High Energy QR Code [ Myanmar translation ]

Chapter 20 _ အဆောင်

(Unicode)

မှန်၏ အတွေ့အကြုံများမှာ ဘာမှ အားကိုးလို့ရမနေချေ။ ထို့အပြင် ဖုန်းသုံးနေသည့် သုံးယောက်မှာလည်း ကစားသူများဟုတ်မဟုတ် သေချာအတည်ပြုလို့ မရနိုင်သေးပေ။ mission ပြီးမြောက်အောင် လုပ်ဖို့ရာအတွက်၊ ထိုအံဖွယ်ဒဏ္ဍာရီများဖြင့် စတင်ရမည့်ပုံပေါ်နေသည်။

တခြားကစားသူများကိုလည်း လိုက်ရှာရဦးမယ်၊ အနည်းဆုံး mission itemတစ်ခုကိုလည်း ရှာတွေ့အောင် လုပ်ရမယ့်အချိန်မှာ သရုပ်မှန်ကို ဘယ်လိုဖုံးကွယ်ထားရမှာလဲ?

ရှင်ယဲ့ မှန်ကို ရင်ဘတ်အိတ်ကပ်ထဲသို့ ပြန်ထည့်လိုက်ပြီး ဖတ်စာအုပ်ကို ခေါင်းပေါ်သို့ တင်ထားလိုက်သည်။ ထို့နောက် ကလေကချေကျောင်းသားပုံစံမျိုးပေါက်အောင် နံရံကို မှီကာ ပျင်းရိစွာဖြင့် ရပ်နေလိုက်၏။

ရှင်ယဲ့နှင့် ရှင်ရှော့တို့ ညီအစ်ကိုနှစ်ယောက်စလုံးက စာတော်သည့် ကျောင်းသားများဖြစ်ကြကာ၊ ကျောင်းတုန်းကလည်း ဆရာများ၏ အချစ်တော်လေးများဖြစ်ခဲ့ကြသည်။ ရှင်ယဲ့မှာ အထက်တန်းကျောင်းတွင် အပြစ်ပေးခံရသည့် အဖြစ်မျိုး တစ်ခါမှ မကြုံခဲ့ရဖူးပေ။ သို့သော်လည်း တက္ကသိုလ်မှာတော့… ကိစ္စတွေအများကြီးဖြစ်ပွားခဲ့ပြီး၊ ကျောင်းထွက်ရဖို့ ဖြစ်လာသည့်အချိန်တွင်  ရှင်ယဲ့ ကျောင်းသားဆိုးတစ်ယောက်ဖြစ်ရတာ ဘယ်ခံစားချက်မျိုးလဲဆိုတာကို နားလည်ခဲ့ရသည်။

ဂရုစိုက်သော်လည်း ဂရုမစိုက်ဟန်ဆောင်ခဲ့သည်။၊ ပိုပြီး ဝမ်းနည်းလေလေ ခံစားချက်မဲ့စွာ ရယ်မောလေလေဖြစ်ခဲ့သည်။ အခြားသူများက သူ့ကို ကျောင်းသားဆိုးတစ်ယောက်လို့ မမြင်ခင်မှာ၊ သူ့ကိုယ်သူ အရင်ဆုံး ကယ်တင်လို့ မရနိုင်တော့တဲ့ လူတစ်ယောက်လို ခံစားခဲ့ရသည်။

ထိုနည်းဖြင့် သူဟာ အရိုးထဲကနေ အသားအထိ ပုပ်သိုးနေတဲ့၊ ကုစားလို့ မရနိုင်တော့တဲ့ ကျောင်းသားဆိုးတစ်ယောက် ဖြစ်လာခဲ့သည်ပင်။

သရုပ်မှန်ကို ဖုံးကွယ်ဖို့ဆိုလျှင် အကောင်းဆုံးနည်းလမ်းကတော့ လူအုပ်ကြားထဲမှာ ကွယ်ဝှက်နေခြင်းပင်ဖြစ်သည်။ ထို့အပြင် ကစားသူသရုပ်မှန်ကို ဖော်ထုတ်ခံရနိုင်သည့် အဆိုးဆုံးအခြေအနေအတွက်လည်း ပြင်ဆင်ထားသင့်သည်....