Bad Gyal Poochie

Epilogue: Towards the Future

Here's to the final Chapter of Bad Gyal Poochie guys. I'm so thankful to all of you who have supported me throughout this book. Thanks so much for all your encouraging words I am humbled by all your great and honest feedback in the comment section and in my DMs. I started this book out of boredom on June 14, 2019 it wasn't a thought of a carefully planned plot or because of some big inspiration from the beginning. It was the single thought of how kool it would be to write a Jamaican based story written entirely in our native language. I had no idea it would turn out so well. I learnt so much writing this story and I know it's not your typical English based Wattpad story, but I hope that this book has in some way brought out the fact that Patois/Patwa is a language that can be used to develop great stories and not only for speaking but in writing also, not just texting lol. I wrote the last paragraph of this chapter all teared up while listening to the song. You guys are awesome and I look forward to writing more stories on Wattpad and receiving your continued support. Thanks again loves :))))

_______________________________________________________________________________

"How she look so no man?" One person say.

"Look like she bun out how she look so black?" A next person seh.

"Mi no know weh Tara sen har go, but it look like she did a starve look how she mawga."

"A so pickney weh seh dem a go a college an cya cook look wen dem come back." 

"Mi like har dress man a must foreign she get it from."

"Poochie just a come back? A must breed she did a breed mek dem send har weh. Bout college dat deh bay gyal deh?" 

"She no look too bad man."  

"Quiet dung now man cause har mouth still fierce. No church unu come?" A lady seh.

Mi tek mi likkle time an hold on tight pan mi silver purse as mi clench mi teeth fi no ansa di people dem weh a chat ever so loud as if mi deaf. As mi slide go ina di church bench mi brush aside mi dress so dats Mark, Daddy an Mummy can come sit dung beside mi. Mi feel like di whole congregation decide fi tun roun an look pan we but but most a dem a stare pan mi. Mi smile afta Mavis an she point up har mouth an spin back roun. Sista Patt walk by we an come greet everybody den she hand mi a Redemption Song Book.

"We will now sing Hymn number one from di redemption song book." Pastor seh an di whole congregation stand up.

All hail the power of Jesus name

Let angels Prostrate fall

Bring forth the royal diadem

And crown Him

Crown him

Crown hiiiim

Crown

Lord, of, all.

Di whole time church a gwan a bag a tings a chat an mi sure a no weh Pastor a talk bout mek dem a judge everybody so. Although a so dem gwan from long time, but at least dem neva used to mek it so obvious. Now nobody nah hide, if dem a chat you dem look right ina yuh yeye an pinch somebody before dem staat chat. 

Two year an two months pass since mi lef an go spend time wid Aunty Dawn an a swear it feel like mi just lef a few days ago because people just keep on a talk over di course of di three days since mi come back. All who neva ave noting fi say suddenly find a reason fi critique how mi carry mi self now an seh mi gwany gwany. Mi affi dark up couple people fi mek dem know seh mi still straight forward. Aunty Dawn a di best though, she help mi find work ova dat time an it help mi fi meet a whole lot a people. Everybody did so influential dat mi feel di need fi change how rebellious mi used to react bout everyting weh mi no like or want fi go my way. Although dem a mi co-workers mi never yet feel like it, every body ave such a fantastic relationship. Living wid Aunty Dawn fi a year did mek mi just feel light an comfortable, is like you never feel stress because somebody continuously a feed you wid negativity or yuh affi be included ina noting but drama. Di environment weh she live ina is so graceful an she live so good wid all a di neighbors except di lady wid di two Pitbull weh nearly bite mi up. Di first day mi walk in she lay out di rules a di house which were pretty simple. Dem neva too overbearing to me because mi tink mi could a break every last one a dem wid out she find out. Bwoy was I wrong bout dat. She ketch mi everytime mi do someting mi no fi do.