Unicode
မနေ့ညကလုပ်ရပ်ကြောင့်အတော်လေးအဆင်ပြေခဲ့သည်ဟုပြောရမည်။သို့ပေမယ့်လည်းယခုတွင်တော့ဘာဆက်လုပ်ရမလည်းမသိတော့။
ရည်းစားစာရေးပေးရမလား။အရမ်းများတောဆန်သွားမလား။
ဘာဆက်လုပ်ရမလည်းဆိုတာတစ်ကယ်မသိတော့ဘူး!
ကိုယ်ချစ်ရတဲ့သူဆီကအချစ်ကိုရယူဖို့ဆိုတာ ဒီလောက်ထိခက်ခဲမှန်း သူမသိခဲ့။
"ဟူး...."
အိပ်ရာပေါ်တွင်ဟိုလှိမ့် ဒီလှိမ့်လုပ်ရင်းသာ ပျင်းတွဲတွဲနှင့် သက်ပြင်းချနေမိသည်။ဖုန်းက dateကို မမျှော်လင့်ဘဲကြည့်လိုက်မိလေတော့ သင်္ကြန်ကျဖို့တောင်ဘယ်လောက်မှမလိုတော့။မနှစ်က သင်္ကြန်ကိုတော့ ရွာမှာပဲဖြတ်သန်းဖြစ်ပေမယ့်ဒီနှစ်ကရန်ကုန်ရောက်နေသည်ဆိုတော့ ကားနဲ့လျှောက်လည်ရင်ကောင်းမလား။
အရက်တွေမူးအောင်တိုက်ပြီး ဆရာလေးကိုအခွင့်အရေးယူရမလား!
အိပ်ရာပေါ်တွင်ပက်လက်လှန်ကာ လက်နှစ်ဖက်ကိုလည်းကားထားပြီး ခြေထောက်နှစ်ဖက်ကိုအနည်းငယ်ကားထားကာ မျက်နှာကျက်ကိုကြည့်ရင်းတွေးနေမိသည်။
သင်္ကြန် ဆိုတာက ပျော်ရွှင်စရာအချိန်အခါသမယ ပေမို့ ဆရာလေး အချစ်ကိုရယူဖို့အတွက်အကောင်းဆုံးပင်။
မတွေးမိခဲ့ပါ!
သူ့ဘဝမှာ ယောင်္ကျားလေးတစ်ယောက်ကို အခုလိုခက်ခက်ခဲခဲလိုက်ရလိမ့်မယ်လို့တစ်ခါမှမတွေးဖူးခဲ့။အချစ်ရေးကို မည်မျှစိတ်မဝင်စားခဲ့ဖူးဆိုပါစေဦးတော့ ယောင်္ကျားလေးတစ်ယောက်ကို ယခုလိုမျိုးလိုက်ရမယ်ဆိုတာကိုတော့ သူအိမ်မက်ပင်မမက်ဖူး ပိုဆိုးသည်က သူလိုက်ရသည့် ယောင်္ကျားလေးက ဆရာလေးဖြစ်နေသည်ကိုပင်။
ဆရာလေးကို ချစ်မိသွားလိမ့်မယ်လို့ သူယောင်လို့ပင်မတွေးမိခဲ့ဖူးပါ။
တောင်!
ဖုန်းမှအသံကြားသောကြောင့် ယူကြည့်လိုက်တော့ group chatက။
"ဘာဆက်လုပ်မှာလည်း" ဆိုတဲ့ ကိုထက်ဆီကစာပင်။Wifiနှင့်မို့အမြဲတစ်စေလိုင်းဖွင့်ထားတတ်သည့်သူ့အကျင့်ကြောင့် တစ် တင် တင်,တစ် တောင် တောင် အသံတွေက သူ့ဖုန်းတွင်အမြဲကြားနေရသည်။
YOU ARE READING
တိမ်တွေပြိုသည်ရှိခဲ့သော/ တိမ္ေတြၿပိဳသည္ရိွခဲ့ေသာ(Completed)
Romanceစာပြန်မစစ်ရသေးသောကြောင့်စာလုံးပေါင်းအနည်းငယ်မှားနေနိုင်ပါသည်။ စာျပန္မစစ္ရေသးေသာေၾကာင့္စာလံုးေပါင္းအနည္းငယ္မွားေနႏိုင္ပါသည္။