Devil Venerable Also Wants To Know(mm tran)

အပိုင်း၅။ အကြံကောင်းပါပဲ အရှင်

စာအုပ်ထဲ၌ပိုင်လီချင်းမြောင်မှလွဲ၍
အခြားသူများမှာ သူ့မျက်လုံးထဲသို့
မဝင်နိုင်ဟူ၍ဝမ်ရန်အယ်၏ခံစားချက်
ကင်းမဲ့ပုံကိုဖော်ပြထားသည်။သူဟာ
ပိုင်လီချင်းမြောင်သာလိုချင်လျှင် ကောင်းကင်က လနှင့်ကြယ်များကို
ဆွတ်ခူးပေးနိုင်သူဖြစ်သည်။ထိုကဲ့သို့ ဇာတ်ကောင်မျိုးသည် များပြားလှသောပရိသတ်များကိုဆွဲဆောင်နိုင်၏။ထို့‌ကြောင့်သူနှင့်ပိုင်လီချင်းမြောင်နှစ်ယောက်တည်း
ရှိနေသည့်အခန်းဆိုလျှင် စာဖတ်သူများ အလွန်သဘောကျပြီး အားပေး‌လေ့ရှိသည်။

သူတို့နှစ်ယောက်ကြားက ဆက်ဆံရေးမှာ
ဟယ့်ဝမ်းချောင် ခရမ်းရင့်ရောင်စံအိမ်တော်သခင်မနှင့်လက်ထပ်သည့်နေ့၌
ပိုင်လီချင်းမြောင်တစ်‌ယောက်အသည်းကွဲပြီး ဝမ်ရန်အယ်နှင့်အတူတူ ကြယ်‌တွေစုံနေသည့်မိုးကောင်းကင်ကို ငေးကြည့်ကာ
နဂါးငွေ့တန်းဖြင့်ခွဲထားခြင်းကိုခံထားရသည့်နွားကျောင်းသားနှင့် ရက်ကန်းသမကြယ်
တို့ကိုလက်ညှိးညွှန်၍ "နှစ်ယောက်သားအရမ်းချစ်ကြတဲ့ စုံတွဲကို ဘာလို့ခွဲထားရတာလဲ" ဟုမေးခွန်းထုတ်လို့ရသည့်ဆက်ဆံ‌ရေးမျိုးဖြစ်သည်။

ထို့နောက် သူ၏ဖြူဖတ်ဖြူ‌ရော်မျက်နှာ
ပေါ်တွင် မျက်ရည်စီးကြောင်း‌တစ်ကြောင်း ကျဆင်းလာ၏။မျက်လုံးများ တလက်လက်တောက်ပနေကာ ပျော်ရွှင်နေ‌လေ့ရှိသည့် မိန်းမပျိုလေးပျောက်ဆုံးသွားသည်မှာ
ကြာလှနေပြီဖြစ်သည်။ကျင့်ကြံသူများဟာအခြေခံအုတ်မြစ်တည်ဆောက်ခြင်းအဆင့်ရောက်သွားသည်နှင့် သူတို့၏ခန္ဓာကိုယ်သည် အသက်ကြီးရင့်မလာတော့ပေ။
ပိုင်လီချင်းမြောင်၏ရုပ်ရည်သွင်ပြင်သည် အသက်ဆယ့်ရှစ်နှစ်အရွယ်အတိုင်း
ရှိနေသေးသည်။သို့သော်လည်းသူ၏နှလုံးသားမှာမူ ရင့်ကျက်နေပြီဖြစ်သည်။

ဝမ်ရန်အယ်ဟာ ပိုင်လီချင်းမြောင်မျက်လုံးကိုလက်ဖြင့်ကာလိုက်ပြီး "ငါနတ်ဘုရား
မဖြစ်သေးခင်အထိ ကြယ်တွေကိုမကြည့်နဲ့" ဟုပြောလိုက်သည်။

ပိုင်လီချင်းမြောင်က "ဘာလို့လဲ" ဆိုပြီး
စိတ်ရှုပ်ထွေးစွာမေးလိုက်သောအခါ
"ကျင့်ကြံသူတစ်ယောက်က နတ်ဘုရားအဆင့်ကိုတက်လှမ်းနိုင်မယ်ဆိုရင်
ကြယ်တွေ နဂါးငွေ့တန်းတွေကို သူတို့
ကြိုက်သလိုပြောင်းလဲခွင့်ရှိတယ်တဲ့။
ငါ နွားကျောင်းသားကြယ်ကို နဂါးငွေ့တန်းရဲ့တစ်ဖက်ကိုပြောင်းပေးမယ်။" ဟု
ပြန်ဖြေ၏။