فاطمة: انا تاني ما دايرة اقرأ !!
ريان: دا كلام شنو يا فاطمة?
فاطمة: ايا ريان تاني ما بقدر اكمل قرايتي, امي الله يرحمة, وابوي بقى عيان مافي زولآ بخدمو غيري, زول السكري داير اهتمام وانا ما دايرة افقدو لابوي زي ما فقدته امي.
ـ سعيد جوا الغرفة سمع كلام فاطمة بنتو لمن دمعتو نزلت.
ريان: القراية ما بتمنعك انو ما تهتمي بي ابوك, وامك الله يرحمه كان امنيته في الدنيا انك تكملي تعليمك وتتخرجي وتشتغلي عشان تساعدي لابوك, ما تخيبي ظن امك.
فاطمة: قرايتآ من غير أم وعدم عافية لابوي شـين بدور بيها, الزول بقرأ عشان شنو! مش عشان يعمل ويعمل لامو وابو?
ريان: ايا صاح!
فاطمة: بس خلاص! وانا ام ما عندي وابوي عيان دايرة اهتم بي واخلي القراية.
ـ سعيد جاء برا سمع كلام فاطمة واتكلم معاها ..
سعيد: لالا بنتي ما تقولي كدا, لازم تكملي تعليمك. عشان تساعديني ولا انتي ما دايرة تساعدي ابوك?
ـ فاطمة مدنقرة رأسة في الواطة من أبوها وبتبكي وبتغش ف دموعة عشان ما دايرة تبكي قدام ابوها اتذكرت كلام ابو ريان.
سعيد: ارفعي رأسك يا فاطمة بنتي واتكلمي معاي.
ـ فاطمة قامت علي حيلة وحضنت ابوها لمن سعيد بكى معاها.
ريان: ايا فاطمة لو انتي ما قريتي انا برضو ما بقرأ بقعد في البيت.
سعيد: يرضيكي يا بنتي ريان ما تقرأ وتكوني انتي السبب في عدم قرايته?
فاطمة: لالا يابا ما برضيني, خلاص بوافق اقرأ لكن بشرط!!
سعيد: اي شرط انا بوافق علي يا بنتي المهم تقري, قولي شرطك.
فاطمة: اقرأ في البيت ما امشي المدرسة, منزلي يعني!!
سعيد: لشنو لكن وتفهمي كيف يا بنتي ?
ريان: الثانوي صعب يا فاطمة وموادو كتيرة, ايا عم سعيد صح كلامو بتفهمي براك كيف?
فاطمة: انتي تجي تشرحي لي يوميآ الحاجة البدوكم ليها للمواد الدايرة شرح درس اليوم باليوم.
فاطمة: انا دايرة اقرأ في البيت لشنو عشان ما اخلي البيت فاضي لمن ابوي يمشي الخلا, ومنها اخد بالي من البيت واهتم بيك يا ابوي ومنها اقرأ, ربنا كريم يابا, باركة!
ـ سعيد اتعجب بكلام فاطمة بنتو وكبرت في نظرو اكتر وانبسط انو فاطمة بنتو فاهمة و واعية , سعيد قال لفاطمة..
سعيد: سبحان الله ! سامية ماتت وسامية حية, بتصرفاتك وطريقة كلامك يا بنتي بتذكريني بأمك, الله يحفظك يا بنتي.
فاطمة: يا ريت يابا لو كنت بشبها لامي , الله يرحمة.
ريان: ربنا يرحمة ويغفر ليها.
ـ محاسن جات تتكلم مع سعيد..
محاسن: سعيد اخوي سامية وماتت لازم تعرس ليك مراة شان تاخد باله منك.
سعيد: محاسن اختي مش الكلام دا من زمان قولته ليك ما تجيبي لي سيرتو??
محاسن: ايا قولته لكن زمان كانت سامية عايشة ما ماتت.
سعيد: سامية لو حية او ميتة انا ما بعرس بعديها!!
سعيد: سامية شهر ما تمتو من ماتت تجي تقولي لي عرس, انا عارفك من زمان ما بتريديها لسامية لكن ما للدرجة دي ماتت بجاي تقولي لي عرس بجاي, خافي ربك شوية اتذكري الموت.
محاسن: شكرآ ليك يا سعيد اخوي علي كلامك دا اصلك كلامي ما بدورو انا ما قولته حاجة حرام عشان تقول لي كدا.
ـ محاسن زعلت من كلام سعيد, قالت تمشي بيتا.
ـ فاطمة سمعت كلام ابوها ومحاسن, لمن ابوها قال ما بعرس في امها نهائي لمن دمعته نزلت.
محاسن: يلا يا حمود البس عشان نمشي بيتنا.
فاطمة: عمتي محاسن عليك الله ما تمشي اقعدي معانا.
محاسن: عمى يلايسك زحي من وشى , زمان كانت امك اسي بقيتي انتي ما عارفاكآ عملتآ لاخوي دا شنو.
ـ محاسن دفرت فاطمة لمن وقعت, فاطمة بترجع فيها انو ما تمشي .
ـ محاسن مشت بيتا, وفاطمة بقى ليها البيت فاضي الا هي وابوها.
ـ فاطمة قالت لأبوها ..
يتبع..
