Embrace Your Assets | ✓

Kabanata 7

Kabanata 7

Sa mga sumunod na araw ay pursigido akong mapalapit kay Jeremy. Alam ko na nga ang schedule nila Philomena para lang mabisita ko silang dalawa ni Philo.

I feel slightly giddy whenever I remember our short interactions. Sa mga maiikling pagtatagpo na 'yon ay nakakakuha ako ng kapayapaan. My heart doesn't get too excited or too tense, hindi tulad kay Gio na halos para akong palaging hinahabol dahil sa pagtatahip-tahip ng aking dibdib.

"Hindi naman sobrang gwapo 'yong crush mo, Pau." pamumuna ni Amber habang nagsusulat kami ng notes para sa genmath. I looked up to her as my pen stopped writing.

"Hindi ko naman hanap ang gwapo."

"Magkakaroon ka na nga ng crush, hindi pa gwapo?" she snickered.

Jeremy isn't that good-looking but whenever he smiles, it seems too genuine and carefree. At isa pa, wala akong masyadong kaagaw sa kan'ya. He might not be good-looking for others but he's cute to me.

Hindi ko na lamang pinansin ang sinabi ni Amber. The more words that will come out from my mouth, the more it will fuel her burning passion to make me feel bad about having a mere crush.

Hindi ko alam kung bakit kailangan ipa-mukha sa akin na hindi gano'n kagwapo ang crush ko? Is it something to be ashame of? Ang magkagusto dahil sa ugali o sa pinapakitang talento ng isang tao?

Should it be only the looks that we look into? Should it be the only basis when it comes to liking someone?

Bumuntonghininga ako. Pilit na kinukubli ang sama ng loob. Wala naman akong karapatan para maramdaman ito. Opinyon lang naman nila 'yon at dapat hindi ko dinidibdib. We are all entitled to our own opinions, but some people just choose to be insensitive with voicing out their thoughts.

Sa aming upuan, nagtatakip ako ng aking bibig. Group reporting kasi namin ngayon at sina Gio na ang nasa harapan upang mag-present ng kanilang gawa. The whole room was trying to contain their laughter. Pilit namin iniintindi ang gawa nina Gio.

"Sabi mo po kasi, Ma'am. Dapat galing sa puso ang gawa," paliwanag ni Gio nang makitang nakakunot ang noo ni Mrs. Buenavista dahil sa gawa nilang visual aid.

Ang visual aid kasi nila ay literal na hugis puso. I could see Zafirah smirking because she find it funny. Kahit naman ako ay natatawa sa gawa nila.

"Mula ito sa aming puso, Ma'am." Pahayag ni Gio at nilagay pa ang palad sa kan'yang dibdib.

Walang araw na hindi kami napatawa ni Gio. Kulang ang ABM 1 kapag wala ang presensya n'ya. Madalas din siyang mahila upang i-sali sa mga kung anu-anong organization at clubs. I knew I wanted to avoid him because he's the brightest star while I'm the gloomy sky. We won't just fit together.

"Jeremy, anong favorite food mo?" tanong ko nang makasabay ko siya sa canteen. Hindi ko mahagilap si Philomena pero hindi na ako nagtataka. She's a bit aloof and shy. Kaya naman baka may sarili na naman siyang mundo.

"I like french fries," Jeremy smiled. Hawak-hawak niya ngayon ang in-order n'yang rice meal. Nakasunod lang ako sa kan'ya kahit ang bibilhin ko lang naman ay tubig.

"Pwede naman sumabay kumain sa iyo 'di ba?"

"Sure, wala namang problema roon." Tumango siya at mahina naman akong nagdiwang dahil sa pagpayag n'ya.

"Pau!"

Napalingon ako sa tumawag sa akin. It was Amber and Brittany, nakahalukipkip silang dalawa at mukhang hindi natutuwa. Bakas ang iritasyon sa kanilang mga mukha. Agad naman akong napalunok.

Ano na naman ba ang ginawa ko?

"Pau, hindi ka ba sasabay sa amin?"

"Huh? Pero nagsabi ako ah?" I recalled. Naalala ko na binanggit ko na hindi muna ako sasabay sa kanila. It is not as if my presence is needed! Halos silang dalawa lang naman parati ang magkausap.