Waves of Life

Chapter 40

Venus

"Hindi mo ba talaga nakita kung saan pumunta, Ven?" tanong ni Calli sa akin.

Napakamot ako sa batok at umiling. Naaliw ako kakapanood sa malapit na dagat habang nasa veranda kanina. Nakaligtaan ko na ibinilin nga pala sa akin ni Kuya si Yawi. Ang brown pomeranian na ibibigay niya kay Zoe mamaya.

Halos halughugin na naming lahat ang buong beach house pero hindi pa rin nakikita ang aso. Nang mapunta ang titig ko sa dagat ay napatutop ako sa sariling bibig.

Hindi kaya nalunod na iyon?

Oh no! Nanlulumong napaupo ako sa konkretong hagdan, tinatanaw ang marahas na paghampas ng alon sa dalampasigan at sa rock formations.  Sa liit ng asong iyon ay agad mawawala kapag nahampas ng alon.

"Bala nalunod na iyon.." pumatak ang luha ko na kaagad kong pinunasan gamit ang likod ng aking palad. "Ano'ng gagawin ko?"

"Makikita natin yun, Ven. Hindi iyon makakapunta sa dagat kasi kailangan pa niyang dumaan sa hagdan d'ba?" si Calli na mukhang nalito rin sa sinabi niya.

Mula sa pagkakasandal sa railings ay lumapit si Sandro sa akin. "Wag ka nang umiyak. Ang pangit mo'ng panoorin. Tara na muna sa loob."

Marahas akong napaangat ng tingin. Kaagad na uminit ang ulo ko dahil sa sinabi ni Sandro. All I ever wanted for him is to comfort me! Hindi iyong lalaitin pa niya ako!

"Yan lang ang masasabi mo?" humahagulhol kong sigaw, tumayo ako at dinuro siya.. "I am here wondering what could happen to the dog and yet yan lang ang masasabi mo? Na pangit ako? Pangit ako! Pangit ako!"

Si Sandro ay natigilan sa biglaang pagsigaw ko. Kita kong napaatras siya.

"Bakit mo naman sinabihang pangit sandro." si Gov sa likuran.

Hinilot ko ang sentido at tiningnan si Gov. Agad akong kumalma at nagpakawala ng buntong hininga. Nang muling bumalik ang titig kay Sandro ay inirapan siya.

"Pasalamat ka at cute ang pinsan mo.." nakasimangot kong usal.

Humagalpak ng tawa sina Vincent, Gov, at Borgy sa likuran. Si Sandro ay marahas na binalingan ang tatlo.

"Wag mong seryosohin ang sinasabi niya, matt!" giit ni Sandro. "She's just pregnant."

"Oh, bakit galit ka?" panunuya ni Gov.

My eyes immediately drifted to Zoe who was behind them. Nakangiti siya at hawak- hawak na ang asong kanina pa namin hinahanap. Sa likuran ay nakasunod si Kuya sa kanya habang bitbit ang bag niya.

"Zoe!" Mabilis akong lumapit sa kanya. "Saan mo nakita ang aso?"

Nagtatakang tinitigan ako ni Zoe at ang mga kasamahan na lumapit na rin. "Nasa entrance nang dumating kami ni Rig. He said it's mine."

"Yes, pero nawala iyan kanina. Hinahanap namin." si Calli.

"Oh, good thing I've found him."

"See? Hindi naman nakalayo d'ba? 'Wag ka kasing masyadong magpaka stress." hinawakan ni Sandro ang balikat ko. "Mabuti pa at magbihis kana.."

Mga alas syete ng gabi ay sabay kaming lahat sa pagpunta sa The Coast. Iyon naman kasi talaga ang plano. Sa beach house kami ni Sandro sa umaga at sa gabi ay didiretso nalang sa the coast.

"I like your dress." ani Zoe na kakababa lang ng sasakyan ni Kuya.

I am wearing a baby pink halter neck maxi dress. Sinikop ko ang buhok at ginawang pusod pero dahil sa hangin ay may iilang strands ng buhok na nahuhulog sa mukha ko.