ـ حليمة كبت موية الجردل كلو في شنطة ملابس فاطمة!!
ـ فاطمة سمعت صوت الجردل لمن وقع جات جارية وقالت..
فاطمة: يا ربي دا شنو الوقع في المطبخ?
ـ فاطمة لقت شنطتة غرقت بالموية لمن اتخلعت.
حليمة: ما كنت قاصدة اكشح ليك الموية في شنطتك الجردل يدو انفكت ووقع في شنطتك.
ـ حليمة كانت قاصدة تكب الموية في الشنطة وهي الفكت يد الجردل عشان يقولو براها انفكت.
ـ فاطمة عشان هي علي نياته صدقته, فاطمة قالت..
فاطمة: لالا ما مشكلة اسي بطلعهم في المشر برا وانشفهم, لكن المشكلة كتبي وكراساتي اتملت موية.
ـ فاطمة طلعت ملابسة الاتبلت كلها برا عشان يجفو وكتبة برضو لمن تعبت.
ـ مــــرت شهـــور..
ـ حليمة لسه في حقدها علي فاطمة , وفاطمة نهائي ما بتتكلم معاها ما عارفاها علي حقيقتة.
ـ فاطمة نزلت ثالث, ممتحنة الشهادة السودانية.
سعيد: اها يا فاطمة بنتي دايرة تمتحني شنو?
فاطمة: ادبي يابا, ان شاء الله!
سعيد: مستواك كويس يا بنتي امشي علمي.
فاطمة: لالا يابا العلمي داير زمن ومجالات العلمي برضو سنينة طويلة, ودايرلو نسبة كبيرة واحتمال انا ما اتوفق من السنة الاولي اجيب نسبة سمحة وكبيرة, وانا دايرة اقرأ سريع شان اتخرج سريع واشتغل طوالي عشان اساعدك , دا السبب الخلاني امشي ادبي يابا.
سعيد: والله يا بنتي ما عارف اقول ليك شنو, لكن القراية دي رغبة عشان كدا ما بقدر اجبرك , ربنا يوفقك يا بنتي.
فاطمة: ايا يابا بس كتر لي من دعواتك دي.
ـ كل الاساتذة اعترضو علي فاطمة انو ما تمشي ادبي لانو هي اولى الدفعة ومستواها كويس ماشاء الله بتفهم سريع ولو حفظت ما بتنسى.
ـ ريان جات لفاطمة..
ريان: والله يا فاطمة انا برضو بمشي ادبي عشان مل نفترق البتعملي انا معاك.
فاطمة: لالا ريان انتي مستواك كويس شديد امشي علمي ما تضيعي مستقبلك عشاني انا, انا ظروفي ما بتسمح لي امشي علمي.
ريان: وينو المستقبل الإضيع ساي , البتعملي انا معاك عشان كدا م تتعبي تتكلمي معاي في الموضوع دا.
ـ فاطمة وريان نزلو المدرسة ومشو كتير في مقراراتهم قربو ينتهو.
ـ وحليمة كالعادة ما بتخلي فاطمة تقرأ وتراجع في البيت, كل ما فاطمة تجي تقرأ تديها شغله تشغله من القراية.
ـ فاطمة بقت بتقرأ بالليل بعد ينومو كلهم لانو بالنهار حليمة بتشغلة.
ـ فاطمة جات البيت تعبانة من المدرسة بعد ما انتهى اليوم الدراسي..
حليمة: غسلي العدة دي يا فاطمة وفي باقي هدوم غسليهم معاك.
ـ فاطمة غسلت العدة والهدوم وقعدت تقرأ.
ـ حليمة لمن شافت فاطمة قعدت تقرأ جات قالت ليها..
حليمة: قومي يا فاطمة امشي جيبي لينا حطب من الخلا , حطب نعوس بي اسي ما عندنا.
فاطمة: سمح خالتي.
ـ فاطمة مشت تجيب الحطب اتذكرت كلام امها لمن مشت اخر مره تجيب ليها حطب كانت امها بتوصي فيها من العقارب ووصلته لحدي الباب , فاطمة لمن بكت وقالت يا حليلك يمة.
ـ ريان جات تسأل من فاطمة..
ريان: سلام! وينا فاطمة?
حليمة: فاطمة قالت ماشة وجيب ليها حطب قولته ليها الزمن متأخر ما تمشي اقعدي اقري ما سمعت كلامي .
ريان: فاطمة دي جنت ولا شنو شغالين امتحانات تجريبية حطب شنو.
حليمة: من جات من المدرسة تقرأ , قرأت كتير, عشان كدا بتكون مشت تغير جو.
ـ ريان مشت لحقت فاطمة في الخلا محل الحطب , ريان قالت لفاطمة..
ريان: فاطمة انتي مجنونة البوديك محل الحطب شنو ونحنا شغالين امتحانات.
فاطمة: لالا ما كدا.
ريان: ما شنو , مشيت بيتكم لقيت مراة ابوك قالت لي فاطمة من جات من المدرسة تقرأ وقالت انتي قولتي ليها الا تمشي تجيبي حطب وقالت هي قالت ليك الزمن متأخر ما تمشي اقعدي اقري.
ـ فاطمة انهجمت بكلام حليمة القالتو لريان لمن قعدت في الواطة.
ـ فاطمة قالت ما دايرة ريان تعرف انو حليمة كذابة وانو بتعامله كعب, لانو قالت لو ريان عرفت بالمعاملة البتعاملني بيها حليمة بتمش تكلم ابوي طوالي ما بتتأخر ولا ثانية, فاطمة قالت ابوها لو عرف بطلق حليمة.
ـ فاطمة ما دايرة ابوها يطلق حليمة لانو قالت لمن تمشي الجامعة ابوها ما يكون براو حليمة بتكون قاعدة وبتخدمو وبتهتم بي لانو قالت السكري داير اهتمام ومحافظة وكمان بتقلو ما يحس بالوحدة.
ريان: مالك سكتي , والله انا زعلانة عليك دايرة اطق عديل كيف تمشي وبكرة شغالين امتحان, ولا انتي ما دايرة تنجحي??
ـ فاطمة قالت لريان..
يتبع..
