Bad Gyal Poochie

Chapter 29: The 'Congratulations'

Hey hey heyyyyy it's triple chapter Sunday. I'm updating three chapters tonight as promised. Thanks so much for your support guys I can't say it enough I am super super grateful for each and every one of you. Without you guys my book would not be able to reach this far and we are closing fast on the 3k meter mark. So have fun reading and do the do as per usual by helping me promote this Jamaican story.

1/3

_______________________________________________________________________________

Mi run fi di next ten minutes an drop dung mi self pan di wall cross from mi yaad. Mi see a woman an two girl a cuss mi fada an mi affi wonder a wah a gwan. Mi cramble cross di road an di woman dem a cuss an gwan di most same way. 

"A dead yuh fi dead." Di one weh look like di mada seh. 

"My bredda nah breed a soul. Mi no know a you an who a smoke coke? But yuh wrenk." Di next female seh ina di red shorts. 

"Yuh nah go get weh wid dis yah." Di next girl seh ina dis black shorts wid har belly skin. 

Mi run up di step dem an same time daddy jump off an go round a di back a di yaad. A wah gwan? Mi see him come back roun wid a bucket a wata an dash afta dem. It no ketch none but dem behave di most. 

"Unu a upholder go s*ck unu self an move from yah. Yuh dutty germs. Yuh son a breed people gyal pickney an wol it ova mi head cause him did ave proof mi a cheat. Mi nah worry bout dat no more cause mi good wife figive mi so mi a chat di truth." 

"Dean a you a di real culprit Kelly only talk so fi di recording cause yuh likkle nyam belly daughter nearly kill har baby." Di mada point pan mi. "We soon come back man wait." 

Mi see di three a dem tap a taxi an go in. Mi look pan daddy an him go outta di gate an sprinkle wata weh dem did deh. 

"Wash weh di dutty crosses dem." 

"Daddy a wah gwan?" Mi ask him.

"Yuh know how long mi wah talk? Mi a no informa but dem people yah a scandal mi name man. Dem a chat all sort a sh*t an mi couldn't seh noting cause mi neva want dat bwoy use di video hurt Tara." Daddy go back roun a di house side fi come back. 

Video? Wah kinda video fi mi ole pupa could a really a talk bout? Although him no dat ole but still. A hope a no some sext tape. But den again, a which a people dem deh come a chat? A must Michael people dem enuh, but fi him parents deh a foreign man. A who dem could a really a talk bout? 

"Poochie grab mi cutlass deh." Daddy come roun an come up pan di step. 

"Here." Mi gi him an him lean it against di gate. 

"Dem baxide going see someting if dem come back yah." 

"A who dem deh?" Mi ease mi foot outta di shoes weh a kill mi toe dem. 

"No James muma an him sista dem come a chat." 

Mi casually glance up an ask him James who an daddy laugh. 

"Yuh muss affi ask James who. Yuh likkle friend Ashley James mi a talk. Di taxi yute wid di Probox." Daddy grab di cutlass an wheel it round. "Him a di fada fi Kelly pickney but dem woman deh nah go seh a word till di baby born fi prove it. Mi nah laugh up wid no likkle gyal again not even joke." 

"Yuh serious?" Mi ask him. 

Daddy just gimmie a look like mi nave no sense den him grab a bucket an go out di road. Well wow dat was unexpected, mi learn my place wid fassin an tellin people tings weh dem no wah hear so mi a sit dis one out. Ashley goin have fi hear from somebody else if she no hear already. Mi go inside di house an bathe den garb a big plate a food. Mi go ina mi room an go work an study because exams deh really close. Long afta mummy come an she carry a guest to.