Waves of Life

Chapter 19

Venus

"Oh my god! Venus, Simon! Ano ba'ng nangyari?" si Tita Riza.

Naunang dumalo si Sandro sa amin at nakasunod naman sa kanya ang mga magulang.

Tuluyang napawi ang ngiti ko. Inilahad ni Sandro ang kamay sa akin na agad kong kinuha. Mabilis niya akong itinaas mula sa pool. Iritado siya. Lalong- lalo na nang lumandas ang titig niya sa katawan  ko. Doon ko lang napagtanto na bakat ang panloob ko dahil puting tshirt ang suot.

"Nandoon ang jacket ko.." si Simon na iniangat ang sarili dahil hindi man lang tinulungan ni Sandro. Dumiretso siya sa kinauupuang sun lounger kanina at kinuha ang jacket na nakapatong doon. Bumalik siya at inilahad sa akin.

Kukunin ko na sana iyon pero kaagad na nahawakan ni Sandro ang braso ko.

"Hindi na kailangan.." malamig na usal ni Sandro.

Kumunot ang noo ko. Pinaglipat-lipat ang tingin sa kanilang dalawa. Diretso ang maririing titig ni Sandro kay Simon,  Simon just casually cocked his head. Tila inaasar pa dahil iritado ang kapatid.

"Ano ba ang nangyari?" si Tito Dom na lumapit na rin.

Tinitigan siya ni Simon pero hindi sinagot ang tanong niya.

"Nahulog po kami sa pool nang hindi sinasadya." ako na ang sumagot.

"Let's go.." hinila ni Sandro ang braso ko.

Nanatili si Tita at Tito doon kasama ni Simon. Lumingon ako sa kanila at nakitang may sinasabi si Tita kay simon na tila tamad makinig, ibinaon niya ang mga daliri sa sariling buhok at itinagilid ang ulo.

Simon is like the blacksheep of the family. Kanina sa dinner, hindi rin siya sumabay. Mukhang hindi pa sila magkasundo ni Sandro. Ano ba talaga ang problema?

Tahimik ako habang hinihila ni Sandro paakyat sa hagdan, sa kanyang kwarto. It was a spacious bedroom with blue colored walls. Very masculine. Isang tingin ay mahihinuha agad na lalaki ang may- ari ng kwarto na ito.

May isa pang pintuan na sa tingin ko'y walk- in closet at CR. Naiwan akong nakatayo malapit sa kama at pumasok naman sa loob ng closet si Sandro. Tahimik kong ipinaglandas ang mga mata sa paligid. The huge bed was covered in white sheets. May nakalatag ring red carpet sa sahig.

Lumabas si Sandro at may mga dala na siyang damit. Una niyang inilahad sa akin ang puting towel.

"Is it okay if you wear my shirt?"

I nodded. Kinuha mula sa kanya ang inilalahad na puting tshirt. Kumunot ang noo ko nang mapagtantong wala akong undergarments! Damn! Hindi naman pweding manghiram ako sa kanya, 'dba?

"Wag na lang kaya akong magbihis?" I suggested.

Umiling kaagad si Sandro. "Hindi pwedi, baka magkasakit ka. Sige na, kahit yung damit lang ang palitan mo. Ihahatid na kita kaagad."

For a moment I find it awkward, ilang minuto akong nanatili sa loob ng CR at tinititigan ang sarili sa malaking salamin. Ang laki ng t-shirt sa akin. Hanggang ibabaw na ng tuhod ko ang haba.

"Venus.." marahang katok mula kay Sandro.

Bumuntong hininga ako at binuksan ang pintuan. Kaagad na naglandas ang titig ni Sandro sa akin.

"Wow.." bulalas niya na tila gustong matawa.

Hinampas ko kaagad siya sa braso. Alam ko namang nakakatawa! Mukha akong isang rapper!

"Ipinabigay ni Mama. Pumili ka daw ng susuotin mo." inilahad niya ang hawak- hawak na puting paper bag.

Muli akong pumasok sa banyo at halos malaglag ang panga nang makitang isang set ng panty iyon. Binili ba ni Tita 'to ngayon lang at saktong sakto sa size ko?