Waves of Life

Chapter 16

Venus

I silently sighed while looking outside the window. Malalim na ang gabi at halos wala nang sasakyang nasa daan. Sigurado ako na kung hindi sasabay kay Simon ay baka mapipilitan akong maglakad o 'di kaya'y matulog sa daan. Kapag may nangyari sa akin, sana man lang konsensyahin si Sandro.

"Matagal na ba kayo?"

Napabaling ako kay Simon na biglang nagsalita. Diretso ang tingin niya sa daan at hindi na siguro nakayanan ang nakakabinging katahimikan sa pagitan namin.

"Ni Sandro?" I ask like an idiot. Halata namang si Sandro ang pinag-uusapan, tinatanong ko pa. "Hindi gaano."

Umigting ang kanyang panga. Hindi ko alam kung sa anong dahilan.

"Bakit?" tanong ko ulit. "Kailangan bang may definite time para malaman mong mahal mo ang isang tao?"

"Hindi naman. You could love someone without knowing them actually."

I shifted on my seat while my lips curved into a smile. Nilingon ako ni Simon. Nagtagal ang titig sa akin at umawang ang labi. Tila ngayon lang ako nakuhang titigan ng malapitan.

He whispered something under his breath and lifted his gaze at me.

"Ikaw Simon, nagmahal ka na ba?"

I know na nagmumukha akong feeling close ngayon. Pero mas mahihiya ako kapag wala kaming topikong dalawa. Hindi ko alam pero kagaya ni Sandro magaan din ang loob ko sa kanya nang kinausap niya na ako. Pareho silang magkapatid na sobrang intimidating. Pero kapag nakausap mo na, okay naman pala.

"Oo."

"Talaga? So may girlfriend ka ngayon?"

"Sa isang tao lang ako interesado tapos ayaw pa sa akin.." he said painfully and looked at me.

Napakurap-kurap ako. Nabigla sa agaran niyang paglingon. Pero sandali lang naman iyon dahil muli na niyang ibinaling ang tingin sa daan.

"That's impossible.." I laughed drily. "Sino namang aayaw sayo?"

"Bakit? Gusto mo ba ako?"

Napatulala ako sa tanong niya. Malakas na kumalabog ang puso ko sa hindi malamang dahilan. "A-ano?" nagkandautal ako.

His lips twisted. "Hindi diba? Kasi si Sandro ang gusto mo. That's the point. Kahit gaano ka pa ka perpekto, kung hindi ikaw ang pinili ng taong mahal mo, wala rin."

Oh. So may mahal nang iba ang babaeng gusto niya? Nakakalungkot naman. I don't know how it feels when someone doesn't feel the same way about you but maybe it's really painful. Maswerte nalang iyong mga minahal pabalik ng taong pinili nilang gustuhin.

Araw-araw may nasasaktan dahil sa pag-ibig. Pero parte iyon sa alon ng buhay natin. Katulad ng isang alon na hahampas sa dalampasigan at aalis, ang problema ay lilipas din.

"You could find someone better though." ngumuso ako.

Simon just stared at me. Hindi na nagsalita pa. Maybe he doesn't really like to talk. Nakikita ko na hindi siya madalas na nakikipaghalubilo sa mga tao kagaya ng mga kapatid niya. Parang lowkey lang siya. Iyong tipong masira man image niya, wala siyang pakialam.

Hinatid niya ako hanggang sa labasan dahil nandoon si Miko at naghihintay sa akin. Pagkatapos magpasalamat ay umalis na din naman siya.

Maybe I was just being judgmental noong sinabi kong suplado siya? Mabait naman pala si Simon kapag nakausap mo na.

Nakatulog kaagad ako pagkarating ng bahay. Nang magising kinabukasan ay mayroon akong 12 missed calls at 3 unread messages mula kay Sandro. Umismid ako habang kinukuha ang cellphone. Binuksan ang mensahe niya.