ـ نتيجة القبول طلعت!!
ـ فاطمة فرحانة وجـرت مشت ناس ريان..
فاطمة: ريان وينك?
ريان: اها قولي ان شاء الله شالونه جامعة واحدة.
فاطمة: ايا ريان شالونه جامعة الخرطوم " ادارة اعمال" .
ـ ريان جات سلمت علي فاطمة وببكو مع بعض لمن ام ريان فكتهم من بعض عشان ما يبكو وبقت هي تسلم عليهم وبتبكي.
ام ريان: خلاص يا بناتي اسكتن كفاكن بكى ربنا بريدكن ما فرقكن من بعض.
فاطمة: لو ما شالونه جامعة واحدة انا وريان بمـوت!!
ريان: وانا كان بخلي القراية مره واحدة لو ما شالونه سوا.
فاطمة: انا ماشة البيت عسان ارتب حاجاتي عشان بنسافر بكره ان شاءالله.
ريان: ايا والله ذكرتيني انا برضو اغسل هدومي.
ـ فاطمة جات بيتهم..
سعيد: الف مبرووووك يا بنتي قالو ودوكم جامعة الخرطوم الله يوفقكن يا بناتي.
سعيد: ادارة اعمال يعني تشتغلن شنو يا بناتي?
فاطمة: والله يا ابوي انا زاتي ما عارفة لكن من إسمها كدا انو شغله بكون في شركات او بنوك دا العارفاهو.
سعيد: هههه كويس والله شدن حيلكن بس.
سعيد: بتسافرن بكره صاح?
فاطمة: ايا يابا بكره ان شاء الله لو الله احيانا!
سعيد: النقوم انا امشي ادبر ليك قريشات!
فاطمة: انا عندي 400 جنيه ما بتوديني?
سعيد: 400 دي يا فاطمة بنتي مواصلات ساي بتكمل, وهناك عندك قروش الداخلية والاكل وكتبك البتقري فيهم والمواصلات, ما بتعمل ليك حاجة ال 400 دي.
فاطمة: لو ما لقيت ما مشكلة بتتسهل, عندي حلق الهدتو لي امي ابيعو اتم بي.
سعيد: لالا يا فاطمة بنتي كل شي الا الحلق , الحلق دا من زمان امك الله يرحمة تلملم في قروشو عشان تشتري ليك قالت تلبسي يوم عرسك , خليهو يا بنتي ذكرى من امـك.
فاطمة: سمح يابا خلاص خليتو ما ببيعو .
ـ سعيد طلع مشى يدبر القروش لفاطمة بنتو.
ـ فاطمة قعدت تغسل في ملابسة قالت..
فاطمة: ما عندي هدوم غير عباية واحدة وقديمة وياهو تاني جلبابات البيت, ما مشكلة بقرأ بعبايتي الواحدة دي وبالليل لمن اجي من الجامعة اغسله!!
ـ فاطمة غسلت ملابسه وشرتهم في المشر.
فاطمة: خالتي حليمة انا ماشة ناس ريان , عايني لي معاكي لهدومي دي ما تقع في الواطة.
حليمة: سمح ( صاره وشها) .
ـ فاطمة مشت ناس ريان..
فاطمة: ريان اراح معاي مشوار سريع وبنجي.
ريان: ماشة وين?
فاطمة: اراح بعد نصل بكلمك.
ريان: اراح عبد المأمور!
ـ فاطمة وريان مشو المقابر..
ريان: دي المقابر!
فاطمة: ايا قولته ازور قبر امي قبل ما اسافر ما معروف احتمال تاني ما نتلاقى امكن اموت هناك.
ريان: ان شاءالله بعد عمر طويل ما تقولي كدا.
فاطمة: يمة جيت اقول ليك خلاص بكره ماشة الجامعة هناك في الخرطوم مدينة جديدة وناس جداد ما عارفة تكون نيتهم كيف كل البعرفو اني متؤكلة علي الله ( فاطمة بكت) ووصيتك يمة الكان وصيتيني ليها خاتاها في بالي ماني ناسياها , لكن ماشة مطمئنة ما خايفة عشان معاي اختي ريان ( ريان دموعة نزلت ) .
ـ ريان لمن شافت فاطمة متأثرة شديد وما قادرة تسكت من البكاء قالت..
ريان: ( قومت فاطمة من قبر امها ) يلاكي فاطمة خلاص قومي نمشي عشان الزمن اتأخر.
فاطمة: ( قالت لريان بصوت حنين ) لكن لسه مشتاقة ليها امي ما بليت شوقي منها خليني شوية!!
ريان: ( بتبكي وبتتكلم) انا عارفة كل يوم بتشتاقي ليها اكتر لكن تاني ادعي ليها بس.
فاطمة: اسأل ربي يجمعنا بيك في الجنة يمة, لكي الرحمة والمغفرة يمة ربنا يجعل مثواك الجنة.
ـ حليمة خلت فاطمة طلعت وقطعت المشر وملابس فاطمة لينه وارضهم طينية, وملابس فاطمة بقو زي الواطة وواحد.
ـ جاء المغرب وفاطمة جات البيت..
ـ فاطمة لقت ملابسه في الواطة!!
يتبع..
