Bad Gyal Poochie

Chapter 13: The Accusation

Me? I could not contain myself I was too excited so here you go guys, two chapters in one day. Remember to comment plz plz comment and vote. Don't forget to vote share this story with a fellow Jamaican reader and subscribe to my youtube channel. The link is in my bio. 

________________________________________________________________________________Di whole night to mawnin Jada voice dis a ring ina me head. 

"Why you go a police station?"

"Why you go a police station? 

"Why you go a police station?"

"Me an you a bestfriend enuh."

Di more mi repeat di way Jada accuse me like she believe it, di more me feel like di bed a spin. Wen mi get up a afta 4'o clock. Mi drink some wata an lay down back but no sleep no come a mi yeye. A cya wait till day light out mek mi get fi find out dis. 

"Poochie." The voice sound like a faint whisper

"Poochie." The voice sound louder now.

"Alissa Poochie-loo Bryan!" Mark scream and mi feel someting wet tickle in a mi left ear den me fly up. 

"Mummy! Talk to you big head bwoy pickney no, yack." Mi use me cover sheet an wipe out in a mi ears. "A wah dat?" 

Mark hide someting back a him and run out a di room. By me finish ready fi go a work mi cya even believe me ago be so early. Mi almost always late any weh mi a go. Mi slop up di likkle breakfast an grab mi bag. 

"A so mi a hear miss mi no know if a true," Faas Mavis stan up a di fence a talk to mummy. "See har ya to." She point pon mi an mum turn roun.

"Mi neva know you could a up and ready so early a wah time?" Mummy ask and a look pan har phone. "No man Poochie come here." Mummy drag mi an staat feel mi neck an me forehead. 

"A wah mum?" Mi laugh and step back.

"You up and ready an a 7:40am now. How you so early today?" She shake har head.

"Mi no know." Mi fix mi belt an kinda bag up mi likkle white Polo Shirt so it cover di belt. 

"Poochie yuh hear say police come tek Ryan from roun a him yaad yesterday in a di dust dung?" Mummy ask and Mavis look like she a brace herself fi hear a lie or someting.

"No mum me neva know a ting bout dat. A weh dem tek him gawn fa?" Me affi hear if anybody else a say weh Jada did a accuse me of.

"Poochie me a yuh mother an yuh know me will defend you fi the truth. So me want you look pan mi real good and answer dis question." She ease up off a di fence an look pan mi wid a death stare. "A you go report Ryan seh him a beat Jada?" 

See it deh. See it deh now. Rumor spread off pan mi name fast like Ajax bleach ina dutty wata. 

"A who tell you dat? You know seh Jada call mi late last night a cry say mi go a station go report Ryan seh him a abuse har. Due to how me not even believe say mi own a bestfriend would a just believe so an no ask mi no question mi not even call har back."

Mavis lean up off a di post an look weh den she say, "Well darlin the whole community ave it a say a you report him cause all him muma and pupa up a foreign deh a gwan bad mi hear. Dem no please. Me a go ova yaad yah so." 

"Poochie me no want you tell  me no lie." Mummy step to me an hold mi jaw dem.

"Mum mi nah tell no lie. Yes mi know him rough har up sometime but me never see not a ting weh so serious dats me fi go call police." she take a good look pan me den she let go and go ina the house.