High Energy QR Code [ Myanmar translation ]

Chapter 77 _ ရုပ်သေးမြို့တော်အတွက် ကောင်းခ‌ျီးဩဘာ (Part 2)

(Unicode)

မှန်က တခစ်ခစ်ရယ်လိုက်လေသည်: "ကျွန်တော်က ကံကောင်းလို့ ဖြစ်မယ်ထင်တယ်။ ကျွန်တော့်ကို ဒီလိုကိုယ်ထည်မျိုးလုပ်ပေးတဲ့အတွက် ဆရာကြီးကို အရမ်းကျေးဇူးတင်တယ်။ ကျွန်တော့်မှာ လက်တွေခြေထောက်တွေ ရှိသွားတော့ အဖွဲ့သားတွေအတွက် နည်းနည်းပဲဖြစ်ဖြစ် ကူညီပေးလို့ရသွားတာပေါ့"

"နည်းနည်းလောက်ပဲ မဟုတ်ပါဘူး" ဘေးတွင်ရှိသော ရှင်ယဲ့က အချိန်ကိုက်ဆိုလိုက်လေ၏။ "မင်းသာမရှိရင် ငါတို့ အခု ရှုံးနှင့်နေပြီ"

ဗဟိုချက်ကြိုးကြောင့်တင် ရှုံးနိမ့်မည်မဟုတ်ဘဲ၊ ရန်ဒီ၏ စကားလုံးများအောက်မှာ ကျရှုံးသွားတော့မှာဖြစ်သည်။

စိတ်ပျက်လက်ပျက်ဖြစ်နေသည့် ကွမ်းလင်ကလည်း ကံကြမ္မာဆန့်ကျင်ကစားသူအားလုံးကို မုန်းသွားတော့မှာဖြစ်သလို၊ သူတို့နှင့်လည်း အဖွဲ့ဖွဲ့နိုင်တော့မည် မဟုတ်ချေ။ ချောင်ချန့်ကလည်း ငန်းသွင်သလင်းကျောက်ကို ကောက်ယူသိမ်းထားဖို့ သတ္တိရှိတော့မှာ မဟုတ်ဘဲ၊ ရှင်ယဲ့ ကိုယ်တိုင်မှာလည်း ညီဖြစ်သူ၏ အကူအညီတောင်းဆိုသည့် အချက်ပြစကားကို သတိမမူမိလိုက်သည့်အတွက် ယူကျုံံးမရစွာ စိတ်ထိခိုက်နေလောက်မှာဖြစ်သည်။

ထိုကဲ့သို့ အလဲလဲအပြိုပြိုဖြစ်နေသည့်အဖွဲ့ကို ကယ်တင်ပေးခဲ့သူမှာ လုမင်းဇယ်သာဖြစ်ပြီး၊ သူတို့ကိုလည််း ပိုမိုစည်းလုံးလာအောင် လုပ်ပေးခဲ့သေးလေသည်။

ဒါကို ဘယ်လိုလုပ်ပြီး နည်းနည်းပဲ ကူညီပေးတယ်လို့ ပြောနိုင်မှာလဲ?

MVP ကို ရွေးရလျှင်၊ မှန််သာလျှင် ဖြစ်ပေလိမ့်မည်။

[ MVP - most valuable player]

ဆရာကြီးဘန်းနဒစ်ကိုယ်တိုင် ဖန်တီးပြီး စွန့်ပစ်ခဲ့သော ကျရှုံးပစ္စည်းက သူ့ကို ထိန်းချုပ်နိုင်မည့် တစ်ခုတည်းသော နည်းလမ််းဖြစ်လာခဲ့လေသည်။

သုံးနာရီကြာပြီးနောက်၊ သုံးယောက်သားမှာ ရုပ်သေးမြို့တော်သို့ ရောက်ရှိခဲ့ကြသည်။ ထိုအချိန် ထိတ်လန့်စရာ မြင်ကွင်းတစ်ခုကို တွေ့လိုက်ရလေတော့၏။