Solo this is a Tuesday update. Sorry about the long waiting though. Had to edit this. Enjoy.
______________________________________________
Cock a doodle dooo
Cock a doodle dooo
"Ssss aye mek dah fowl deh no shut up man?" A tek a spin ina mi bed n realize seh mi still ina di clothes from last night.
Mi head come in like smaddy a beat mi left right an center no sah mi affi lay dung back. Mi reach over to di night table an tek up mi likkle phone weh a vibrate.
"Hello," mi voice sound like mi swallow dry pill.
"How yuh sound so?" Lawd God mummy.
"Ntn mi jus wake."
"Oh. Jus a mek yuh know seh mi deh a square a come dung put on some tea yer?" Mi baxide.
"Yeah Alrite." A di fastest mi hang up di phone an run go ina bathroom. Wen mi realize mi almost bruck up from di way mi slide, mi affi sidung ina di liquor weh dash weh.
Mi grab di mop, wipe it up fast n dash some sweet sweet pan di grung an staat mop like mi mad. Five minutes till mommy reach dung yah enuh.
"Aye mi head ssss." Mi slide go ina kitchen an tek two Advil. "God do mek dem kick in a now mi head a kill mi."
A rush go open di back door fi di place breeze out likkle. Di sheet pan di bed lean afta mi done spread it but mi no care right nung. One leap mi tek go ina di shower an drag off mi clothes, an fling di wig pan di toilet top. Bey batty mi run back out n go dash di clothes ina di washing machine, she naw use it till Thursday so she won fine dem. Di wata cold like ice rain to raaas.
"Wooooooie God good good God God good go-good good good." Faas Mavis must hear mi an a pop off har neck a look ova yah nung. By time mi done ina two minute mi sure mi not even wash mi self good. A grab di wig, dry off an start lotion fast.
"Mawnin Mavis wah gwan?" Mi Jesus no mummy dat? Mi affi grab wah long shirt outta mi draw n put on.
"Weh yah do?" Mi spin round an see mi likkle bredda. Frigga faas. "Hide you man?"
"Tap e noise an tap chat foolishness." Mark start gimmie stink face an walk go roun a him room.
"Yuh just wake an in yah smell like yuh did a clean?" Mummy put dung di red mickey mouse cloth strap ova night bag an go ina kitchen.
"Jason come ova yah yet?" Mummy start tek out cornmeal an same time mi groan like Bredda Bandy Ole Jackass wen him cyah manage di load.
"No. Mummy no mek no porridge do. Mi gut a bawl out fi propa substance." Mi see she gimmie a yeye mi dis shut up.
"Yuh si lacka how yuh pupa no gimmie dalla yuh try galang roun deh so an no staat mi up pan dah blessed Sunday mawnin yah."
Mi mek a loud yaawn a wouldn't mind mi mouth neva brush yet so mi mawnin bret coulda spoil di cornmeal. Every damn day friggin porridge like mi a lack substance. Cho.
"Bout yuh no want porridge. Yuh know wah mek a shut up cause mi soon gone a church." Mi hear mummy kiss har teeth.
_____________
-------------------
You don't have to worry and don't you be afraid
joy comes in the morning, troubles they don't last always
for there's a friend in Jesus, who will wipe your tears away
and if your heart is broken, just lift your hands and say:
"i know that i can make it
YOU ARE READING
Bad Gyal Poochie
Teen FictionWRITTEN IN JAMAICAN PATIOS/PATWAH "Yow yow mic check 1..2..3...yes di mic good enough cuz mi want unu hear dis loud an clear. Dis yah story affi go be a well draff up package bout I bad gyal Poochie. My lifestyle no normal an no bady cyah tep ina my...
