Unicode
"အကပ်!"
အိပ်ရာနှင့်ကျောလွတ်သွားသောကြောင့် အသိစိတ်တို့ကပြန်ဝင်လာရသည်။ညနေဘက်ကြီးအိပ်မိပြီးအိမ်မက်ဆိုးများကိုမက်နေသည်။နဖူးမှချွေးအားလက်နှင့်သုတ်လိုက်ရင်းလေပူတစ်ချက်ကိုမှုတ်ထုတ်လိုက်သည်။
ဒီတစ်ခေါက်တွေ့သည့် အကပ်က အရင်တွေ့နေကျအကပ်နှင့်မတူ။ပို၍ဖျော့တော့လာသောမျက်နှာနှင့်ပို၍ဆွေးမြေ့လာသောမျက်ဝန်းတွေ။သူ့ကောင်လေးတစ်ကယ်ပင်ပန်းနေပြီလား။အရာအားလုံးကို မျက်နှာလွှဲမိနေတာ သူမှားများမှားနေပြီလား။သူအခုလိုတွေလုပ်နေတာသူ့ကောင်လေးအတွက်တရားရဲ့လား။
တီ...တီ...တီ
ဘေးနားရှိစားပွဲပေါ်တွင်တင်ထားသောဖုန်းကထမြည်လာသောကြောင့်လှမ်းယူလိုက်သည်။ကြည့်လိုက်လေတော့ အမချောဆီမှ။
"ဟယ်လို...အမချောပြောပါ"
"သစ်...ရယ်စရာကောင်းမလားမသိပေမယ့်လေ...အမ...အမ အကို့ကိုလက်လွှတ်ပေးလိုက်ပြီ"
ငိုနေရင်းပြောနေပုံပေါက်သည်။
စကားသံတွေက ထွက်တစ်ချက်မထွက်တစ်ချက်။"အရမ်းနာကျင်ရတယ်မဟုတ်လားအမ"
"အင်း ရူးမတတ်ဘဲ...သေလောက်အောင်နာကျင်ရတယ်...ဒါပေမယ့် အကိုပျော်နေတာကိုမြင်ရတော့ အမဝမ်းသာတယ်"
"အင်းပါ"
"အကိုကပြောတယ်...မိုးစက်ဟန်ကိုခေါ်ပြီးအဝေးဆုံးကိုထွက်သွားမယ်တဲ့...နောက်ဆုံးတော့လေ အမ အကို့ကိုတစ်ကယ်လက်လွှတ်လိုက်ရတာ...အကိုက အရာအားလုံးနဲ့လဲပြီး မိုးစက်ဟန်ကိုရွေးချယ်သွားတာ"
*အကိုကပြောတယ်...မိုးစက်ဟန်ကိုခေါ်ပြီးအဝေးဆုံးကိုထွက်သွားမယ်တဲ့....*
အမလင်္ကာချောပြောသည်ကစကားများစွာဖြစ်သော်လည်း သစ် ကြားသည်ကတော့ မိုးစက်ဟန်ကိုခေါ်သွားမည်ဆိုတာကိုပင်။သူချစ်ရတဲ့ကောင်လေးကို အဝေးကိုခေါ်သွားမည်တဲ့လား။ဒါကိုသူကကြည်ကြည်ဖြူဖြူခွင့်ပြုလိုက်ရတော့မှာလား။သူဒီလောက်ထိသဘောကောင်းပေးရတော့မှာလား။
"ဒါပဲနော် သစ်...အမဖုန်းချလိုက်တော့မယ်နော်"
ငူငူကြီးထိုင်နေမိသည်။
စိတ်တွေလည်းရှုပ်ထွေးလွန်းလှပါသည်။
ဒီတစ်ခေါက်တွေ့ခဲ့တဲ့ အိမ်မက်ထဲကကောင်လေးက သိပ်ကိုဖျော့တော့နေသည်။သူချစ်ရတဲ့ကောင်လေးကတစ်ကယ်ပဲပင်ပန်းနေတာလား။သူဘယ်လိုဆုံးဖြတ်ရပါ့မလည်း။
....................................
....................................
"ကျစ်!....တစ်ကယ်ပြဿဒါးပဲကွာ"
YOU ARE READING
တိမ်တွေပြိုသည်ရှိခဲ့သော/ တိမ္ေတြၿပိဳသည္ရိွခဲ့ေသာ(Completed)
Romanceစာပြန်မစစ်ရသေးသောကြောင့်စာလုံးပေါင်းအနည်းငယ်မှားနေနိုင်ပါသည်။ စာျပန္မစစ္ရေသးေသာေၾကာင့္စာလံုးေပါင္းအနည္းငယ္မွားေနႏိုင္ပါသည္။