ـ جاء الصباح وفاطمة عايزة تجهز عشان تمشي المدرسة..
فاطمة: يمة يمة شوفيني بلبس الثانوي اها كيف قدري, انا حاسة بي ضيق وقصير.
سامية: ماشاءالله يا بنتي! ربنا يحفظك! اللبس داير يأكل منك حتة! , ما قصير ولا حاجة, ايا عارفاك ما بتلبسي لاقصير لا ضيق, زاتك طولتي يا بنتي لحقتيني!!
فاطمة: هههه عليك الله يمة ما تغشيني لو ضيق?
سامية: لالا بنتي ما ضيق مناسب معاك ما تتعقدي منو ساي.
فاطمة: لكن الطرحة ما عندي, الا الطرحة حقت تامن المشروطة ديك.
سامية: جيبيها اخيطة ليك, اسي يا بنتي كما لبس المدرسة الادوك ليو هدية دا ما كان عارفين تقري بشنو من عدم القروش, الله يجعل فيهم البركة.
فاطمة: ايا يمة ربنا كريم!
ـ فاطمة لبست الطرحة بعد ما أمها خيطتة ليها وشالت الشنطة وقالت..
فاطمة: يمة خلاص انا ماشة المدرسة وبغشى ريان نمشو سوا.
سامية: الله يوفقك يا بنتي, واول ليك يوم في المدرسة ان شاء الله يكون حظك سمح فيها يا بنتي.
فاطمة: اميييين! .
فاطمة: عمتي محاسن يلا انا ماشة المدرسة.
محاسن: القراية المافي ليها داعي دي, كلام فــاضي بس!
ـ فاطمة طلعت من بيتم محبطة خاتة كلام عمتة محاسن في باله, فاطمة ماشة على بيت ناس ريان لاقته ريان في الشارع..
ريان: فاطمة كيفك, مالك زي الزعلانة كدا?
فاطمة: اهلن ريان, لالا ماني زعلانة, احتمال عشان اتعودتا علي أمـي وأبـوي في قعدة الاجازة دي.
ريان: ايا والله! , اها عمتك الكعبة فاتت? تاني ما بجيكم الا تفوت.
فاطمة: لالا قاعدة ونستنا شوية وفرقت لينا, ما تقولي كدا تعالي لينا.
ريان: والله كان ونستكم ما عارفة!!
ـ مـرت شهــــــــور..
ـ محاسن سافرت رجعت بيتا.
ـ وسامية الصداع مداوم عليها طوالي ما راح منها, وما اتكلمت بيهو نهائي, ما مشت الدكتور عشان قالت ما عندهم قروش.
سامية: فاطمة بنتي قومي عشان تمشي المدرسة , يا لطيف يا الله!
فاطمة: يمة مالك?
سامية: لالا بنتي ما مالي حاجة صداع خفيف بس اسي بروح.
فاطمة: خلاص يمة انا الليلة ما ماشة المدرسة عشان اقعد اشتغل ليك وانتي تنومي في السرير ترتاحي من الصداع.
سامية: لالا بنتي كويسة انا, اها شوفيني زي الحصان ما عندي حاجة, وبعدين يا بنتي ما تغيبي من المدرسة الدروس بتفوتك.
فاطمة: لالا يمة عشانك انتي ما مشكلة خلي الدروس تمشي ساي بتتعوض.
سامية: انا حلفته يا بنتي باسم الله تمشي المدرسة, دايرة تصوميني يا بنتي?
فاطمة: لو ما حلفتي ما كان بمشي .
سامية: امشي يا بنتي عــافية ورضيانة عليك!! !
ـ فاطمة مشت المدرسة , وسعيد مشى الخلا.
سامية: النقوم اصلي لي ركعتين امكن الصداع دا يروح.
ـ فاطمة ما مركزة في الحصة خاتا باله مع أمــها , فاطمة تشيل وتقول يالله امـــــي اسي بتكون بقت كيف??
ـ فاطمة قالت كدا رضيت على أمــــي جيت المدرسة عشان حلفت علي , لكن قالت بعد حضرتة الحصة الاولى ترجع البيت تشوف أمــها بقت كيف من الصداع.
ـ فاطمة رجعت بيتهم..
فاطمة: يمـة انتي وين انا جيت.
فاطمة: يمـــــاااااااااااااااااااااااااااا
يتبع..
