Embrace Your Assets | ✓

Kabanata 16

Kabanata 16

Ilang beses ko pang binalikan ang twitter account na 'yon. I refreshed the page just to make sure it wasn't fake. Napakagat pa ako sa ibabang labi ko dahil kinakabahan ako baka isa pala itong troll account.

Sa kalooban ko ay may hula na agad ako. Isa lang naman ang taong nakaalam na may stan account ako at si Gio 'yon. Even my closest friend, Philomena Gracia, doesn't know about it. Ang alam lang n'ya ay kpop fan ako pero wala siyang alam sa mga stan accounts.

I decided to send a direct message to that account, indirectly asking if he was Gio or is this a prank pulled by trolls. Natatakot ako na baka may nakatunton ng account ko kaya pinagtitripan ako.

ILYSM @allforpaulene
Noticed by Pauletta Jayne Angeles 🥺💓

I groaned in frustration. Tinadtad ko ng messages 'yong account para malaman kung sino ba talaga siya.

@allforpaulene: Secret po sana pero first letter ko po ay G tapos ang huling letter ay O. 🥺💕

@rippedseokjins: GIO! Bakit may stan account ka? Tapos ako pa talaga ang napagtripan mo?

@allforpaulene: Akala ko ba kapag mahal mo, ginagawan mo ng stan account?

Natigilan ako, my fingers stopped moving mid air as I kept on reading that reply repeatedly. Pinapakiramdaman ang naghuhumerantadong dibdib.

@allforpaulene: Kaya ginawan kita, Paulene. I stan you. 💓

@allforpaulene: I stan you, Paulene! I stan you.

I thought he was just kidding. Baka magsawa rin siya sa stan account n'ya dahil ano naman ang ganap sa akin 'di ba? I was an average school girl. Ano naman ang magiging content ng kan'yang account kung wala naman ako sa industriya talaga ng kpop o kung ano man. Hindi nga ako artista! Mas mukha pa ngang artista si Gio sa akin!

"Alam mo ba? Kung hindi ko lang naging kaklase si Gio ay baka naging crush ko siya." ani Melay nang magkaroon kami ng PE sa field. We're currently having outdoor activities. Tinitingnan kung ilang bola ang kaya naming i-shoot sa ring.

Napanguso naman ako. Alam ko naman na baka nga isa lang o wala pa ang ma-shoot ko sa ring. Maliit lang ako kumpara sa mga kaklase ko. Pangalawa 'yata ako sa pinakamaliit aa buong klase. It isn't helping that the smallest member of our class is also the youngest.

"Gwapo naman si Gio. . ." I admitted without hesitation.

The first time I saw Gio, I remember trying to vividly remember his features. Siya 'yong tipo ng gwapo na ayaw mong makalimutan 'yong mukha. His eyes were vibrant, the way his lips curved for a smile makes you feel butterflies, his perfect shaped jaw and his high bridge nose is just a bonus if you're going to examine him thoroughly.

"Crush mo?"

"Hindi 'no!" mariin kong tanggi. Melay only laughed.

"Bakit? Gwapo, sabi mo?"

"Blockcest," pagrarason ko.

Pinanood namin ang mga kalalakihan ng aming seksyon na makipaglaro sa ibang seksyon. Sa ibang strand 'yata dahil may nakita akong pamilyar na mukha. It was the boy that's always following Philo like a puppy. Mukhang naman siyang mabait. The one who looked dashing but playful. Gwapo ito dahil napapansin ko na siya rin ang tinitingnan ng mga kaklase ko. He's probably popular.

Kausap n'ya ngayon si Gio at nagtatawanan sila. Both of them looked comfortable with each other. Napansin 'yata ni Gio na nakatingin ako sa dako nila at agad na kumunot ang noo n'ya. Bahagya akong nagulat nang takpan n'ya ang mukha ng kausap n'ya.