الاء: مافي حاجة بتضحك مجرد سؤال سألتكم توضحو ليها, كلكم برالم هنا وفيكم البكون سأل نفس سؤاله دا لمن جيتو الجامعة اول مره!!
ـ ريان اتحرقت منهم قالت ليهم..
ريان: انا مفتكراكم خريجات , كبار كدا!
ريان: شكرآ يا منو.. ?
الاء: الاء عبدالرحمن, واجبنا, مافي شكر بيناتنا.
ـ فاطمة وريان خلصو محاضرات ومشو الداخلية.
ـ فاطمة ارتاحت شوية وقامت غسلت عبايته عشان تمشي بيها بكره الجامعة.
ريان: انتي يا فاطمة بكره البسي عبايتي الجديدة.
ريان: ايا اتذكرتا انا قصيرة ما زيك, عبايتي ما بتلبسك.
فاطمة: هههههه بركة العرفتي براك.
فاطمة: اراح يا ريان نتعشا.
ـ فاطمة وريان مشو الكافتريا يتعشو..
ـ فاطمة اثناء ما بدأت تأكل اتذكرت ابوها ودمعته نزلت وقالت..
فاطمة: يا ربي اسي ابوي اكون كيف? بكون بيأكل في زمنو وتعب الخلا, يا حليلك يابا والله اشتقتا ليك.
ريان: والله يا فاطمة النوم دا غلبني بتذكر امي وابوي وناس الحله, لمن اقول جيت لشنو!
فاطمة: لالا ريان ما تقولي كدا اصلآ الغربه حااره ومـره دايرة صبر وعزيمة, عشان كدا نصبر ونتحمل.
ـ فاطمة وريان بعد ما اتعشو رجعو غرفتهم وفاطمة قالت لريان..
فاطمة: تعالي يا ريان نقرأ المحاضرات الادونا ليها قبيل عشان الدروس ما تبقى لينا كتيرة.
ـ جاتهم بنت بتقرأ معاهم قالت شوفو ديل بقرو من اول يوم قعدت تضحك عليهم, فاطمة وريان ما ردو ليها ما اشتغلو بكلامه واصلو في قرايتهم.
ـ سعيد وحليمة..
سعيد: ( نايم في السرير وسارح بعيد وبتكلم) يا ربي فاطمة بنتي كيف بتكون اكلت, شربت بتنوم كويس, الله يحفظكن يا بناتي.
حليمة: وين سرحان يا سعيد?
سعيد: بفكر في فاطمة بنتي.
حليمة: ( اه) ما بتجيها حاجة ما تخاف عليها ساي.
ـ الصبح آذن..
ـ فاطمة قالت لريان..
فاطمة: ريان قومي الصلاة .
ـ بعد ما صلو الصبح وقروا سورة يـس وراجعو محاضراتهم لبسو عشان يمشو بالترحيل بدري.
ـ فاطمة وريان بعد ما وصلو الجامعة دخلو القاعة.
ـ الاء جات سلمت عليهم واتعرفت بيهم.
ريان: وين انتي ساكنة يا الاء ?
الاء: بيتنا هنا في الرياض!
ـ الاء وضعهم المادي كويس ( جلابة يعني ) ومتواضعة وطيبانة.
ـ جاء زمن الفطور..
ـ فاطمة وريان والاء مشو الكفتريا , الاء طلبت وشالت الماركة من بتاع الكاشير ومشت, فاطمة سألت بتاع الكاشير..
فاطمة: ارخص حاجة عندكم شنو??
بتاع الكاشير: طعمية!
ـ فاطمة طلبت طعمية , وريان معاها قروش لكن قالت بتأكل زي ما بتأكل فاطمة عشان ما تحسسه, طلبو الاتنين طعمية.
ـ فطرو في الكافتريا ومشو المحاضرة.
سحر: ( قالت لي الاء) البمشيك مع الاشكال دي شنو وانتي ماشاء الله من شكلك , ديل ما شبهك!!
ـ سحر دي برلومة مع ناس فاطمة مفترية وشايفة نفسها ( جميلة)
الاء: والله ديل اصحابي مقتنعة بيهم وشايفاهم بشبهوني واحسن ناس.
ـ فاطمة وريان والاء بقو اصحاب شديد, ولمن اكون عندهم قابات بين المحاضرات بمشو المكتبة داخل الجامعة بقرو, وفي الداخلية برضو ( فاطمة وريان ) بقومو مع الاذآن الاول بقرو.
ـ مـــرت شهـــور..
ـ امتحنو السمستر الاول.
ـ فاطمة قروشة انتهت وقالت ما دايرة تضرب لابوها تكلمو لانو ما عندو قروش , وقالت ما دايرة تكلف ريان تديها قروش
ـ سبحان الله فاطمة ما بترضى تشيل من زول قروش ( عزة نفس ) عشان ما تحسس الناس انو ابوها ما عندو قروش.
ـ فاطمة مست الحمام, وريان جات تفقد جزلان فاطمة انو عندها قروش ولالا ( ريان عارفة انو فاطمة ما بتقول دايرة قروش ) ريان لقت جزلان فاطمة فاضي غير جنيهين حديد, ريان مشت جابت قروش من مطبقته وختتهم في جزلان فاطمة!!
ـ فاطمة طلعت من الحمام و واقفة في السطوح وقالت..
فاطمة: انا لازم اشتغل واقرأ!!
يتبع..
