Devil Venerable Also Wants To Know(mm tran)

အပိုင်း၁၇။နယ်စပ်မြို့ငယ်လေး

ဆယ်စုနှစ်များစွာ ကုန်လွန်ခဲ့ပြီ
ဖြစ်သည့်အတွက် တာဝန်ရှိသူများကသာပြန်လည်ပြင်ဆင်မပေးခဲ့လျှင်
ဂူဗိမာန်ယိုယွင်းပျက်စီးသွားမည်မှာ
မြေကြီးလက်ခတ်မလွဲပင်။အရိုအသေ
လာပေးသူများလည်းနည်းပါးလာချေပြီ။

ယင်ဟန်ကျန်း ထို‌နေရာကိုရင်းနှီးကျွမ်းဝင်နေခြင်းကိုကြည့်ပြီး ဝမ်ရန်အယ်
အနည်းငယ်သံသယဝင်မိသည်။
အမွှေးတိုင်ထွန်း ပူဇော်ကာရုပ်ထုကိုတိုက်ချွတ်ပြီးနောက် ယင်ဟန်ကျန်း
သူ့နားသို့ပြန်ရောက်လာသည့်အခါ
"မင်းဒီကိုမကြာခဏ လာလေ့ရှိသလား။"
ဟုဝမ်ရန်အယ်မေးလိုက်မိသည်။

ယင်ဟန်ကျန်း၏ နားရွက်အနည်းငယ်
နီရဲလာသော်ငြားမျက်နှာအမူအရာကတော့ပြောင်းလဲသွားခြင်းမရှိချေ။
"တံခါးပိတ်ကျင့်ကြံ‌မနေဘူးဆိုရင်
တစ်နှစ်တစ်ခါတော့ရောက်အောင်လာလေ့
ရှိပါတယ်။"ဟုပြန်ဖြေသည်။

ဤအကြိမ်သည်ကား ဝမ်ရန်အယ်နှင့်အတူ
ပထမဆုံးလာခြင်းဖြစ်ပေသည်။

"ဒီအရှင်က ကုသိုလ်လည်းမလိုသလို
အမွှေးတိုင်ထွန်းပူဇော်မှုတွေကနေ အကျိုးအမြတ်တစ်စုံတစ်ရာ
ရမှာမျိုးလည်း မရှိဘူး။ငါက
မင်းဘေးမှာတင်ရှိနေတာ။
ငါ့ရုပ်တုကိုအရိုအသေလာပေးဖို့
လိုလို့လား။"ဟုဝမ်ရန်အယ်
နားမလည်နိုင်စွာမေးလိုက်သည်။

ယင်ဟန်ကျန်းဟာကလေးဘဝကတည်းက
သူ့နောက်လိုက်ခဲ့သဖြင့် ယင်ဟန်ကျန်းအကြောင်း သူနားလည်သည်ဟု
ဝမ်ရန်အယ်ထင်ထားခဲ့သည်။ဝတ္ထုစာအုပ်ဖတ်ကြည့်မှသာ ယင်ဟန်ကျန်း
ပြသထားသည့်ပုံရိပ်ကိုသာ ‌သူသိကြောင်းသဘောပေါက်ခဲ့ရသည်။ထိုအချိန်မှစ၍
ယင်ဟန်ကျန်းကိုသေသေချာချာ ‌
စောင့်ကြည့်ခဲ့ရာ ယခင်ကသတိမပြုမိခဲ့သည့်
အပြုအမူများစွာကို တွေ့ရှိခဲ့သည်။

ဤဗိမာန်မှာနှစ်ရှစ်ဆယ်ကျော်ပြီ
ဖြစ်သော်ငြားရုပ်ထုကတော့ အသစ်
အတိုင်းပင်။ထိုသည်မှာလည်း
ယင်ဟန်ကျန်းကြောင့်ပဲဖြစ်မှာသေချာသည်။နှစ်စဉ်ယင်ဟန်ကျန်း ဤနေရာသို့
လာရောက်လေ့ရှိသည်ကိုဝမ်ရန်အယ်
တစ်ခါမျှသတိမထားမိခဲ့ပေ။

ယင်ဟန်ကျန်းပြန်ဖြေတော့မည့်အချိန်၌
အမှုထမ်းဝတ်စုံဝတ်ထားသည့်
ယောကျာ်းတစ်ယောက် သူတို့အနားသို့
ရောက်လာသည်။ထိုလူမှာ အသက်ငါးဆယ်၊ခြောက်ဆယ် ပတ်ဝန်းကျင်ရှိပြီး
ယင်ဟန်ကျန်းကိုတွေ့သည့်အခါ
"မင်းက ယင်မျိုးရိုးလူငယ်
သူရဲကောင်းလား။"ဟု
စကားစလာသည်။