Embrace Your Assets | ✓

Kabanata 23

Kabanata 23

The thing about insecurities is you don't know where they came from. You don't know how they manifested into an entity that slowly consumes you as your flaws become more evident to the eyes of others.

Nagpakawala ako ng isang malalim na buntonghininga. Pinanood ang mga kaklase ko na maunang pumasok sa classroom. Pasukan na naman namin, we're already in grade twelve. For some reason, time really goes fast when things are enjoyable. Mabilis ang paglipas ng bakasyon.

Umupo na ako sa upuan malapit kina Melay at Bea. I officially detached myself from Amber and Brittany. Hindi rin naman na nila ako ginugulo. Hindi ko alam kung malulungkot ba ako o hindi dahil mukhang kinalimutan na rin talaga nila ako nang tuluyan.

My sight wandered around the room, halos lahat ay nagkaroon ng glow up. Ang iba ay bagong gupit, may pumuti, may tumangkad at ang iba ay halatang blooming lalo na si Zafirah. Samantalang ako. . .

I'm insecure but I never project my insecurities to another person. Kadalasan, hindi naman nila kasalanan kung bakit may mga naiinggit sa kanila — maliban na lang kung sila mismo ang gumagawa ng dahilan para mang-inggit.

Isa sa mga labis kong iniisip ay bakit ba ako nagkaroon ng insecurities? Saan siya nagmula? Hindi ko lubusang maisip kung ano'ng dahilan para magkaroon ako ng kakainggitan.

My daydream got cut off when Bea was called by our prof. Agad akong nagpanggap na nakikinig baka kasi tawagin din ako.

"We had principles of marketing during our grade eleven po," sagot ni Bea nang i-tanong sa kan'ya kung alin ang mga subjects na nakuha na namin no'ng nasa grade eleven pa kami.

I shifted my weight. Ilang beses pa akong luminga-linga dahil takot akong matawag para sa isang recap ng mga pinag-aralan namin noon. Nagpanggap pa nga akong may naiintidihan gamit ng pagtango tuwing may sumasagot.

I gulped in disbelief. Galing ako sa bakasyon! Mukha ba akong nag-re-review sa bakasyon?!

"What did you learn in principles of marketing?" Sir Cuenca asked, lifting a brow. Nakahilig pa siya sa kan'yang desk.

He's intimidating, alright. Hindi naman siya mukhang masungit pero nasa kilos at galaw n'ya na nagbibigay siya ng mababang marka. It's in his presence.

"SWOT Analysis po," maikling sagot ni Bea. She's not even blinking but I could feel her tension. Tuwid na tuwid ang tayo n'ya.

"How did you apply SWOT analysis in terms of marketing?" patuloy ni Sir Cuenca.

Hindi agad nakasagot si Bea. May ibang sumagot galing sa mga kaklase ko. Halata sa amin ang pagiging bihasa dahil katatapos lang ng review rin namin sa Fundamentals of Accountancy, Business, Management or FABM as we call it.

"Class, actually what everyone said is true. Principles of Marketing is one of your specialized subjects and I was asking about it because I want to know," Sir Cuenca paused before grinning. "Do you apply what you learn?"

Hindi kami nakasagot. Sir Cuenca took that as a cue to start speaking again.

"SWOT analysis, different marketing strategics and such. Lahat naman 'yan ay pinag-aralan n'yo naman talaga. Pero nakikita n'yo ba ito sa araw-araw n'yong pamumuhay? If yes, then how? How do you apply marketing in your daily lives?"

Although some answered the question, Sir Cuenca wasn't satisfied. Kitang-kita na hindi n'ya mahanap 'yong sagot na gusto n'ya.

"Sir? Can I try?" Nagtaas si Gio ng kamay at agad na tumayo nang pinahintulutan siyang sumagot.

"I think an example that we can use is whitening products. Marketing is clearly seen when it comes to product that involves beauty."

"How so? At paano naman na-apply ang buhay ng isang tao sa marketing na gan'yan?" Sir Cuenca probed.