Beneath Those Eyes

Chapter 9

Happy July 1st! It's been two months since I started writing this story! You can show your support by voting/commenting. :)

Chapter 9

It's Saturday and the sun rays poured through my window. A good day for a road trip.

I'm wearing my pastel yellow dress and light brown sandals with me. I put a light make-up and let my hair fall down.

I think I'm ready.

Hinihintay ko nalang ang text o tawag ni Chisel kung nasa tapat na ba siya ng gate, nang biglang pumasok si Zoey sa kwarto ko.

"Wow, ready na siya.", her stares are scanning me from my head to toe. "Hindi ka naman maaga gumigising, pero ngayon.."

"Mahaba kasi ang byahe namin papunta sa probinsya nila Chisel. Sigurado ka ba, ayaw mo sumama?", inaaya kasi siya ni Chisel nung araw na naabutan niya kaming magkatabing natutulog sa kama ko - naalala ko nanaman!

Nagising ako sa isang gulat na sigaw ni Zoey, nang buksan ko ang mga mata ko, maski ako ay nagulat na katabi ko pala matulog si Chisel! Ang ulo ko ay nakapatong sa balikat niya habang ang isang braso niya ay nakapalibot sa bewang ko!

"OMG! OMG! SABRINA DIOR! BAKIT KA MAY KASAMANG LALAKI?!", sigaw ni Zoe.

Agad na naalimpungatan si Chisel dahil dito. Nang mapansin niya ang pwesto namin, ay agad siyang umayos ng upo, ay tayo, tas uupo ulit! Nahihilo ako sa kaniya, natataranta ata siya dahil nandito si Zoey.

"Uhm, Zoey, inalagaan lang ako ni Chisel. Walang nangyari, okay?", inayos ko ang upo sa kama. Si Chisel naman ay sa wakas, napagdesisyonan na niyang tumayo nalang.

"Alam kong nandito si Chisel, pero di ko naman alam na matatagpuan ko kayo sa iisang kama! At least orient me, Sab! Suportado naman kita eh!"

Ano daw? Saan niya ako suportado?

"Anong pinagsasabi mo? At tsaka paano ko sasabihin sa'yo na magkatabi kami ni Chisel, eh tulog nga kami! Duh!"

"Uhm, girls. Sorry for the trouble. Uuwi na 'ko.", Chisel looked at Zoe. "Uhm, Zoey, thank you sa trust na papasukin ako sa bahay niyo. Sorry narin kasi naabutan mo kaming ganon ni Sab. Don't worry, di ko gagawin yung nasa isip mo... without her consent."

ANONG CONSENT? SANDALE.

"Uhm, Zoey, Chisel invited me sa province nila sa.. saan nga 'yon, Chisel?"

"Sa Valledesa. It's a small province were I lived nung bata pa ako. Mag-eenjoy kayo ni Sab doon. Sama ka?", he asked.

"Hindi. Okay lang. Kayo nalang. May nahanap naman na kasi akong trabaho, eh.", pagtanggi ni Zoey.

Matapos ang usapan na 'yon ay ihahatid ko sana si Chisel sa labas pero sabi niya...

"Wag na, kaya ko na 'yon. Magpahinga ka na ulit dito sa kwarto mo. Babalik ako dito bukas.", he kissed my forehead to bid goodbye.

"Hindi na, ayos na yung kayo nalang. Para may moment kayong dalawa. Isang buwan kayo doon, diba?", Zoey asked which made me back to my senses.

"Yep. Sakto pagbalik ko, birthday mo naman ang aasikasuhin natin."

"Right! Pasalubong ah. Baka naman kalimutan mo na 'ko.", pag d-drama niya.

Bago pa ako makasagot narinig namin ang katok ni Chisel sa gate.

Sabi ko, itext nalang ako, eh!

"Ako na ang magbubukas ng gate. Kaysa ako magbuhat niyang maleta mo pababa. Hahaha!"