High Energy QR Code [ Myanmar translation ]

Chapter 1 _ QR code

                         Volume 1

           'မှော်ဝင်မှန်ရေ.. ငါ့ကိုကြည့်ပါ'

(Unicode)

တိတ်ဆိတ်ငြိမ်သက်သော ဆောင်းဦးရာသီ ညတစ်ည၏ စျာပနခန်းမဆောင် တစ်ခုထဲတွင် ရှင်ယဲ့တစ်ယောက် ထွင်းဖောက်မြင်နိုင်သည့် ခေါင်းတလားတစ်ခုဘေး၌ ရပ်လျက်ရှိနေသည်။ သူ၏ လက်ချောင်းများက ထိုအခေါင်း၏ အစွန်း‌ပေါ်တွင် မြဲမြံစွာရှိနေ၏။ ညာဘက်လက်တစ်ခုလုံးမှာလည်း အအေးဒဏ်ကြောင့် တောင့်ခဲကာ ဘာခံစားမှုမှ ရှိမနေချေ။

သူ အခေါင်းထဲတွင် လှဲနေသော လူ၏ မျက်နှာကို စိုက်ကြည့်နေခဲ့သည်။ ထိုသူ၏ မျက်နှာသွင်ပြင်မှာ ရှင်ယဲ့နှင့် ငါးဆယ်ရာခိုင်နှုန်းလောက် ဆင်တူသည်။ သို့သော် အမြဲတမ်း အေးစက်စက်နိုင်သည့် ရှင်ယဲ့၏ မျက်နှာအမူအရာထက်တော့ ပိုပြီးနွေးထွေးလေသည်။

အကျင့်စရိုက်က မျက်နှာမှာပေါ်တယ် ဆိုတဲ့အတိုင်း ရှင်ရှော့က သူ၏ ရုပ်အသွင်အပြင်နဲ့လိုက်ဖက်အောင် နူးညံ့သိမ်မွေ့ကာ၊ စိတ်ကောင်းရှိပြီး၊ သည်းခံတတ်သော လူတစ်ယောက်ဖြစ်သည်။

သူက ရှင်ယဲ့၏ ညီလေးဖြစ်သည်။ ရှင်ယဲ့ထက် ငါးနှစ်ငယ်ကာ ဒီနှစ်မှ နှစ်ဆယ့်လေးနှစ်သာ ရှိသေးတာဖြစ်၏။ ယခုအချိန်မှာတော့ အေးအေးစက်စက် အခေါင်းအတွင်း၌သာ လှဲလျောင်းနေရလေသည်။ လူသူကင်းမဲ့တဲ့ စျာပနခန်းမကြီးထဲ ရပ်ရင်း စောင့်ကြည့်နေခဲ့သူမှာ ရှင်ယဲ့တစ်ယောက်သာဖြစ်သည်။

လွန်ခဲ့တဲ့ ကိုးနှစ်၊ သူတို့မိဘတွေ အက်စီးဒန့်ကြောင့် ဆုံးပါးသွားကတည်းက ရှင်‌ေရှာ့နဲ့ ရှင်ယဲ့တို့ တစ်ယောက်ကို တစ်ယောက် မှီခိုရင်း ရှင်သန်ခဲ့ကြသည်။ တစ်ယောက်ဟာ တစ်ယောက်ရဲ့ တစ်ဦးတည်းသော မိသားစုဝင်သာ ဖြစ်ခဲ့ကြသည်။

ဒါပေမဲ့ အခုတော့၊ ရှင်ရှော့ ကပါ သူ့ကို ထားသွားခဲ့လေသည်။

ရှင်‌ရှော့ ဆုံးပြီဆိုတဲ့ သတင်းကို ကြားတုန်းက၊ ရှင်ယဲ့ နိုင်ငံခြားကို အလုပ်ကိစ္စဖြင့် ‌ရောက်နေခဲ့သည်။ သူ့ရဲ့ ငယ်ရွယ်ကျန်းမာတဲ့ ညီလေးက အခုလို သေဆုံးသွားသည်ဆိုတာကို ဘယ်လိုမှ မယုံကြည်နိုင်ခဲ့ပေ။