(Unicode)ကိစ္စတွေက ဒီအခြေအနေအထိရောက်လာခဲ့သည်မှာ ကောင်းသည့်အရာဟု ပြောလို့ရသည်။ ရှင်ယဲ့ နယ်စားမင်း ဂါဆီယာက ဘုရင်မအား ဆန့်ကျင်ဖို့ကို မမျှော်လင့်ခဲ့ပေ။ ပြောရလျှင် နယ်စားမင်း ဂါဆီယာလို တည်ငြိမ်ရင့်ကျက်တဲ့ လူတစ်ယောက်က ဒီလိုမျိုး လုပ်စရာအကြောင်းမရှိပေ။
သူ၏ ပန်းတိုင်မှာ ကြိုးကိုင်ခြယ်လှယ်သူ သုံးယောက်ကို ရှင်းပစ်ပြီး၊ သူတို့ ပုံပြင်အစ၌ ဖန်တီးထားခဲ့သည့် ဇာတ်သိမ်းများကို ဖြစ်မလာနိုင်အောင် တာဆီးဖို့ပင်ဖြစ်သည်။ ဒီလောက်ဆို လုံလောက်ပြီပင်။ ဖြစ်ပျက်ခဲ့သမျှ ကိစ္စအားလုံးရဲ့ သက်ရောက်မှုအင်အားက ရဲမက်တွေ၏ ကိုယ့်စိတ်ခံစားချက်ကို ထိန်းချုပ်နိုင်စွမ်းအပေါ်မှာ မူတည်နေလေသည်။
ရှင်ယဲ့ နယ်စားမင်း ဂါဆီယာ၏ နောက်တွင် ဒူးတစ်ဖက်ထောက် ထိုင်ချလိုက်ကာ လေးနက်စွာ ဆိုလိုက်၏: "အရှင် နယ်စားမင်း၊ ကျွန်တော့်ရဲ့ ခေါင်းမာမှုကြောင့် အရှင့်ကို ဒုက္ခများစေခဲ့ပါပြီ။ အရှင့်ရဲ့ ဂရုစိုက်ပေးမှုအတွက် အထူးကျေးဇူးတင်ပါတယ်။ ဒါပေမဲ့ ရဲမက်တွေကြားတွေက ပြဿနာကို ဖြေရှင်းဖို့ဆိုရင် ဓားကို သုံးမှရပါလိမ့်မယ်"
ထိုသို့ ပြောလိုက်ပြီးနောက် အစောင့်တပ်မှူးထံသို့ ဆိုလိုက်သည်: "ကျွန်တော် ခင်ဗျားနဲ့ ဓားရေးယှဉ်မယ်။ ကျွန်တော် ရှုံးခဲ့ရင် ကျွန်တော်တို့ ရဲမက်တွေက အစောင့်ရဲမက်တွေဆီမှာ ရှာဖွေစစ်ဆေးခံလိမ့်မယ်။ အရှင် ဘုရင်မနဲ့ နယ်စားမင်းက ဒီကိစ္စနဲ့ ဘာမှ မသက်ဆိုင်ဘူး။ ကျွန်တော် နိုင်ခဲ့ရင်တော့ ခင်ဗျား ကျွန်တော်တို့ရဲမက်တွေကို ကိုယ်တိုင်ကိုယ်ကျ တောင်းပန်ရမယ်။ ပြီးတော့ အရှင် နယ်စားမင်းရဲ့ လူတွေကသာ ကျွန်တော်တို့ကို ရှာဖွေနိုင်ဖို့ ခွင့်ပြုရမယ်။ ရဲမက်တစ်ယောက်အနေနဲ့ ကျွန်တော်တို့ အရှင်သခင်ရဲ့ စစ်ဆေးမေးမြန်းမှုကိုသာ ခွင့်ပြုနိုင်မယ်"
ထို စကားလုံးများက အလွန်ပင် ပနံသင့်လှပေသည်။ စိတ်ဝင်တစား ပွဲလာကြည့်သည့် မင်းမျိုးမင်းနွယ်များကလည်း တစ်ယောက်ပြီးတစ်ယောက် ခေါင်းညိတ်ထောက်ခံကြ၏။ ၎င်းမှာ စစ်သည်ရဲမက်တစ်ယောက်တွင် ရှိသင့်ရှိထိုက်သည့် စိတ်ထားပင်ဖြစ်လေသည်။
CITEȘTI
High Energy QR Code [ Myanmar translation ]
FantezieTitle - High Energy QR Code 高能二维码 Gāonéng èr wéi mǎ Author - Cyan Wings 青色羽翼 Genre - Survival, Fantasy, Romance Chapters - 251 chapters + 19 extras English trans: by Kiki https://isotls.com/high-energy-qr-code/ I do not own this novel. F...