Forced Marriage - COMPLETE

Chapter 1

"Babe, let's go na! Mag start na game ni papa Ricci mo." aya sakin ni Sandara.

Tinapos ko ang pag-aayos ng gamit ko at mabilis na tumayo saka ko siya hinila palabas ng bahay ko.

UAAP Season 81 Final Four ngayon at kasama ang La Salle dahil pangatlo sila sa standings. Una siyempre ang Ateneo, pangalawa naman ang Adamson, pang-apat ang FEU.

Sumakay agad kami sa kotse ko at nagsimula na akong magmaneho papunta sa Araneta Coliseum.

Ako nga pala si Zoey Hernandez, number one fan ni Ricci Rivero---ang bebe ng lahat ng kababaihan.

"Magsisimula na ba talaga?" tanong ko kay Sandara. Kinakabahan ako. Gustong gusto ko kasing nasisimulan lahat ng games ni Ricci. Lalo na't madalas kasama siya sa first five.

"Duh? Babe naman. Wala ka bang relo?"

Shems! Oo nga naman! Argh!

Tumingin ako sa wrist watch ko at 1:40pm na. 20 minutes nalang mag start na. Huhu, tapos pipila pa kami!

Maya maya lang ay nakarating na din kami sa Araneta. Shocks! Ang daming tao. Sana makapasok agad kami bago pa magstart.

Makalipas ang ilang minutong paghihintay, nakapasok na rin agad kami sa loob. Hindi pa man nagsisimula ay napaka ingay na. Ang kalaban ng La Salle ay FEU. Ang pang-apat sa standings.

VIP ang ticket namin kaya medyo malapit kami sa bench. Kitang kita ko siya. Napaka gwapo niya talaga!

Hinampas ako ni Sandara sa braso ko na ikinabigla ko.

"Ang gwapo talaga ni Andrei, babe! Oh my gosh!" kinikilig na sabi niya. Crush na crush niya talaga si Caracut.

Pagpasok palang namin nila Sandara at Shantelle sa La Salle ay si Caracut agad ang nakakuha ng pansin niya. Siyempre ako eh si Ricci. Magkaklase kami ni Ricci sa ibang subject, at pinagpapasalamat ko 'yon dahil nakikita ko siya ng malapitan. Pero maniniwala ka ba na kahit isang beses hindi niya pa ako nakikita. Hindi niya pa ako tinitingnan. Hindi ko alam kung normal lang ba 'yon dahil may girlfriend siya o ganon lang talaga siya. Pero masasabi ko naman na kapag kasama niya teammates niya madaldal siya, tumatawa siya. Pero sa room ay halos mga lalaki lang ang kausap niya.

Nagulat ako nang may tumabi sakin na tatlong babae at nagtanong kung pwedeng magpapicture. Pumayag naman ako dahil sa ilang taon kong pagiging varsity ng La Salle ay nakasanayan ko na rin na may nagpapapicture sakin.

"Thank you, ate Zoey!" nakangiting sabi niya sakin. I smiled at her.

"Ang ganda mo talaga, ate!" sabi naman nung isa pa.

"Magaling pa mag volleyball." sabi nung isa pa nilang kasama.

"Thank you girls!" nakangiting sabi ko sakanila.

Bagay talaga kami ni Ricci! Isang basketball player at isang volleyball player. ^_^

Maya maya lang ay tinawag na ang first five ng FEU. Nagsigawan naman lahat ng fans ng FEU.

Nang first five na ng La Salle ang tinawag, tumili agad kami ni Sandara. Lalo na nang marinig namin ang pangalan ni Ricci at Andrei. Ibig sabihin parehas silang kasama sa first five.

Bola ng La Salle dahil natapik ito ni big Ben na nakuha naman ni Aljun. Tumili ako nang ipasa ni Aljun kay Ricci at na-shoot ni Ricci ang bola. Oh my gosh! Wala talagang kakupas-kupas ang kagalingan niya.

65-50

Lamang ng labing-lima ang FEU nang mag third quarter na. Sobrang ingay ng FEU fans. Pero hindi naman nagpahuli ang mga sumusuporta sa La Salle nang mahabol ng Green Archers ang score. 65-56 - 9 point lead.