ـ فاطمة شالت المايك من سحر وبتتكلم هي قالت..
فاطمة: ايا صاح كلامة شغالة في الكفتريا بنضف معاهم وبكنس وبغسل عدة لانو انا بصرف علي نفسي ومحتاجة اني اشتغل عشان اقدر اوفر رسومي ومصاريفي, الشغل عيب? لالا اصلو الشغل في الحلال ما عيب! عيب البتخلى عن طموحو واحلامو بسبب عدم القروش والفقر, كان بإمكاني بسبب الفقر اخلي القراية لكن انا كان عندي رغبة اقرأ واكمل تعليمي, اشتغل واقرأ, ابــوي في البلد وضعو علي قدر حالنا قدر الاكل والشراب وما محوجني حاجة لو عندو وانا ما دايرة اضغط علي ابوي اجيب لي مصاريف من ماف, ما بحسسو انو ما عندو قروش وانو ما قادر اصرف علي !!!, امـــي ( فاطمة بكت) الله يرحمة ماتت وانا في اولى ثانوي خلتني صغيرة ناقصة لوقفتا معاي وحنانا الزائد لي, كانت معلماني اي شغل دائمآ بتقول لي ما معروف امكن ما اعيش ليك العمر كلو , وكان وصيته لي انو اكمل تعليمي مهما حصل , لمن امي ماتت قولته اخلي القراية واقعد مع ابـوي قراية من غير امي شين بدور بيها, لكن ابوي وريان رجعوني للصواب , انا وحيدة ما عندي اخ زيكم ( وصفت بيدها علي الاولاد) عشان يصرف علي لكن عندي اخــــت معاكم هنا. ( ريان بكت وجات جارية لفاطمة قدام القاعة وحضنته وبكت) دي ياها اختي!, كل الدفعة اتأثرو بكلام فاطمة, وفي النوع البكى.
سحر: انا بعتذر منك فاطمة, سامحيني!
فاطمة: المسامح كريم!
ـ استاذ عادل اتأثر بقصة فاطمة ودخل ليهم جوا القاعة وبصفق لفاطمة.
استاذ عادل: بالجد بالجد ما لاقي كلمات امدحك بيها, شكرآ فاطمة اديتينا درس ما ح ننساهو, وحياتك طريقة طويل ومتفرع محتاجة الناس كلها تسمع بيها!
اولاد الدفعة: ( وقفو وقالو بصوت واحد نحنا اخوانك يا فاطمة وح نقيف معاك!!
استاذ عادل: لو كان قولتو غير كدا كان ح يكون عندي معاكم حساب تاني!!
ـ كــل الدفعة ضحكت.
ـ قامت بنت تتكلم بالجد يا فاطمة قصتك دي محتاجة تنتشر في السوشل ميديا عشان الناس تتعلم منها!
ـ حليمة اتصلت لمحاسن ( محاسن في ناس ريان)
حليمة: الووو! عقدنا انا وموسى ولد خالتي ( راجلك موسى) بكره معزومــة معانا.
محاسن: ( التلفون وقع من يدها وبقت تقول) ممممممموو ( انشلت!)
ـ موسى جاء من الدهب واشترى لي عربية ( جاء ملان قروش) ما بريد محاسن من زمان ! , حليمة بقت توسوس لي عن محاسن وقالت لي انت زمان مش كنت دايرني اسي ما فات حاجة لكن علي شرط تطلق محاسن!!
ـ محاسن سفروها مستشفى الخرطوم تتعالج هناك مشى معاها سعيد.
ـ فاطمة مشت لعمته محاسن في المستشفى وبقت هي المرافقاها البتأكلة والبتشربه وبتهتم بيها محاسن لمن شافت فاطمة تعبانة معاها كدا بكـــت اتذكرت معاملته ليها زمان!
محاسن: فاطمة بنتي سامحيني عارفة نفسي العملتو ما بتغفر.
فاطمة: ( حضنت محاسن وبكت).
ـ استاذ عادل نادا فاطمة في المكتب قال ليها..
استاذ عادل: فاطمة ممكن تتخلي عن الشغل في الكفتريا انا بصرف عليك.
فاطمة: لالا ما بوافق انك تصرف علي!
استاذ عادل: تمام خلاص اعتبريهم دين مني لحدي ما ربنا يوفقك وتشتغلي وترجعيهم لي.
فاطمة: ايا موافقة!
استاذ عادل: والتلفون دا هدية مني ليك , برضو لو رفضتي ما ح يكون في كلام بيناتنا.
فاطمة: هديتك مقبولة , وانت يا استاذ الدفعته لي رسومي صاح??
استاذ عادل: ( سكت عارف انها ما بترضى) خلاص برضو ح يكونو دين مع المصاريف البديك ليهم.
فاطمة: ( بكت انو الاستاذ وقف معاها وساعدا) والله يا استاذ ما عارفه اقول ليك شنو ربنا يقدرني واقدر ارد ليك جمايلك دي , بالجد استاذ بمعنى الكلمة!!
ـ مـــــرت سنسن..
ـ محاسن بقى ليها شلل دائم , وبقت عايشة مع سعيد في بيتو, وحليمو وموسي اتزوجو وجابو بنت.
فاطمة: ريان اسرعي الليلة مناقشتنا!
ـ فاطمة وريان بعد ما عملو المناقشة استاذ عادل جاء بنادي لفاطمة.
استاذ عادل: فاطمة اكون واضح معاك بتمنى انو زوجتي تكون انتــي , رأيك شنو ? قولي رأيك ما بزعل لو وافقتي او لا!
فاطمة: لالا استاذ شوف انت وين وانا وين , حياتي ما زي حياتك الواقع العشته بيهو انا ما زي الواقع العشتو انت , انا ما بشبهك بختلف كتير عنك! !
استاذ عادل: انا كدا مقتنع بيك بكلامك, تفكيرك, اسلوبك, لبسك, حياتك العشتي بيها, انا ما ح الاقي احسن منك!
ـ فاطمة بعد تعب عشان وافقت قالت ليهو بشرط بعد اشتغل اول عشان اقدر اساعد ابــوي , ويكون عرسي في البلد .
استاذ عادل: موافق نعمل العقد هناك في البلد وتاني يوم نعمل العرس هنا في الصالة لانو عندي اصحابي جايبن من برا يحضرو زواجي, لكن انا برضو عندي شرط ح نعيش هناك في لندن لانو شغلي هناك وانا ما عندي مشكلة هناك بحضر ليك.
فاطمة: ابوي اخلي براو?
استاذ عادل: ابوك ح يمشي يعيش معانا ما عندي مانع .
ـ استاذ عادل: ( ساق معاهو فاطمة للدفعة في القاعة وقال) انا خطبت فاطمة زواجنا قريب يشرفني حضوركم.
ـ كــل الدفعة فرحت ليهم, سحر انحرقت!
ـ مع مرور الزمن. .
ـ حليمة اتكشح فيها لبن حاااار وشها كلو اتخرب!!
ـ النتيجة طلعت..
ًفاطمة اتخرجت بإمتياز بمرتبة الشرف الاولى, وعينوها استاذة في الجامعة.
ـ ريان اتزوجه واحد من اهلهم الكان نزلو معاهم لمن جو اول مره للجامعة .
ـ ريان والاء اتخرجو بجيد جدآ ومرتبة الشرف الثانية.
ـ سحر فصلوها من الجامعة.
ـ محاسن وحمود بقو عايشين مع سعيد في بيتو.
ـ فاطمة عملت لابوها مفاجأة انو يمشي الحج.
ـ فاطمة كسرت بيتهم القديم في اللبلد وبنتو بعد اشتغلت , ووضعهم المادي بقى احسن ناس في الحلة .
ـ استاذ عادل اشترى بيت لسعيد في الخرطوم يعيشو في هو ومحاسن ( عشان محاسن تكون قريبة للمستشفى) ولمن هم ينزلو اجازات السوادان ينزلو معاهم.
سعيد: شكرآ ليك يا ولدي ما قصرتا معانا العملتو دا يا عادل ولدي جناي ما بعملو لي .
استاذ عادل: من اليوم انا ولدك وانت في مكانة ابوي .
ـ استاذ عادل اتزوج فاطمة وسافرو لندن يعيشو هناك, فاطمة جابت ليها تيمان ( سعيد & سامية) وفاطمة حضرت الدكتوراة واشتغلت هي وعادل في لندن وبجو السودان زيارات بس.
ـ فاطمة وعادل بتونسو. .
فاطمة: تاني لو جبنته بنت ح اسميها ريان وان شاءالله تجيني زي ريان صحبتي!
استاذ عادل: لالا ما عندي مشكلة! !
ـ الاتنين بقو يضحكو.. !!
#النهــــاية
#بنت_الريـــف أول رواية أكتبها.
ـ الرواية مكتوبة بالدارجـي وان شاء الله تكون نالت اعجابكم
ـ جزيل الشكر والتقدير لكل من تابع واعجب وعلق وانتقد الرواية.
#فوائد_رواية_بنت_الريـــف:-
1ـ الصبر: ( صبر فاطمة علي الفقر وكلام الناس) في الصبر مشقة يعقبها فرج جميل, قال الله تعالى: ( إنَمٌا يَوَفَى الُصّابّرَوَنَ أجْرَُهمٌ بّغًيَرَ حُسِابّ) لم يحدد الأجر..
2ـطلب العلم: ( معاناة فاطمة في درب العلم) من سلك طريقآ يلتمس فيه علمآ سهل الله له به طريقآ الي الجنة.
3ـ العفو عن الناس: ( تسامح فاطمة لعمته ولكل من اساءة اليها) قال الله تعالى:( فَمٌنَ ْعفَا وَأصّلُحُ فَاجْرَُه ْعلُيَ الُلُُه) اجر لم يحدد...
4ـ الصحبة في الله: ( صحبة ريان وفاطمة ) صحبة من غير مصالح فيها الوفاء والاخلاص والود والاحترام.
5ـ مساعدة الاخرين: ( وقفة استاذ عادل مع فاطمة) من نفس عن اخيه كربة من كرب الدنيا نفس الله عنه كربة من كرب يوم القيامة.
6 ـ عدم الحكم علي الشخص قبل معرفته: ( حكم سحر علي فاطمة انو عبايته واحدة وشغالة..) قبل ان تحكم علي انسان, اسمع منه لا تسمع عنه!
#دمــتم بخير وعافية.
#خليكم_قراب
