار في فاطمة قال الزمن دا في ناس كدا بتقرأ وبتشتغل) ماشاء الله ربنا يوفقك.
استاذ عادل: الوالد شغال شنو?
فاطمة: ابوي مزارع في البلد!!
استاذ عادل: ربنا يدي الصحة والعافية.
ـ استاذ عادل عشان داير يعرف فاطمة عندها تلفون ولا لا قال ليها..
استاذ عادل: الساعة كم?
فاطمة: لالا ما لابسه ساعة وما معاي تلفون.
استاذ عادل: بعتذر لو ازعجتك بالاسئلة!
فاطمة: لالا مافي ازعاج.
ً استاذ عادل نزل فاطمة بعيد من الداخلية شوية قال ليها..
استاذ عادل: نزلتك بعيد من الداخلية عشان ما يعملو ليك مشكلة اقولو جات متأخرة وجابها بتاع عربية!!
فاطمة: ايا صاح, شكرآ ليك يا استاذ!
استاذ عادل: العفو! , لو احتجتي لاي حاجة انا تحت الأوامر!
استاذ عادل: بعد المحاضرة دي كلها ما سألتك من اسمك?
فاطمة: فاطمة سعيد.
استاذ عادل: وانا سعيد يا فاطمة اني اتعرفته عليك!!
ـ استاذ عادل مشى بعربتو وبتكلم قال..
استاذ عادل: سبحان الله اول مره الاقي لي بنت مكافحة زي فاطمة دي وهي ياداب في اولى جامعة!.
ـ في الداخلية..
ـ ريان قاعدة لفاطمة برا جنب الباب .
ريان: فاطمة اتأخرتي كدا مالك فتشتا ليك الجامعة والداخلية كلها ما لقيتك قولته اقعد هنا برا انتظرك!!
فاطمة: ايا اتأخرتا ولمن طلعته ما لقيت مواصلات لمن جاء استاذ عادل جيت معاهو.
ريان: نعم نعم ! قولتي شنو استاذ عادل?
فاطمة: ايا جيت معاهو.
ريان: انتي جادة بتكلم عادي كدا زي الناس !
ـ ريان بتهظر مع فاطمة..
ريان: تاني ما بترجعي ركبتي مع استاذ عادل في عـربتو!!
فاطمة: هههههه والله انتي مجنونة!
ـ محاسن جات ناس سعيد, وسعيد في الخلا.
ـ حليمة ومحاسن بضحكو وبتكلمو بالحاجات العملوها لفاطمة..
حليمة: ما وريتك اليوم داك قطعته ليها المشر بهدومة لينات لمن مسافره الجامعة غسلتهم تاني بالليل, ومره كبيت ليها المويه في شنطة هدومه , وتاني حلاوة النجاح سعيد جابا وانا دسيتا كلها ما اديت منها زول , لمن تجي ماشة ذكريني اديك اكياس حلاوة.
محاسن: وانا مبسوطة لمن قولته ليك كبي فيها الجبنه ويدها انحرقت!!!
ـ سعيد جاء من الخلا سمع كلامهم كلــو !!
يتبع..
