Bad Gyal Poochie

Chapter 24: Troubled Waters

We are at 2k peeps lets pipe it up to 3k. Keep sharing, voting and commenting guys. Don't keep this story to yourself, tell a friend to tell a few more friends. Shoutout to all of you who comment Ty so much. Don't forget to subscribe to my Youtube, the link is in my bio. Thanks to those of you who have already subscribed. 

__________________________________________________________________

As mi step out a di boutique mi bump ina dis guy an cause all a him drinks fi dash weh. 

"Oh my gosh, I'm so sorry mi neva see you." Mi rush fi tek up di KFC cup an as mi look up a dis extra nice guy. 

"It's alright. I told them I didn't want the drink anyways." Him smile afta mi wid di brightest pearly whites eva. "Next time I'll know not to rush." Him smile turn into a grin an mi just stutter out a awkward laugh cause dang him fine. 

"Yea Alright." Mi hand di cup to him an we walk in opposite directions. 

Mi spin round fi look pan him an catch him a look pan mi. We just laugh an continue bout we business. Wat a bwoy nice man. Him just clean so ina di white plain shirt wid a black jeans an him suede Clarks. Him light skin to it look like him a bleach but it fit him wid di waves. No man dat deh yute put a shame to Michael although him no ugly in the least. Mi go ova KFC go buy a Zinger combo an a stroll fi go back a di boutique. 

"Aye!" Mi feel di extra cold sprite dash weh pan mi chest an run down mi belly cause mi neva bathe dis mawnin. "Seriously?" 

Mi look up an a di same guy. Him tek up di cup an stretch it to mi. "My bad." 

"A payback dis because mi accidentally dash weh yours?" Mi try fi squeeze out di juice an him  gimmie him kerchief fi help dry mi blouse. 

"No. Let me get it back for you. I have to buy something else at KFC I could get back your drink." Mi lead di way because mi no ave two cent more fi buy a drink an mi nah choke dung di burger. 

"That wasn't on purpose, it's just coincidence," Him smile an mi affi act like two piece a ice nah cramp out mi front cause dem drop in there. Mi shake mi pants fi dem drop out an him staat laugh. 

"Wat?" Mi smile.

"How long were they in there?" Him a smirk.

"You don't worry bout dat just mek mi get mi juice."

After him get back mi juice we end up sit dung eat an chat. Him say him name Dontae an him own a small store weh deh pan di third floor a di town mall. Him also do car rentals to, not bad for a 23 year old right? Di guy full a inspirational chat an it just surprise mi. You know how some man would a just flirt up wid you andspit pure lyrics, dis a yute just come in like di type a motivational friend mi neva know mi did need. Mi tell him likkle bit bout mi self but mi neva really want him view mi as a brat to how mi gwan more time. We chat some more an at one point mi accidentally joke seh mi kinda no ave no ambition ina some ways. A mean sometimes a just so mi feel. Like mi know mi need fi do better but mi just can't find di push. Him tek a long look pan mi dat mi all get nervous an dat a no my ting cause mi brave bad.

"Why you say that?"

"Mi no know. A guess a just weh people tell mi so mi kinda just believe it sometimes," mi shrug.

"Well they are liars. Take that from someone who never used to care about life because I had everything handed out to me. I used to always think because my father own a car mart and give me whatever I wouldn't have to fend for myself." Him laugh and spin ina di chair. "Life shot me a box and after that I've never been more alert."