Bad Gyal Poochie

Chapter 17: The Truth

Hey hey hey! I checked my YT channel and I've seen a few subscribes thanks so much. Share share and share this book with fellow Jamaican readers guys. The more readers the merrier. 

________________________________________________________________________________"No drag har so Poochie no!" 

"Ahhh!"

"Stop it stop!"

"Yes beat har she too bright!" 

"Kick dung di gyal!"

"NOOO! Poochie yah go kill har."

"Security!"

"Somebody call nurse quick!"

 Mi sit down ina di Dean of Discipline office an di sound of wah happen 30 minutes ago just a replay ina mi head every minute. Taty an har likkle clan did a try gang mi up today afta dem realize seh mi clique nah too too talk up to mi. Is like dem think to say mi did ago be dis likkle weak link cause nobody no deh there fi help mi fight again. Four pan one an mi still damage three especially Taty. Mi honestly come school today wid good intentions but watch deh, one push staat all a dis. 

"Miss, I don't know what is happening with your daughter. This is the second major fight we've had to call security because as I heard, she was hell bent on killing somebody." The Dean say to mummy an is like she fed up now. 

"Miss I don't know what to tell you or do anymore. We sit her down and talk to Poochie but noting no work. Lick no work, talking no work, miss mi no know." Mum fling har han dem up ina di air. 

"As I've heard she's very easily angered and this is not good. Alissia needs anger management counseling. I don't know where you're going to get that for her but it's not here. Our guidance counselors have had so many sessions with her but nothing works." Dean fold har hand an look pan mi. "She's know as the 'bitter one' here."

"Di bitter one?" Mi ask har an mum pinch mi.

"Yes Alissia, everyone in school thinks that you are bitter, but you and I both know that's not who you are. You can't subdue to the urge to fight everytime someone does something you don't like. You don't have to prove anything to anyone." 

"Miss but if people keep on a test mi miss mi must let them beat mi?" Is like nobody no understand enuh. Mi come today wid a peace of mind like the past couple weeks. Me an Abby par these days because now mi really a get fi know seh who mi think was mi friend really was mi foe. It come in like because mi cool down dem think mi no stay bad an wild again. 

"No, what you should do is to report to the right persons with authority..." Mi just sigh and stare outta a space when DOD a talk. Nobody no know a weh mi go true di past six weeks. Nobody no care bout my well being, dem only care wen somebody try fi mek a fool outta mi an mi react the worst way. 

"Lawd God Poochie. Mi cya manage you again. Ten days suspension? Weh mi fi tell yuh fada now?" Mum just get up an walk out lef mi. 

As mi a walk out a di school pickney a jump an video like dem a big mi up but it don't give di same thrill like it used to. Is like mi a just dem likkle midday entertainer an den mi affi leave as di party ova. Only dis here party a mess wid mi future because if mi fight again, mi a get kick out a school. 

________________________

Two months pass an I think is best fi say my life boring. Mi staat go sleep out wid Michael more now cause wat can I say, all wen we cuss an gwan a him can sexually relieve mi stress an frustration. Mum come in like she give up pan mi cause she affi a pay di medical bill fi Taty afta mi di tek a iron pan fling an dig out har hand. It neva big or noting but it did look like it did hot. Everybody come in like dem lose faith ina mi an mi feel a way.  A swear mi neva mean fi tings get out a control so.